'Olic 112
112
O Lipahak no Mo^celay a Tamdaw
1Haliluya!
O tadamalmeday ko mita'ongay to Tapang,
oya maolahay a mido^do to limo'ot Ningra a tamdaw.
2O mamalmed ko tloc no mo^celay a tamdaw,
o mamacakat ko 'orip no tlotloc ningra i hkal.
3O cacidafong ko loma' ningra,
o mamida'oc ko mo^celay a dmak ningra.
4Matiya o likat cingra a patdi to mo^celay a tamdaw i to'manay,
nawhani o sini'adaay, o adayayay, o mo^celay cingra.
5O halipalada'ay a tamdaw i, o malmeday,
nawhani o so'linay ko dmak ningra a matayal.
6Caay ko mamatfad ko mo^celay a tamdaw,
o mamida'oc a maharateng no tamdaw cingra.
7Caay ka talaw cingra to tatiihay a ratoh,
tanektek ko paso'lin no faloco' ningra, masarocod ko faloco' ningra a miti'er to Tapang.
8Caay ka rawraw, caay ka talaw cingra,
caay ka ^ca o mama'araw ako ko nika tfad no 'ada saan ko paso'lin ningra.
9O halipalada'ay ato halipadamaay cingra to pakosiya a tamdaw,
mida'oc ko mo^celay a dmak ningra.
O mamacakat ko 'orip ningra a makangodo no tamdaw.
10Minengneng ko tatiihay a tamdaw to nika cakat no mo^celay a tamdaw i, matlii cangra,
mingric cangra to wadis a makter ta matkop,
malasawadto ko pafaloco'an nangra.
Currently Selected:
'Olic 112: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
