'Olic 108
108
O Pitolon a Milongoc to Pipadama
('Olic 57.7-11; 60.5-12)
O ccay a radiw, o 'olic ni Tafiti.
1Kawasaw, tanektekto ko faloco' ako, caayto ka ngyangi.
O raromadiw kako a pahmek i Tisowanan.
Faloco'aw ako, kapalalto!
2Datokaw, kapalalto!
Halocidal a palalen ako!
3 Tapangaw, i ka'ayaw no kasakitakit kako a mikansiya i Tisowanan,
i ka'ayaw no kasafinawlan kako a pahmek i Tisowanan.
4Mita'lifto to kakarayan ko mida'ocay a olah Iso.
Mitkohto i to'em ko nika so'lin Iso.
5Kawasaw, nanay mita'lif to kakarayan ko nika tadamaan Iso.
Nanay maldef i polong no hkal ko 'dil Iso.
6Nanay paca'ofen Iso kami, ka o 'icel Iso ko sapipa'orip i tamiyanan,
ta mapa'orip ko kaolahan Iso a finawlan.
7Nai itira i Fangcalay Kaitiraan no Kawas a pasowal Cingra,#108.7 Nai itira i Fangcalay Kaitiraan no Kawas a pasowal Cingra, -- ano ^ca i, mitoro' Cingra to nika Fangcal Ningra a mikton to sowal.
<<O lalowiden Ako a micinas ko Sikim, o papakilacen Ako i finawlan Ako ko Sukot a tono'.
8O Kiliyat i, o no Mako,
o Manasi i, o no Makoto,
o Ifraim i, o sa'ading a kafong Ako,
o Yuta i, o sakowan a cokor Ako.
9O Moap i, o kamonanawan Ako to wa'ay a talay,
o mamitkol kako to cokap a pasayra i Itom.
Pasayra Kako i Filistin a tamdaw a romadiw to sapakalowid a radiw,>> saan.
10Cima ko mama^deng a mikrid i takowanan a pacomod i tanektekay a niyaro' saw?
Cima ko mama^deng a mikrid i takowanan a patayra i Itom saw?
11Kawasaw, so'lin a falahen Iso kami haw?
Caayto pikapot Kiso to sofitay niyam a milood haw?
12Nanay padamaenho Iso kami a mico'ay to 'ada,
nawhani awaay ko ^poc to pipadama no tamdaw.
13Ano mikapot ko Kawas i titaanan i,
caay ka ^ca pakalowid kita,
nawhani Cingra ko pakalowiday to 'ada ita.
Currently Selected:
'Olic 108: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
