Taneng 7
7
1Wawaaw, pakifaloco'en ko sowal ako, aka pitawal to limo'ot ako i tisowanan. 2Ka'imeren ko limo'ot ako, ta kadofah ko 'orip iso, pina'on a mido^do to sifana' ako a matiya o pina'on iso to mata iso. 3Kararid a ma'imer a pakifaloco' to sifana' ako. 4Palasalikakaen iso to fafahiyan ko taneng, palatadawidangen iso ko fana'. 5Ta mapaliyas nanira kiso nai fafahi no tao ato nai ko^sanay ko sowal a ma'otitay a fafahiyan.
O Ma'odangay a Fafahiyan
6Yo ccay a romi'ad pasipapotal kako a minengneng i sasingaran no loma' i, 7ma'araw ako ko papinapina a maapaay a kapah, mahapinang ako ko ccay nangra to tadamafolaay. 8Mililis cingra a romakat i sakatayra i loma' noya ma'odangay a fafahiyan. 9Yo to'manto i, tayra cingra i fawahan no loma' noya fafahiyan. 10Masadak koya fafahiyan a mihamham i cingraan, matiya o tasalamaan a fafahiyan ko picipoh ningra to sapisa'fitaw. 11O ma'otitay konini a fafahiyan saka, misarakarakat cingra i lalalalan. 12Tomireng cingra i tini, tayra cingra i tiraw a misarakarakat, ano latek itira cingra i lalan, latek itira cingra i kalali'acaan a mitala. 13Takec han ningra koya kapah a micocop, sasdisdi sa a matawa a somowal. 14<<O milahciay kako anini to niktonan ako i Kawas a sapato'aya, ira i loma' ko sapato'aya a titi, 15saka, masadak kako a mikilim i tisowanan, halamham sa kako a mimelaw to pising iso, 'arawhani i tiniay aca kiso. 16Mahrekto kako a misaksak to kafoti'an to macngelay makapahay a kiradom no Icip. 17Mapafangsisto ako to mir ato aloy#7.17 aloy -- o roma i, sata'os. ato akasiya ko kafoti'an. 18Tata, salafii sa kita a matatakec a malipahak. 19Awaay ko fa'inay ako i loma', masadakay cingra a palafang. 20Adihay ko nihawikidan ningra a payso, caay ko maminokay cingra tonini a tosa a lipay,>> han ningra. 21Haenen noya fafahiyan a misasaynay#7.21 saynay -- o no Payrang a sowal. a misawi cingra, sako^sanen ningra ko sowal a mipael i cingraan. 22Saka haklong sato koya kapah i cingraan, samatiya sato o nikitingan a kolong a patayra i pipacokan ato samatiya sato o tahakfengay i talakal a malonem cingra. 23Mata'selto no pana' ko faloco' ningra, matiyato o patfoay i talakal a 'ayam cingra, caay ka fana' cingra to nika o kacalemceman ko 'orip ningra.
24Wawaaw, pitngil to sowal ako i matini, pina'on a mitngil to sowal ako. 25Aka ka pael no matiniay a fafahiyan ko faloco' iso, aka pisafolafola a mihaklong i cingraan. 26'Alomanto ko nitfadan ningra a tamdaw, caayto ka sa'osi ko nipatayan ningra a tamdaw. 27O tayraay i loma' ningra i, o tayraay i kaitiraan no mapatayay, o sakatayra i patay ko loma' ningra.
Currently Selected:
Taneng 7: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
