Markga 9
9
1Egi wawagena: Hisgexjina hinigawina, hota higinashinankshana e inke hot’era harajab‐hiranikjanena jaja Maura hungma harnira homashjara hakaraniji hajairegi epa.
2Egi hambra akewehanaga hageja Jesus Peter egi Jakobga egi Johnga warussana, egi xe‐hankshi hihageja inekhi warnihina. Egi hajara hija‐khina jowehireja.
3Egi waini warnira rukanakanap‐hirena, sgaxjina wa hikisge, inke wasse wiwashara ma‐hihagregi‐nankhi hisha hosgara wikisge hininana.
4Egi Elias egi Moses hakishu janti wagikhinena egi Jesus hokit’airena.
5Egi Peter horniharna egi Jesus wagena: Hirukanara, hophiwawawigaja higihajiwira. Jhira dani haunkjawina, hisha ne‐hashinianaga egi hisha Mosesga harnikjena egi hisha Elias harnikjena.
6Jagu arnagre hinke hiperesni wena, naxirera rokana hirege.
7Egi eja maxiwi nigenagra hoirahasi wagigina, egi maxiwinanka eja hit’et’e howajina, wena: De‐e Hinigha wagixetera herena, harnaxguwine.
8Egi higuana, jaja woruxuj‐hiregi inke hisha hajairanina Jesus eshana wakishu‐unjena.
9Egi jaja xera harnukanag haguiregi warogixina inke hisha hogirag‐hiranikjege, washa jagu hajairega, Wankshig‐hinigra d’arnagra eja howakiri niambgi ejipa.
10Egi washa de‐e are inekhi wewinankshana hikiwaxhirena d’arnagra eja niamb howakirikjane ega jagu wagegi.
11Egi higiwax‐hirena, wairena: Jagu‐u waireshe wowagax‐hiperesra, Elias jasgegi jorni jikjanena?
12Egi horniharna egi wawogiragshana, hisgexjina Elias jorni jikjanena egi washara harnaj shige waphiunkjanena. Egi Wankshig‐hinigra jagu higaire wagaxankshe, washara roha jasgegi hawekjanena, egi inke washanisha hikisge‐hiranikjanena.
13Eshi hinigawina, Elias hisgexji jiginina, egi higu jagu giphinera giuinena, jasge e horaghire wagaxangra.
14Egi jaja wironag warnira wiragigi, hornihe xete hija‐nanku wajarna, egi wowagax‐hiperesra wironag warnira wakitagnankshana.
15Egi higuana wankshignanka harnaj jaja hajairegi khorera rokana hirena. Egi nang‐hirajiranaga hikaragihirena.
16Egi wowagax‐hiperesnanka wawigiwaxshana, jaguisha hawau warakitagwishe?
17Egi worohanka eja hisha horniharna egi wena: Hirukanara, hinighara harnigarni hajina, e naxirag ining hisha harnijena.
18Egi higu hajinja harukosga, higinini‐shununa, egi ira jax‐harawojanaga egi hira‐giginsh‐anaga egi hushawashununa. Egi wironag washinira wiroakit’era jangra howahas‐hirekjege, egi inke ruxurug hiranina.
19Hornigiharna egi wena: Wankshig harnaxgu jushguni raniwingaja, jajaixji hoja harnikishu hauwishe? Jajaixji harnini hauwishe? Higarni huwire.
20Egi hagarni hajirena, egi jaja hajagi, higuana naxiragra higinini‐jirena egi mainja khinipshana egi ira jaxharawoj hokikawajana.
21Egi hianjra higiwaxshana, jajanane, epa de‐e hirajishe? Egi wena: Ninkjangnig‐reja.
22Egi tejankhi pejeja hot’uneshununa egi ni‐eja d’ehikjege. Eshi washanisha shuruxurugkhi, najungijawinge hingijirawire.
23Jesus wagena: Harnaxgu shuruxurugkhi, hisha harnaxgungi washara harnaj ruxurugnana.
24Egi higuana ninkjankjega hianjra uwana egi xag wena: Hirukanara harnaxguna, inke harnaxguni harnira parnakjena hingijirare.
25Jaja Jesus wankshigananka nang‐hajire sto wajagi, naxirag shishigra najisgina, wagena: Naxirag ining ranira egi nuxning ranira, unishina eja hihinabre egi inke hinupahana hija hokawarnianje.
26Egi ijanigshana egi ruksu‐ksunshra rokana wagiuna egi eja hihinabshana. Egi hojinjinigra d’e hikisgena, d’egaja roha ena.
27Eshi Jesus nabeja harukos‐anaga egi ruana, egi nashina.
28Egi jaja jhieja hoikawairegi, wironag warnira inekhi higiwax‐hirena: Jagu‐u inke jangra hopahas‐winishe?
29Egi wawagena: (Naxirag) deshesgera inke washinjahi hiuanaga jangra wowahas‐ninana eshi gikaraj egi hantaginaj hiungishana.
30Egi eja nigiowarena egi Galilea mowagaxra e hahiowena, egi inke hisha hiperes‐nangi‐inina.
31Egi wironag warnira washa wagigus‐shana egi wawagena: Wankshig‐hinigra wankshig nab‐eja horushjarehirekjanena, egi d’ehirekjanena, egi d’ehiranaga hageja hamb hidanihangi kikawa‐ankjanena.
32Eshi washa ega inke naxgu hiranina, egi higiwaxra nakawairena.
33Egi Kapernaum eja gina, egi jhieja hagiregi wawigiwaxshana: Jaguisha naguregi harakikitagwishe?
34Eshi inke xab‐hiranina, nagueja kikitagnanka hajanga e xetekjanihawigi wagairege esge.
35Egi minagshana egi nup‐hashanara wagigorna egi wawagena: Hisha jornira herekjegi e hirowagnira herekjanena egi harnaj ware harninek‐janena.
36Egi ninkjangnig hisha rus‐anaga egi horog‐hireja kerena, egi jaja ruangi wawagena:
37Higu peshe ninkjangnig deshesgera hisha rusgi rash harnira hawau waungi hirus‐waunana, egi higu peshe hirusgi inke ne hirus‐wauni eshi hu‐ingigira rus‐waunana.
38Egi Johnga horniharna egi wena: Hirukanara hisha hajawina waxopinishishig jangra howahas‐shana rash hashinira hiu, egi roagixiwina, inke wang‐wironagwinige esge.
39Egi Jesus wena: Inke rogixinine, inke hisha washa wowakanjank ungi rash harnira hiu waungi egi higuana washinohire hinge ruxurug‐ninana.
40Hisha inke wang‐akirawinigi, harniwinegi‐jarnana.
41Higu peshe niwirajgara hisha ni‐hoshu rajga hornik’u‐hirawigi rash harnira hawau, Kristus eja ninewige, hisgexjina hinigawina woirowera inke gixawarninikjanena.
42Egi higu peshe xununignagre harnaixgu‐nagre hisha watoxi‐higi ini‐wirujobra hisha nap’in gigirarnaga tejainja hot’unairegi e hiraijera phingigi‐ranana.
43Egi nab hashinira washinohire u‐ningi gikunug‐gaja, hiraijera phi horawanana wankshig‐hoieja kunug horakewegi, sarni pej‐shishigeja horakewegi e hiraijera shishignana, pej inkaga giseb‐nikjanega eja.
44Eja wikiri warninera inke d’arninankshana egi pejra inke giseb‐niankshana.
45Egi si hashinira washinohire u‐ningi gikunug‐gaja, hiraijera phi horawanana wankshig‐hoieja manirushag horakewegi, sira sarni pej‐shishigeja hornit’unairegi e hiraijera shishignana, pej inkaga giseb‐nikjanega eja.
46Egi wikiri warninera inke d’arninankshana egi pejra inke giseb‐niankshana.
47Egi hishjasu hashinira washinohire u‐ningi rushorojaje, hiraijera phi horawanana Maura hungma harnieja hishjasura hishankira harni horakewegi, hishjasura nup harni pej‐shishigeja hot’unairegi e hiraijera shishignana.
48Eja wikiri warninera inke d’arninankshana egi pejra inke giseb‐ninankshana.
49Jarnagaka pej hisgu‐wahirekjanena, egi nab‐hiruxajra harnaj nisgu hisgu‐wahirekjanena.
50Nisgura phinena, eshi nisgura hosgura gixawarnigi, jaguisha hisgu‐warakjanihawishe? Nisgu harajena egi rashguni hakikishu uwianje.
Currently Selected:
Markga 9: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
