rumiya 9

asa 9

bulus gwurono gwan liji leḏi isreiyil lun late ləṯi ḏɩməṯo no

1nyi gwuməḏi ŋuɽun ŋun ŋiro gwerkwe ḏi kɩrisṯo, na nyi gwate gelo ŋɩwɩɽɩgala no, na ḏugwor ḏinyi ḏɩteiji ga gwuɽɩwə gwe gwun gwɩpiḏo pɽul, 2nyi gwəṯi ḏɩrona ḏɩbuḏo na ŋwuɽede gi ḏugwor ganu ḏinyi ŋwun ŋwate ŋwaṯete no, 3gi gwune nyi gwubunyu nyi madonyini ḏi kɩrisṯo gwan lɩmagəri lun liro əriḏ yinyi kalo geḏi aŋɩnu, 4lun liro liji leḏi isreiyil; na luŋa ləṯi ŋuɽuna ŋun ŋalɩduji nyaɽe nyeḏi elo, na ḏoɽeḏa, na ŋuɽun ŋun ŋɩkaiilo elo, na ŋuɽun ŋun ŋigelijɩlo elo musaŋ, na ḏorṯeḏa eloŋu, na ŋuɽun ŋun ŋarɩŋe elo ŋulɩḏəḏə; 5na ləṯi lɩgwurninyo, na lagin kɩrisṯo mila kalo geḏi aŋɩnu, gwun gwəṯi ŋelɩnya ŋɩdi wei, nuro elo gwun gwaṯɩbuḏɩni gi gɩḏilio. gwerkwe.

ŋuɽun ŋun ŋiḏəḏilo elo ŋate ŋɩmete no

6namɩni ŋate ŋiro gi ŋuɽun ŋeḏi elo ŋɩmaro ga jai no. gi gwune liji wei late liro liji leḏi isreiyil lun leḏi isreiyil no, 7na dino gi gwune luŋa lilɩŋinu ḏi ibraim namɩni luŋa wei late liro nyaɽe nyuŋun no, namɩni

gi jiri jeḏi isak nyaɽe nyalo nyaorniḏini nyiro lɩgwunəlo.

8na ŋuɽun ŋeno ŋarno nyaɽe nyun nyilɩŋinu jiŋɩno je nyədu nyiro nyaɽe nyeḏi elo no; namɩni nyaɽe nyeḏi ŋuɽun ŋun ŋuməḏɩjulɩlo ŋulɩḏəḏə nyorniḏini lɩgwurnən. 9gi gwune ŋuɽun ŋun ŋuməḏijanijilo ŋiro ŋeno,

nyi gwila kaja gun gɩməṯɩnu na sara gwəṯi ŋaɽe ŋun ŋiro

gwəmɩnyo.

10na ŋeno ŋədu kuwei no, namɩni gwune na ribka dino magwuli ŋaɽe ŋeḏi gwəmɩnyo gwete gwan isak gwun gwiro gwurninyo gwage, 11na gwune na nyaɽe jɩre nyate nyimalɩŋino no, na late lɩmaduji ŋuɽuna ŋete ŋun ŋiŋir i ŋun ŋɩki no, kani a ŋuɽun jaḏaṯa ŋun ŋar ŋal elo gele ŋe ḏubio ganu, ŋədu ŋeḏi ŋɩru no nalmɩni ro ŋe ḏorniḏa ḏeḏi elo, 12na ŋuməḏɩnu lugwun,

gwun gwuɽano gwəpijo megin ŋɩru gwun gwogeno.

13gi gwune ŋulinu, nyi gwəmɩnyu yagubŋ, nyimɩni donye yisuŋ.

elo gwuḏuḏɩnu ga

14na dino ilarau? elo gwəṯi ŋuɽuna ŋun gate ŋɩḏuḏɩnu ga na? awe, ŋate ŋiro dino ḏuṯ no. 15gi gwune gweico musaŋ no, nyi gwaṯino gwun gwar gwiino. 16na ŋiro dino ŋədu ŋeḏi gwiji gwun gwaṯɩbunyi i gwun gwaṯape ŋɩru no, nalmɩni ro ŋeḏi elo gwun gwaṯino. 17gi gwune gɩḏam geḏi elo geico parouunŋ no, na gwan ŋuɽun ŋeno nyi maŋadiɽi kani nyi gwaŋiḏi lugwuŋa ŋɩma ŋinyi, na kani nalumə jiri je jinyi kɩḏilio wei. 18na dino ŋu gwaṯino gwun gwar gwiino, na gwaṯɩbiɽi ḏugwore nanu gwun gwar gwubɩɽi nanu.

elo gwiro gwele gweḏi liji na ŋɩdi wei

19na dino na nyalara nyileicɩno, gwudaro gəko aṯulbuje ŋun ŋɩki nyoŋon? əḏi gwiro gwun gwupi ga ŋuɽun ŋun ŋɩbunyulo? 20namɩni ŋuɽun ŋɩmaliḏe nanu əḏi gwiro ŋa gwiji gwun gwaṯɩwəɽəṯɩjo eloŋu ŋuɽuna? gwaŋ gwun gwugelɩnu gwuməḏɩjo gwun gwugelu, nueicɩno, gwudaro gəko ŋigele dino? 21i ŋu gwun gwaṯɩkaɽuje gwate gwəṯi ŋelɩnya kalo geḏi ŋaijo na ŋulkaɽuje ŋono ldu gwakaɽuje giḏi gete geḏi ŋɩru ŋeḏi nəjio, na gete geḏi ŋɩru ŋe ḏurə galo na? 22na ŋɩrṯa ŋiro, ḏa elo mabunyi gwaŋiḏi ḏɩɽeḏa ganu ḏuŋun na gwaŋiḏi ŋɩma ŋuŋun, gwuḏuḏɩnu ḏɩməṯo ḏugwore ḏe gɩtten niḏi ne ḏɩɽeḏiḏia ganu nun nideleḏo gi ḏɩgira, 23na kani nuaŋiḏi ḏɩbona ḏutu ḏeḏi ḏoɽeḏa ḏuŋun niḏi nun ninəḏɩnu nun nikədɩnu gwerre gi ḏoɽeḏa, 24i liŋə liro lun lorniḏije, lədu leḏi liju kuwei no, nalmɩni ro liji dino lun liro ga dino? 25gi gwune arne gɩḏam geḏi nebi gwun gwan ouusu dino no,

liji leno lun late liro liji linyi no lileico liji linyi,

na gwun gwate gwəmɩnyɩnu no gweicɩno məmɩnyini.

26na kalo gun geicɩlinno, nya late liro liji linyi no,

na ŋɩnəwei laleico nyaɽe nyeḏi elo gwun gwumiḏo.

27na isaia gwəri gwula gwan liji leḏi isreiyil, nuarno,

namɩni da liɽi ledi isreiyil limaro lutu gi amuɽu yedi ḏɩrawe,

namɩni lun lɩṯanu lɩti kuwei ləkədəḏɩni ga,

28gi gwune gwele gwun gwiro elo gwəṯɩmi ḏakɩmiḏa ḏuŋun

wɽi kɩḏilio.

29na gi gwune arne isaia gwerre nuarno,

ḏa gwele gweḏi wei gwate gwimijouwɩricijo nyaɽe nyun

nyiṯanu nyiti no,

namɩni ilar lar gi amɩrɩgen yun yan sadum,

na ilmadujini gi amɩrɩgen yun yan amura.

ŋuɽun ŋan ḏobɩlṯeḏa ḏeḏi isreiyil

30na dino ilarau? ilarno ŋeno liji lun liro ga dino lun late ligwujano ŋuɽuna ŋun ŋiŋir no namɩni ŋɩmilbuje, namɩni ŋuɽun ŋun ŋiŋir ŋiro ŋun ŋaṯila ḏɩməṯo ḏe. 31namɩni liji leḏi isreiyil lun laṯɩgwujane ŋuɽuna ŋun ŋigelijɩlo elo musaŋ ŋun ŋigelɩnu kani ŋapa ŋuɽuna ŋun ŋiŋir namɩni late ŋɩmalɩṯɩmi no. 32gwudaro? gi gwune nalgwujane ŋədu ḏɩməṯo ḏe no nalmɩni ro ŋɩru ŋe. nalmobɩga kɩdol ge ḏobɩlkeja, 33gi gwune ŋulinu,

eʼe ŋilgele gi lɩrgwom lun lan siʼun gɩdol ŋe ḏobɩlkeja,

na loɽi ie ḏubɩliḏio,

namɩni gwun gwuəmɩnyi gwate gwa ḏare ape no.

Currently Selected:

rumiya 9: OTR1966

Highlight

Copy