Taneng 2
2
O Hci no Taneng
1Wawaaw, pitngil to sowal ako, aka pitawal to limo'ot ako. 2Pitngil to sifana' no taneng, sarocoden ko faloco' to sakafana' to tatodong no sowal nira. 3So'linay! Pingitangit to sakafana', pikilim to sakacitangal. 4Samatiyaen o pikilim to ^kim ato pikilim to masimeday a dafong ko nika lalok iso a mikadkad to sakacitaneng. 5Ta, mafana' kiso to nika o maan ko pita'ong to Tapang, samaanen ko sakafana' to Kawas. 6Nawhani o nano nipaflian no Tapang a ma^min ko sakacitaneng ato sakafana' ato sakacitangal no tamdaw. 7Padamaen Ningra ko mo^celay ko faloco' a tamdaw, dipoten Ningra ko so'linay ko faloco' a tamdaw. 8Padamaen Ningra ko mo^celay a tamdaw, dipoten Ningra ko so'linay ko faloco' a mita'ong Cingraan.
9Ano mitngil kiso to sowal ako i, mafana'to kiso to nika o maan ko so'linay ato malalenay ato mo^celay a dmak, mafana'to kiso to nika o maan ko nga'ayay a dadmaken. 10Malacitanengayto a tamdaw kiso, mapalipahak no fana' kiso. 11Masimaw no taneng kiso, madipot no fana' kiso. 12Saka, caay ka moraraw ko dmak iso, madipot kiso a mapaliyas nai misawiay a mikayhid i tisowanan a tamdaw. 13Liyasen koya misorikoray to mo^celay a lalan, oya i to'manay ko 'orip a tamdaw, 14oya maolahay a midmak to tatiihay ato kalalipahak sanay to tatiihay a dmak, 15oya mido^doay to ma'akongay a lalan, caay ko tati'eren a tamdaw.
16O taneng i, ma^deng a paliyas tisowanan nai mikayhiday, misako^sanay ko sowal a fafahiyan. 17Onini a fafahiyan i, o ma'otitay#2.17 ma'otitay -- o roma i, ma'otoy (Tafalong) caay ka so'lin ko faloco' to saki fa'inay, matawalto ningra ko nikatatlekan ningra i ka'ayaw no Kawas. 18Ano tayra kiso i loma' ningra i, o romakatay kiso i lalan no sakatayra i patay, nawhani o mikriday a tayra i kaitiraan no mapatayay ko lalan ningra. 19O tayraayho a tamdaw i cingraan i, awaayto ko minokayay a patikol, awaayto ko minokayay a romakat i ka'oripan a lalan. 20Orasaka, ka o nga'ayay a tamdaw ko pi'arawan iso, ka o mo^celay ko 'orip iso. 21O mo^celay o so'linay ko faloco' a tamdaw i, o mamapakamaro' tonini a sra. 22Nikawrira, o tatkopen no Kawas ko tatiihay a tamdaw nai tini tonini a sra a matiya o pifangad to talod ko pipalasawad Ningra to ciraraway a tamdaw.
Currently Selected:
Taneng 2: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
