'Olic 135
135
O Sapahmek a Radiw
1Haliluya!
Kamo o matayalay no Tapang,
pipahmek kamo to ngangan no Tapang.
2Kamo o matayalay i loma' no Tapang,
o i laloma'ay no Fangcalay a Kaitiraan no Kawas ita a tamdaw,
3pipahmek to Tapang, nawhani o nga'ayay Cingra,
karomadiw a pahmek to ngangan Ningra, nawhani o sini'adaay Cingra#135.3 nawhani o sini'adaay Cingra -- ano ^ca i, o matatodongay ko nipidmak tonini..
4O nipili'an no Tapang ci Yakop to maloningra,
o nipili'an Ningra ko Israil a finawlan to maloningra.
5Mafana' kako to nika tadamaan no Tapang,
ikaka no kalokawakawas ko Tapang ita.
6Ano i kakarayanto, ano i srato, ano i riyarto, ano i talolongayto i,
o nafaloco'an no Tapang ko nilahcian Ningra a midmak.
7Pacakaten Ningra nai sra ko canem a palato'em,
pahaklongen Ningra to fitili' ko 'orad a mitfad,
pasadaken Ningra ko fali nai 'ariri Ningra.
8Itira i Icip i, patayen Ningra ko polong no fisac a wawa,
ano tamdawto a fisac, ano pina'oripto a fisac i, patayen Ningra a ma^min.
9Itira Cingra a midmak to ci'icelay a kafahka'an a dmak,
tfocen Ningra ko hongti no Icip ato matayalay ningra a tapatapang.
10Tkopen Ningra ko 'alomanay a kasakitakit,
patayen Ningra ko ki^melay a hongtingti,
11ci Sihon a hongti no Amori, ci Ok a hongti no Pasan
ato polong no i tiraay i Kanan a hongtingti.
12'Afasen Ningra ko sra nangra a pafli i finawlan Ningra,
paflien Ningra ko Israil a finawlan to maloomah nangra.
13 Tapangaw, o mamida'oc ko ngangan Iso,
o mamaharateng no kasarayray no tamdamdaw Kiso.
14O mamipa'ading ko Tapang to finawlan Ningra,
o a adayay Cingra to polong no matayalay Ningra.
15O samiyay no kasakitakit i, o nifowahan to tada^kim ato ^kim,
o nito^to'an no kamay no tamdaw a misafaco a misanga'.
16Ira ko ngoyos nanira i, caay ka caciyaw,
ira ko mata nanira i, caay pakanengneng,
17ira ko tangila nanira i, caay pakatngil,
awaay ko sasla'an no ngoyos nanira.
18Mamana matiya o nisanga'an nangra a samiyay ko polong no misanga'ay ato paso'linay tonini.
19Kita o Israil a tamdaw, pipahmek to Tapang!
Kamo o paro no loma' ni Aron a citodongay to ta'ong, pipahmek i Cingraan!
20Kamo o Lifi a tamdaw, pipahmek to Tapang!
Kita o polong no mangodoay to Tapang a tamdaw, pipahmek i Cingraan!
21Pipahmek to Tapang i Cion,
pipahmek to maro'ay i Yirusalim a Tapang!
Haliluya!
Currently Selected:
'Olic 135: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
