Taneng 8
8
O Nika Hmek to Taneng
1Pitngil, mitahidang ko taneng,
milkal ko fana' a pasowal.
2Tomireng cingra i tatihi no lalan i taporoporoan,
tomireng cingra i kasaciko#8.2 kasaciko -- o roma i, kasapiko, salopiko no lalan (ka'amis). no lalan.
3Milkal cingra i fawahan no 'adawang no niyaro', i tatihi no 'adawang no niyaro' a somowal,
4<<Kamo o i tiniay i hkal a tamdamdaw a ma^min,
sowalen ako kamo.
5Kamo o mafokilay, pinanam to sakafana',
kamo o maapaay, pinanam to sakalatamdamdaw iso.
6Pitngil to tadamaanay a sowal ako,
o mo^celay ko sowal ako a ma^min.
7O so'linay ko sowal ako,
ma'osi kako to mangah a sowal.
8O so'linay ko sowal ako a ma^min,
awaay ko mangah, awaay ko misafana'ay a sowal ako.
9O mafana'ay a mipalita a tamdaw i,
mahapinang ningra ko sowal ako,
o citangalay a tamdaw i, mafana' to sowal ako.
10O nipitngil to sifana' ako ko nga'ay to nipitatoy to kohcalay a ^kim,
o nika citaneng ko nga'ay to nipitatoy to tada^kim,
11nawhani, ikakaay no odo' ko taneng,
o nilongocan iso a kangalayan iso a maamaan i,
awaay ko mama^deng a sapasasotiri' i takowan.
12<<O taneng kako,
o mafana'ay a mipalita,
o mafana'ay kako, o mafana'ay a mihapinang to dmak.
13O mangodoay to Tapang i, ka'intelen to tatiihay,
ma'intel kako to misatakaraway ato malata'angay a faloco',
ato matelii to tatiihay a dmak ato misamangahay a sowal.
14Ira ko pisahalaka ako, ira ko taneng ako,
o mafana'ay kako, o ki^melay kako.
15Mipadama kako to pikowan no hongti ato pisanga' no mikowanay to mo^celay a rikec.
16Miti'er i takowanan ko kahaccaccay no mikowanay i tini i hkal,
pakayni i takowanan ko pikowanan no kakrikridan ato kakitakitaan.
17O maolahay takowanan i, maolah kako i cangraan,
o mikilimay takowanan i, caay ka ^ca ka matama nangra kako.
18Kako ko pafliay to sakacidafong ato sakatadamaan,
mida'ocay a dafong ato kadofah i ira i takowanan.
19Ikaka no sanga'ayay a tada^kim ato ^kim ko lalayapen iso i takowanan.
20I mo^celay a lalan kako a romakat,
romakat kako i marayasay a lalan.
21Paflien ako to dafong ko maolahay i takowanan,
tomesen ako to dafong ko loma' nangra.
22<<I 'ayaw no pisanga' no Tapang to maamaan i ti:yaho irato kako.
23I satapangan, i 'ayaw no nika ira no hkal i, mapatirengto kako.
24I 'ayaw no nika ira no riyar ato nemnem i, sofocento kako.
25I 'ayaw no nika ira no lotolotok ato taporoporo, ira:to kako.
26Yo caho pisanga' ko Tapang to sra ato omah,
ato kaawaho no ccaccay aca a kahot no sra itiya.
27Yo misanga' ko Kawas to kakarayan a mipalala'ed ato riyar i, ira:to kako itira.
28Yo tlien Ningra ko to'em i kakarayan,
yo fawahen Ningra ko nemnem i riyar,
29yo pala'eden Ningra ko riyar to saka^caaw pilakowit nonini to nisa'osian Ningra a kalangangan,
yo misanga' ko Kawas to paranaan no hkal i, ira:to kako itira.
30I tatihi Ningra kako a matiya o kakridan no misanga'ay,#8.30 misanga'ay, -- ano ^ca i, ka^mangay.
o sakalipahak Ningra to romi'ami'ad kako,
mararid kako i ka'ayaw Ningra a lipahak.
31Lipahak kako to nisanga'an Ningra a hkal ato nisanga'an Ningra a tamdamdaw.
32<<Wawaaw, pitngil to sowal ako i matini,
do^doen ko sowal ako ta lipahak kamo.
33Do^doen ko nitngilan namo a sifana',
pilongoc to saka citaneng, aka pina'ay tonini.
34O mitngilay to sowal ako i, o malmeday,
nawhani mitala cingra to romi'ami'ad i fawahan no loma' ako a mitngil.
35O pakatamaay takowanan i, o pakatamaay to 'orip,
o lalipahak ko Tapang a mihamham ato pakalmed i cingraan.
36O misatalifokilay i takowanan a tamdaw i, o miri'angay to tireng ningra.
O mi'intelay i takowanan a tamdaw i, o maolahay to patay,>> saan.
Currently Selected:
Taneng 8: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
