'Olic 111
111
O Pipahmek to Tapang
1Haliluya!
Masarocod ko faloco' ako a mikansiya to Tapang,
mikansiya kako Cingraan i kasa'opoan no mo^celay a finawlan Ningra.
2Wata: ko nika tadamaan no nidmakan no Tapang.
O mahmekay tonini a nidmakan Ningra a ma^min i, mangalay a mikadkad to sakafana'aw.
3O tadamaanay o kasnengan ko nidmakan Ningra,
o mida'ocay ko nika mo^cel Ningra.
4O sakapidmak no Tapang to kafahka'an a dmak i, o sakapapiharatengaw no tamdaw,
o matomesay no sini'ada ato mikomi Cingra.
5Pafli Cingra to kakaenen i mangodoay Cingraan a tamdaw,
caay ka tawal Ningra a tahada'oc ko nikatatlekan Ningra.
6Pahapinangen Ningra ko finawlan Ningra to 'icel Ningra,
paflien Ningra kita to sra no roma a finacadan.
7O so'linay o mo^celay ko nidmakan Ningra a ma^min,
o so'linay a tati'eren ko limo'ot Ningra.
8O ci^pocay a tahada'oc konini a limo'ot,
pakaynien no Tapang i so'linay ato mo^celay a dmak ko pipatireng tonini.
9Pa'oripen Ningra a mitdal ko finawlan Ningra,
matatlek ko Tapang ato cangra a tahada'oc,
o fangcalay, o kangodoan Cingra.
10O tatapangan no sakacitaneng ko nika ngodo to Tapang#111.10 O tatapangan no sakacitaneng ko nika ngodo to Tapang -- ano ^ca i, o do'es no sakacitaneng i, o nika ngodo to Tapang.,
paflien Ningra to taneng ko mido^doay to limo'ot Ningra a tamdaw.
O papahmeken a tahada'oc Cingra.
Currently Selected:
'Olic 111: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
