Taneng 1

O Sakaci^poc ko Taneng

1O matiliday i tini tonini a cudad i, o taneng a sowal ni Solomon o hongti no Israil, o wawa ni Tafiti. 2Onini i, o sakacitaneng ato sakafana' no tamdaw to ci^pocay a dmak ato sakafana' no tamdaw to tatodong no talolongay a sowal. 3O pakafana'ay to tamdaw konini to sakacitangal a milahci to dmak a ma'orip ato samaanen a malaso'linay ato malamarayasay ato malamo^celay a tamdaw. 4O sakacitangal no mafokilay a tamdaw, o romasato, o sakafana' no kapah a masinanot ko harateng. 5O sakatongal no fana' no citanengay a tamdaw ato sakacilalan no faloco' no citangalay a tamdaw konini 6to sakafana'aw nangra to pakakmoday a tinako no taneng ato nipalowadan no citangalay a tamdaw a licay.

O Pipalimo'ot to Kapah

7O tatapangan no sakacitaneng ko nika ngodo to Tapang.#1.7 O tatapangan no sakacitaneng ko nika ngodo to Tapang -- ano ^ca i, o cpo' no sasowalen to pakayniay to taneng i, o nika ngodo to Tapang. O maapaay a tamdaw i, caay ka limla to sakacitaneng, ma'osi a minanam.

8Wawaaw, pitngil to sowal no mama iso, pakifaloco'en ko sowal no ina iso. 9O mito'asay to faloco' iso ko sifana' nangra. O sakasalongan#1.9 sakasalongan -- o roma i, sakasanengseng (katimol). konini a matiya o nika citamohong#1.9 citamohong -- o todong no sapakaolah. ato nika cicangaw iso.

10Wawaaw, ano ira ko tatiihay a tamdaw a mikayhid#1.10 mikayhid -- o roma i, mihidhid (ka'amis). tisowanan i, aka pikihatiya. 11<<Tata. Misa'imer kita a mipatay to cima a tamdaw! Kari'angaw ita ko nga'ayay a tamdaw a misamsam a misalama. 12Samatiya han ita o kaitiraan no mapatayay a misamanta'#1.12 misamanta' -- o roma i, palimanta' (Cangping), danta'. a mita'mod a mipatay cangraan. 13O 'a'afasen ita ko masamaamaanay a dafong nangra a mitomes i loma' ita. 14Tata. Pikihatiya i tamiyanan, o mamisakilac kita to ni'afasan ita a maamaan,>> ano sasaan cangra i.

15Wawaaw, aka pihaklong to matiraay a tamdaw, liyasen cangra. 16Makanir cangra a midmak to tatiihay, sapipatayan cangra to tamdaw. 17Ano ma'araw no 'ayam ko pitlay iso to tilo i, awaay ko ^poc to pitilo iso. 18Nikawrira, matiya o mitiloay to tireng nangra a mipatay ko matiraay a tamdaw. 19O kala'orip sanay to pitakaw ato pikari'ang i, o sakapatay ningra ko mahaenay a dmak ningra.

O Pitahidang no Taneng

20Pitngil, mitahidangay ko taneng#1.20 taneng -- onini a taneng i, mapalatamdaw no mitiliday i tini a matiya o ccay a fafahiyan cinira. i niyaro' i kalali'acaan 21a milkal itira i kasa'opoan no tamdaw, itira i sacomod no niyaro'. Sowal sa,

22<<Kamo o mafokilay a tamdaw, tahacowa ko nika fokil namo saw? Tahacowa ko nipi^pec namo to fana' saw? Rarid sa kamo a caay ka talipa'lal haw? 23Pitngil kamo to limo'ot ako, pakafana'en ako kamo to i faloco'ay ako to sakafana' namo. 24O mitahidangay kako i tamowanan to ha:tiniay, nikawrira, caay pitngil, caay picinga kamo i takowanan. 25O mi^pecay kamo to sowal ako, caay ka kahi kamo a salofen ako ko faloco' namo. 26-27Saka, ano mapadesto kamo i, o kakatawaen ako kamo. Ano ira ko katalawan namo, ano talifahal sa a matiya o faliyos ko nika ira no pades ato semsem a mikari'ang i tamowanan i, o kakatawaen ako kamo. 28Itiya i, o mamitahidang kamo a milongoc i takowanan, nikawrira, caay ko papaca'of kako, o mamikilim kamo i takowanan, nikawrira, caay ko mamatama namo kako. 29O mi^pecay kamo to fana', o caay ka ngodo kamo to Tapang. 30Satalifokil han namo ko sowal ako a misalof to faloco' namo a palatamdamdaw to ha:tiniay, caay ka limla kamo to sowal ako. 31Orasaka, o lalayapen namo ko hci no nano dmak namo, o nano dmak namo ko sakapades namo. 32Malasakapatay no mafokilay a tamdaw ko nika 'osi nangra a citaneng, sarihaday sanay a maapaay a tamdaw i, o sakatkop ningra ko nika matira ningra. 33Nikawrira, o mitngilay to sowal ako i, o rarihaday ko 'orip nangra, awaay ko katalawan nangra,>> saan.

Currently Selected:

Taneng 1: AMIS2019

Highlight

Copy