Markga 12
12
1Egi washa hisgera wawirokit’ajirena. Wankshig hisha hapsinsh max‐hisha hoshurna, egi hogigix hawajagshana, egi mara k’arnaga hapsinsh howaxgink hisha hijakanagshana, egi jhi‐hankshi hisha una, egi max‐hirakaraija hornaj‐wagigina, egi ma‐harixji howarena.
2Egi jaja hasra duj‐hiregi ware harnira max‐hirakarananka eja howaregigina, max‐hirakarananka eja hasra hisge rusjege habsinsh‐max‐eja.
3Egi harukos‐hirena egi hojinena egi rokani keregigirena.
4Egi shige ware hijaneisha wirahigigina. Egi she‐e inihirojinena egi nassueja gikunug‐hirena egi washangishga‐shgaxji hire keregigirena.
5Egi shige hijaneisha wirahigigina. Egi she‐e d’ehirena egi hijanera roha, hota wojinena, egi hota d’ewahirena.
6Egi hisha hinig‐higi, wogixetexjingi hishge hirowageni wirahigigina, wena: Hinighara gish’aghirekjanegaja.
7Eshi max‐hirakarananka wakigairena: De‐e hoishjara harnira herena, huwire, d’ehikjawina, egi hoishjara neharnikjawina.
8Egi harukos‐hirena, egi d’ehirena egi hapsinsh‐max jangeja hot’unairena.
9Hapsinsh‐max hirukanara jagu unkjaneshe? Ji‐arnaga egi hapsinsh‐max hirakarara maisinsh wahikjanena, egi hapsinsh‐maxra hijaneja wogakjanena.
10Jasge wowagax de‐e inke hashjawineshe: Inisha, e jhiura nigiot’unairegi e ini haminag hopassera hahi‐herenana.
11Maura E shesge hina, egi hajara khorewahina.
12Egi harukos‐nainena, eshi wankshigra wanakawairena, washinsgera wirokit’arnaka e wakira wera hipereshirege. Egi t’une egi nigeowakarairena.
13Egi Judra wauinena Pharisera hota egi Herodes warnira hota hirahi wagigirena, hoit’e harnieja hokit’une hirekjege.
14Egi jaja hahiregi wagairena: Hirukanara, hinipereswina wogisog ranira egi inkisha washa hiranash’inina, egi jarnagagre inkisha hiranigijeranina, egi Maura nagu harnira wogisog waragigus‐rajera, Kaiser woirowera hok’ura phinashe, nigeshge inke shesgarnishe?
15Jasge wak’unkjawishe nigeshge inke wak’unikjawishe? Eshi Jesus hipokrit warninera wawiperessana, wawagena: Jagu‐u hinaishjawishe? Denaria hisha harniguwiwire, hajakjena.
16Egi hisha hagarnihahirena. Egi wawagena: Hokiwagax de‐e peshe hereshe, egi ihageja wagaxnanka? Egi wagairena: Kaiser harnina.
17Egi Jesus hornihashguni, wawagena: Kaiser hokuwine, washa jagu Kaiser harnigi, egi Maura hokuwine washa jagu Maura harnigi. Egi xixhirena.
18Egi Sadusera hirahirena, e inke hakiha wankshig‐hoi junishe airena, egi higiwaxhirena, wairena:
19Hirukanara, Mosesga hingiwagaxwina, wangra hisha khinubgi d’egi hijawina d’unaregi egi inke ninkjang harninigi, khinubra hijawira gikanagnana egi khinubra e ninkjang gishunana.
20Egi wang‐kikinubra shagowingi, egi xetera hinugkhanagshana egi d’egi inke ninkjang harninina.
21Egi hinubeja herera khanagshana egi d’ena egi shige inke ninkjang harninina, egi hitanira hishge shesgena.
22Egi shagowihajega harnaj khanag‐hirena egi inke ninkjang harniranina. Egi harnaj d’airegi hinugjega hishge d’ena.
23Egi hakiha wankshig‐hoieja, jaja kikawa‐ainegi, hajanga e hijawi‐hikjanihawishe, shagowihajega khanag‐hirege.
24Egi Jesus hornihashguni, wawagena: Inke wowagaxra hiraperes‐winige egi shige Maura homashja harnira, esge sharagashwina.
25Jaja d’arnagre eja kikawa‐ahiregi inke khikanaghiranikjanena egi inke khikanag wagigiranikjanena, eshi waxopiniwarajirera wangreginagre wikisgairekjanena.
26Egi d’erawawagairena, kikawa‐ahirekjanena, inke Mosesga wowagax harnira hashjawinishe, jasgehianaga xatabeja Maura hokit’egi, wena: Abraham Mau harnira newinena, egi Isaak Mau harnira newinena egi Jakob Mau harnira newinena?
27Maura inke d’arnankhi Mau harniranina, eshi niambnankhi harninena. Esge mashja sharagashwina.
28Egi wowagax‐hiperesra hisha jina egi kikitagnanki warnaxguna, egi wawornigihagi phi wawagera hajage, wigiwaxshana: Hajanjega uwashi xetera hereshe?
29Egi Jesus hornigiharna: Uwashi xetera de‐erena: Harnaxgune Israelra, Hirukanara Maura harniwira, Hirukanara hishankirana.
30Egi Hirukanara Mau hashinira najge hashinira harnaj hiwoxetehire, egi naxirag hashinira harnaj, egi warnai hashinira harnaj, egi homashja hashinira harnaj, de‐e uwashi xetera herena.
31Egi hinubra higu hikisgena: Hirakishu‐wusunshra wogixeteaje hikiisgo khianje. Uwashi hijanera hinkisha hiraijera xetearnaga de‐e worujis‐hiranina.
32Egi wowagax‐hiperesra wagena: Phina, wagaxajawagigira, wogisogra e waragena, Maura hishankiranakshana, egi inke hijane juni, eshana herena.
33Egi najgera harnaj hiwoxetehira egi wornaxgura harnaj, egi naxiragra harnaj, egi homashjara harnaj, egi hikiwusunshra woxetehigi hikisge khingi washa de‐e hiraijerana nab‐hiruxaj daxuhira egi nab‐hiruxajra harnajra worujisshana.
34Egi jaja Jesus hajagi hornihara wanaiksab wegi, wagena: Maura hung‐maharnira inke hari rajanina. Egi inkisha hageja wiwaxnina, nakawairege.
35Egi Jesus horniharna egi wena, wohokhu‐hojhixeteja washa wagigus‐janegi: Wowagax‐hiperesra jasge wagaireshe, Kristus Dawid hinigra hereshe airera?
36Dawidga exji wena: Naxirag wakanjank hiu: Hirukanara, Hirukana harnira wena, hoishoro haregi minagre, hornishig‐hirera si‐hakere warnigi‐ungi epa.
37Dawidga exji Hirukanara higena, egi jasgehianaga hinighishe? Egi wankshig hoinigera naxguinegi giphinena.
38Egi wogus harnieja wawagena: Wowagax‐hiperesra hinakewe wakiwianje, e waini serej hornashina giphinena egi hostoeja hikaragirera giphinena.
39Egi wohokhu‐hojhieja waminag joweja here haminagra giphinankshana. Egi worujeja waminag hohankshi haminagra giphinankshana.
40E hikhanagit’era wojhirera jeb‐wahinankshana, egi Maura gikaraj serej unkhi‐nankshana. Esge de‐e hiraijera hawera rokana hirekjanena.
41Egi Jesus shura‐hoshura ag‐akinag minaganakshana, egi wajanakshana wankshigra shura‐hoshueja shura hoshunankhi, egi roha hitajera roha hijoshunankshana.
42Egi hikanagit’e wanajojaisgeisha jina, egi Lepta nupiwi hijoshurna (shurashuj kerepananup sajahashana wagiuna).
43Egi hironaghirera wakaragigorna, egi wawagena: Hisgexjina hinigawina, hikanagit’e wanajojaisge de‐e hiraijera hijoshurna, jarnaga shura‐hoshueja shura hoshuirera, harnaj horujis‐hirena.
44Hijanera harnaj hakininera hijoshu‐nankshana, eshi hinugjane warugesjena jarnaga harnira harnaj hijoshurna, jarnaga washino‐khukjanera harnaj.
Currently Selected:
Markga 12: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
