'Olic 113
113
O Pipahmek to nika Nga'ay no Tapang
1Haliluya!
Kamo o matayalay no Tapang, pipahmek Cingraan!
Pipahmek kamo to ngangan no Tapang!
2O papahmeken ko ngangan no Tapang a tahada'oc.
3O mapatdiayho no cidal i tini i hkal a tamdamdaw i,
o papahmek to ngangan no Tapang!
4O mikowanan no Tapang ko kasakitakit,
mita'lif to kakarayan ko nika tadamaan Ningra.
5Cima ko mama^deng a pasasotiri' to Tapang a Kawas ita saw?
Itira Cingra i satakaraway a maro'.
6Nikawrira, roho sa Cingra a minengneng to kakarayan ato hkal.
7Palowaden no Tapang nai alafoh ko tadancaay a tamdaw,
palowaden Ningra nai tayi' a sra ko pakosiya a tamdaw.
8Papikapoten Ningra cangra to wawa no hongti,
saka, malakapot cangra a maro' ato wawa no hongti no kitakit.
9O ma'asicay a fafahiyan i, papingodoen Ningra ko tamdaw i loma' ningra,
saka, paflien Ningra to wawa cingra a palipahak cingraan.
Haliluya!
Currently Selected:
'Olic 113: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
