Markga 10
10
1Egi jaja nashingi egi Judea mowagaxra hiwusunsh hina Jordan ageja. Egi shige wankshigra hirahirena, egi houra shegu hishunuge, washa wagigus‐shana.
2Egi Pharisera hirahirena, egi higiwaxhirena: Jasge woehieja roxiagshe wangra hisha hijawina karat’unera. Hiunja wairena.
3Egi horniharna egi wawagena: Mosesga jagu u‐nishiwishe?
4Egi wairena: Mosesga kit’une wawagax uwagigina egi t’unekjege.
5Egi Jesus horniharna egi wawagena: Najge‐shja washiniwira e hawau u‐washi de‐e nigiwagaxwina,
6Eshi wogus jeg hojikere‐hiejareja Maura wangra egi hinugra wagus‐shana.
7Esge wangra hianjra egi hiunira wat’unarnana egi hijawina harusherejnana.
8Egi nupiwi she‐e rora hishankira hirekjanena, esge epa inke nupiwini‐kjanihawina eshi rora hishankira hirekjanena.
9Esge Maura jagu hakishjeghira inke hisha kiruje wahininana.
10Egi jhieja wironag warnira shige washa de‐e higiwaxhirena.
11Egi wawagena: Higu peshe hijawina karat’unarnaga egi hijahira hisha kanakhi, hijawira hakarakira waunana kikanagra rushe.
12Egi hinugra hisha hikanara karat’unarnaga egi hijahina hisha horokhi kikanagra rushenana.
13Egi ninkjang xununigra wagarni hajirena, wawikiokjege, egi wironag warnira naj‐wawisgirena.
14Eshi jaja Jesus hajagi mashja inke giphinina, egi wawagena: Ninkjang xununigra hiraji waigigiwire, egi inke warogixiwinine shesgera Mau hungma harnira harninena.
15Hisgexjina hinigawina, higu peshe Maura hungma harnira inke rusnianaga ninkjang xununig hikisge khinigi, inke hija hokawarnikjanena.
16Egi waruana wawiki‐oarnaga egi washophi howe warogiguna.
17Egi jaja nagueja rahau, hisha nang‐hajina, egi jowehieja huporo‐himinag jinakshana egi gitarna: Hirukana phina, jagu haungi wankshig‐hoi hisgejara harninashe?
18Egi Jesus wagena: Jagu ungaja phi hinageshe? Hinkisha phinina eshi Mau‐rashana.
19Maura hoit’e kerapanaisha harnira hiraperes‐rajena: Inke kikanag‐rushe nianje, inke wat’ehinianje, inke wamanunianje, inke washa retunk arnianje, inke waishjanke‐nianje, hianjraga egi hiuninaga wakaraishagaje.
20Egi horniharna egi Jesus wagena: Hirukanara, washa de‐e harnaj hixununigreja phi hajina.
21Egi Jesus horuxujshana egi wogixetena egi wagena: Washa hisha hininujis‐rajena, karanaga egi jagu hashinigi wawikuru‐winge, egi wanajojaisgeja wawogaje, egi wangregi washa jexi hashinikjanena, egi jiarnaga, egi nanamihera rusanaga egi hiroinagaja.
22Egi she‐shesge eegi, najgerategshana, egi najgerateg nigehowakerena, washa jura rokanage esge.
23Egi Jesus hogigix horuxujshana, egi wironag warnira wawagena: Hisgexji hitajenagre wogijexi hiregaja Maura hungma harnieja hokewera.
24Egi wironagra hoit’e de‐e gixixhirena. Eshi Jesus shige horniharna egi wawagena: Ninkjangnig wira, hisgexji wogijexinankshana Maura hungma harnieja hokewera jarnaga washintaje hikhieja woinashira kerenankhi.
25Wanoijge huxashogra hisha wiruxug hopoxeja hokewera e wogiwategnana egi wang hitajera Maura hungma harnieja hokewera e hiraijera gijexinankshana.
26Egi mashja khorairena, wakigairena: Peshe niambikjeshe?
27Egi Jesus waworuxujanaga wena: Wankshig homashja harnine hiura inke ruxurug phinina, eshi Maura inke washanisha gijexinina.
28Egi Peter Jesus wagena: Horuxujre washara harnaj wat’untawianaga egi hironinagwina.
29Jesus horniharna egi wena: Hisgexjina hinigawina, higu peshe jhira karat’unegi, egi shige wakhinubra egi shige hinugwajabra egi shige hianjra egi shige hiunira egi shige hijawira egi shige ninkjangnigra egi mara ne hawau, egi worag‐phira hawau waungi,
30Hogihisha hawinj wirogishu ma‐egi rus‐hirekjanena jhira egi wakhinubra, hinugwajabra egi hiunira egi ninkjangnigra egi mara egi higishanahirera hirassakjanena, egi ma‐joweregi herera jigi wankshig‐hoi hisgeja unkjanena.
31Eshi roha jornira hereranihegi hahi hirowagnira hererekjanena, egi hirowagni hiranihegi hahi jornira hirerekjanena.
32Egi Jerusalemra howarahairena, egi Jesus joweja uankshana, egi khorairena egi hironag‐nangnunige naxiranankshana. Egi shige nuphashanara warussana egi wawogirag‐jirena jagushana howekjanegi.
33Horuxujwire, Jerusalemra howarahawina, egi Wankshig‐hinigra rushjare‐hirekjanena nabhoruxaj‐hirukana hungeja egi wowagax‐hiperes‐eja, egi hot’era horaghirekjanena, egi hirarujeja herera wagirushja rehirekjanena.
34Egi igixja hirekjanena, egi washa pahi higipsinsh hirekjanena, egi hashoirekjanena egi d’ehirekjanena, egi hamb‐hidanihainja kikawa‐ankjanena.
35Egi Sebedai hinigwahira Jakob egi Johnga hakikishu Jesus hirajirena wairena: Hirukanara, jaguisha roaguwira naixjina hinagish’uwisheshi.
36Egi wawagena: Jaguisha ningiuwigi raipiwinashe?
37Wagairena: Hisha hoishororaija mianag‐wianaga egi hijanera hoirajge‐raija minag hunak uwigi glori hashinieja.
38Eshi Jesus wawagena: Jagu ratawire inke hiperes washawinina. Niwirajgaisha hoshu tajgankjanera rajga shuruxurugwishe? Egi ni‐hawaxuine shuruxurugwishe ni‐hawaxu hingiuinekjanera?
39Egi wagairena: Duxurugwinana. Egi Jesus wawagena: Niwirajga tajgankjanera sharajgankjanihawina egi ni‐harniwaxu‐hirekjanihawina ni‐hiwaxuhirekjanera hiu.
40Eshi nab‐hoishorohaija egi hoirajgehaija minagra inke ne wogara winenina, eshi wawok’uinanana e hirushjawagigigi.
41Egi jaja kerepanaisha‐harnanka washa de‐e naxguinegi Jakobga egi Johnga wawowa‐sherexji‐hirena.
42Eshi Jesus wawagigorna egi wawagena: Hirapereswigaja hirarujeja herera hung harninera wawirakaranagra egi jarnaga xeteakhi homashjara wagi‐waharnankshana.
43Eshi inke she‐nisgarnikjawina horograwiregi, eshi higu peshe horograwiregi xetekjegi, e ware hashinikjanihawina.
44Egi higu peshe hung‐ikjegi e warnihi harnaj harninekjena.
45Egi Wankshig‐hinigra una shesge E inke wagirairekje waunjinina, eshi wawagirekje, egi wankshig‐hoi harnira wogarna roha hikikuruwi hiuine.
46Egi Jerixo‐eja hahirena. Egi jaja Jerixo‐eja hihinabhiregi hironag warnira wakarakishu egi wankshigra worohaxji, egi Timaeus hinigra Bartimaeus hishjaraning nagu‐hoxete hijejeja minag‐nankshana jiokini.
47Egi jaja Jesus Nasaretheja herera wauankhi naxgungi uwanjirena egi wena: Jesus ne Dawid hinigra ninena najungijane.
48Egi roha rogixirena xapgunikjege. Eshi e hiraijera mashja uwana: Ne Dawid hinigra ninena najungijane.
49Egi Jesus nashina, egi gigo‐wagigina, egi hishjaningnaka gigoirena, wagairena: Rashgunige, nashine, E ningigorna.
50Egi waini earnira nige karakanag‐harnaga, nashina egi Jesus hirahina.
51Egi Jesus horniharna egi wagena: Jagu ningiunkje roragushe? Wang hishjarning‐jega wagena: Hirukanara waja‐hingigire.
52Egi Jesus wagena: Karare, harnaxgu hashinira rushjanina. Egi higuana wajarna egi Jesus hironagshana.
Currently Selected:
Markga 10: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
