Markga 11
11
1Egi jaja Bethphage egi Bethania Oliw xeja hahiregi Jerusalem hiwusunsh, hironag warnira nupiwi regigina.
2Egi wawagena: Jhinag joweregi howarawire, egi higu horakawawigi harexirig‐isha rusgij‐jau hishekjanihawina, inkaga wankshig haminag hiranisha, rushgawianaga harni‐kiriwiaje.
3Egi wankshigrisha jagu‐u de‐e wash’uwishe hinigawigi, wawiaje, Hirukanara hiunkjanege. Egi higuana hugigikjanena.
4Egi harairena, egi harexirigra rusgij‐jau hierena jhirob jangeja, nagueja egi girushgairena.
5Egi hota eja nashinankhi wawagairena: Jagu‐u wash’uwishe, harexirigra ragishurushgawire?
6Egi Jesus e u‐washige wauineshe wawigairena, egi kerewagigirena.
7Egi harexirigra Jesus hagarni‐hagirena, egi waini warninera hija washuirena egi haminakshana.
8Egi roha waini warninera nagueja womish‐hirena. Egi hijanera na‐akarajge majgis‐hiranaga egi nagueja horuerena.
9Egi jarnaga jornigi egi jarnaga hironag‐hiregi uwanankshana, wairena: Hosanna, rajankwire Hirukanara rash harnira harnijina.
10Rajankwire hung‐ma Dawid hianj‐hihiwira harnira Hirukanara rash harnira harnijina. Hosanna wangregi herera hirekjanena.
11Egi Jesus Jerusalem‐eja hokewena egi wohokhu‐hojhixeteja hokewena, egi jaja washara harnaj woruxuj rushjangaja, egi hoxjarna hakirina, hihinabanaga Bethania‐eja gina nuphashanara wakarakishu.
12Egi haininegi jaja Bethania‐eja hahuiregi dokewehina.
13Egi Fig‐naisha ab‐hirassa hari‐jau hajarna, hijowarena, washa hija hiege. Egi jaja hirahigaja inke washa hienina, eshi ab‐rashanajena. Fig‐has haminagra kheni herenige.
14Egi Jesus horniharna egi najega wagena: Inkisha has ningiruj‐nikjanena epa manegus. Egi wironag warnira naxguinena.
15Egi Jerusalem eja hahirena. Egi Jesus wohokhu‐hojhixeteja hokewena, egi wohokhu‐hojhixeteja washa wiruwinankhi egi waruwinankhi jangra wowahas‐shana egi shura hoikiruja warujra wawakana egi rujgesga wiruwi waminag‐nankhi.
16Egi inkisha wohokhu‐hojhixeteja woshura hisha rua howe wagiginina.
17Egi washa wagigus‐shana, wawagena: Jasge inke wagaxniankshe: Wa‐jhira wankshig hokirajra harnaj gikaraj hojhira higairekjanena? De‐eshi wamanuke hojhi sh’uwina.
18Egi wowagax‐hiperesra egi nabhoruxaj hirukana hungra naxguinena, egi jasgehiranaga d’ehiranagi horninena. Nakawairena, wankshigra harnaj wogus earnira gixixhirege esge.
19Egi jaja hoxjarna hakirigi jhinageja hihinabshana.
20Egi haininegi e howairegi Fig‐nara rejura hipa wusjau hajairena.
21Egi Peter hiperessana, wagena: Hirukanara horuxujre, Fig‐nara washoshishig hiragera, wus‐jena.
22Egi Jesus horniharna wawagena: Maura harnaxguwine.
23Hisgexjina hinigawina, higu peshe xe de‐e wagarnana, gixanage egi teja hosheweja hokit’unare, egi najge hashinira inke wakhibahinigi, eshi harnaxgugi washa jagu ega shesgarnana, higu jagu eegi giuinarnana.
24Esge wanigawina: Jagura hisha roraguwigi jaja ragikarajwigi ne harnanaxguwingi washurus‐winana, egi newashiniwinana.
25Egi jaja gikaraj nanashiwigi, wagit’unawiaje, ne hisha harakishararajegi, Hianjrawiga wangreginagre hishge washa woishanara warnigit’unekjanihawina.
26Eshi inke waragit’usharawinigi hishge wangregi Hianjrawiga‐nagre washa woishana washiniwira inke warnigit’uranikjanihawina.
27Egi shige Jerusalem‐eja hajirena, egi wohokhu‐hojhixeteja manijau, nabhoruxaj hirukana hungra hirajirena egi wowagax‐hiperesra egi xetera hirajirena.
28Egi wagairena: Homashja jaguisha hiu washa de‐e wash’ushe, egi peshe homashja de‐e hornik’uanaga washa de‐e sh’ushe?
29Egi Jesus horniharna egi wawagena: Washara hishankira hinigipaix‐janihawina, egi horningi‐hawiaje, egi hornigi‐taikjawina homashja jaguisha hiu washa de‐e haura.
30Johnga ni‐wawaxu harnira, jasge wangregi howajishe, nigeshge wankshigregi, horningihawire.
31Egi hokikit’airena wairena: Wangregi howajina hiawigi, wekjanena: Jagu‐u inke harnanaxguwinishe?
32Eshi wankshigregi howajina hiawigi, wankshigra hiwarnakawa‐wigaja, wankshigra harnaj Johnga prophet wogisog hiranainegaja.
33Egi hornihairena egi Jesus wagairena: Inke horag duxurugwinina. Egi Jesus wawornigiharna, nishge inke hornigitagwinina homashja jaguishe hiu washa de‐e haura.
Currently Selected:
Markga 11: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
