'Olic 114
114
O Radiw to Pita'lifan a Lisin
1Miliyas ko Israil a tamdaw to Icip,
miliyas to sra no roma a finacadan ko wawawawa ni Yakop,
2malafangcalay a finawlan no Kawas ko Yuta,
malanikowanan Ningra a kitakit ko Israil.
3Pakanengneng ko Kahngangay hananay a riyar i, milaliw,
talafafaw ko rakat no nanom no Yortan a 'alo.
4Satrotroc sa ko lotolotok a matiya o okang a siri,
satakotakod sa ko taporoporo a matiya o tofor a siri.
5Kahngangay hananay a riyaraw, nawiro milaliw kiso saw?
'Aloaw no Yortan, nawiro talafafaw ko rakat iso saw?
6Lotokaw, nawiro matiya o okang a siri kamo a misatrotroc saw?
Taporoaw, nawiro matiya o tofor a siri kamo a misatakotakod saw?
7Kiso o sra, ano tayni ko Tapang i, kamirmir,
kangernger i ka'ayaw no Kawas ni Yakop.
8Palafanawen Ningra ko 'ongcoy,
papowaren Ningra ko nemnem i 'atkakay a fokloh.
Currently Selected:
'Olic 114: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
