Markga 13
13
1Egi Jesus wohokhu‐hojhixeteja hihinab‐gaja, wironag warnira hisha wagena: Hirukanara, horuxujre ini jagurisha egi jhi jagu de‐e hireshe.
2Egi Jesus horniharna wagena: Jhi‐xete de‐e hashjashe? inke inira hisha hirajakikanag harnagnikjanena inke rushe phininagre.
3Egi Oliw‐xe hihageja minaganank’u wohokhu‐hojhixetera agakinag, Peter egi Jakob egi John egi Andreas inekhi higiwaxhirena,
4Hungiragwire washa de‐e jajanagi herekjanegi? Egi jagu woijantisha herekjaneshe washa de‐e jajanagi harnaj exji herekjanegi.
5Egi Jesus wawornigiharna, wajirena: Hirakarauwiaje ningete hisha ningishjanke hirawiege.
6Roha rash harnira harnijikjanena, wairekjanena: Kristus newinena, egi roha gishjanke hirekjanena.
7Egi jaja kissaire warnanaxguwigi egi kissa horag hirekjanena, inke naxirawinianje, washa de‐e harnaj jasgegi herekjanena, eshi hoshejara kheni hereni waunkjanena.
8Wankshig hokirajra hakiki‐rairekjanena, egi hungmara hakiki‐rairekjanena, egi mara hixgakjanena nigeshana, egi dokewehi hirekjanena egi hawera. Washa de‐e wonajgetegra hojikerera herekjanena.
9Eshi hirakara‐uwianje, woehieja harnini‐hahirekjanihawina egi wohokhu‐hojhieja horniji‐hirekjanihawina. Egi washinukana jowehireja harnini‐hahirekjanihawina egi hung‐eja, rash harnira hawau, e wihohi hakikira kik’uinekjanena.
10Egi jorni worag‐phira jasgegi wankshig hokirajra harnaj wihokhuine‐kjanena.
11Eshi jaja harnini‐harairawigi egi nirushjare‐hirawigi, jagu hishekjawira inke jorni najge wojiwinianje, egi inke jorni wewi‐winianje, eshi higu jagurisha howagixeja hornikuinawigi she‐e hishekjawina. Inke ne hirat’at’awininana, eshi Naxirag Wakanjangra.
12Egi kikhinubra khinubra himakarag‐anaga d’ehirehikjanena, egi hianj‐hirera hinigra himakarai‐kjanena egi ninkjangnigra shag‐wahirera wakirairekjanena egi d’ehire wahirekjanena.
13Egi harnaj hornishig‐hirekjanihawina rash harnira hawau, egi higu peshe hoshejainja hipa hiwanuxshagi hiungi e niaimb‐kjanena.
14Eshi jaja homahujairera noxgaresge harnira inke hornashi phinieja nashinjau hashjakjanihawina e Daniel prophetra horagshana. (Higu peshe wowagax de‐e hajagi naxgunkjena), jarnaga Judea mowagaxeja nankhi xeja hogias hirekjena.
15Peshe jhi‐hihageja unjegi inke damb‐anaga jhieja ginikjena, egi shige inke jhieja hoikawarnaga washara hisha rusnikjena.
16Egi peshe maxeja unjegi inke kirianaga wainira kurusnikjena.
17Najogijaisge hirekjanena waujganag‐anankhi egi jarnaga hambananka eja wasi wagiginankhi.
18Egi gikarajwige hogias hashiniwira inke maninegi herenikjena.
19Hambananka eja hawairekjanena jeg wogusra e Maura gusgi epa howahuhigi inkaga shesgarnina egipa egi shige inkaga shesgarnikjanena.
20Egi hambananka inke shib‐wahiranigi inke wankshigra hisha niamb‐nikjanena, eshi gijainera hawau hambananka shib‐wagigina.
21Shejanegi hisha wanigekjanihawina, horuxujwire Kristus egi jena, egi shige horuxujwire gaja jena, inke harnaxguwiniaje,
22Krist woishjankera egi prophet woishjankera nashinekjanena, egi woijanti egi washa wowakanjank jantihirekjanena harnaj manuni wahirekjanena, gijainera reshge hirassa ruxurug hiregi.
23Eshi hirakara‐uwianje, horuxujwire washara harnaj jorni hornigitagwina.
24Egi hambananka‐eja hawairega hageja, hambwira hokawais‐janena egi hahewira inke hohamb‐hinikjanena.
25Egi wiragoshge wangregi‐nagra shibrairekjanena, egi homashja wangregi herera hixgainekjanena.
26Egi shejanagi Wankshig‐hinigra maxiwieja huhe hajairekjanena homashja egi gloria rokana harni.
27Egi shejanagi waxopiniwarajire warnira hu‐wagigikjanena, egi sto‐wahirekjanena gijaine warnira, hohuhira hijopihike howe‐warniha‐kirirekjanena, ma‐hoshejainja egi wangregi hoshejainja howe‐warniha‐kirirekjanena.
28Washa hisgera Fig‐nara hipereswire, jaja akarajgera naroni hoshuiregi egi abra haxeb‐hiranana, hirapereswinana dogra hiwusunsh hotara.
29Hishge shesgawiaje, jaja washa de‐e here hashjawigi, hiperes‐wiaje hiwusunsh hotara, jhirobeja jena.
30Hisgexjina hinigawina, wankshig‐hoi de‐e inke shejanikjanena, washa de‐e harnaj exji herekjanena epa.
31Maxira egi mara shejainekjanena eshi hoit’e harnira inke shejanikjanena.
32Eshi hamb‐she‐e egi howagix she‐e inkisha hiperesnikjanena, inka‐a inke waxopiniwarajire wangregi herera, egi shige inke Hinig‐hirera, eshi Hianj‐hirerashana.
33Hirakara‐uwine, hirakarawige egi gikarajwire, inke hiraperesni harajena jajanegi herekjanegi.
34Wankshig‐hinigra wangisha ma‐harixji hikiwarare hikisgena, e jhira karat’unarena, egi ware warnira hirukana wagigina, egi worera hishashana wogarna, egi jhirobhirakarara wirakarashina.
35Esge hirakara‐uwine, inke hiraperesni harajawige, jajanagi jhi‐hirukanara kirikjanegi, hoxjarnanegi, nigeshge hahekissagki, nigeshge bagawaxgewangra xag‐jau, nigeshge haininegi.
36Nigete hawushiri kiriege, rana‐hashanak’u hinie’kjanihawina.
37Egi jagu hinigawire harnaj warnigawina, hirakara‐uwine.
Currently Selected:
Markga 13: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
