2 Tiimuuthaawus 1
1
Salaam a shukr
1Buulus, gwina gwukejinu gwa Yasuuⓐ al Masiiẖ dhuŋun dhai dhina dhibupo Kalo, gi dhuŋun dhina dharuŋwdhai dha midhe gwina gwo di Yasuuⓐ al Masiiẖ, 2di Tiimuuthaawus, gwina gwiro ŋari ŋiny ŋina ŋuminyiny. Niⓐma, a ina, a audhaijiye galo di Kalo gina giro Babo a Yasuuⓐ al Masiiẖ gwina gwiro Kweleny gwega.
3Nyi gwathaici Kaloŋa shukran, gina gathinyi upijo ŋiro gi ligwurna liny dhugor dhai dhina dhijuro, gwiro ŋinena athaŋa aŋidhani gi abiŋaije Kaloŋa gwiny, athinyi dhunudhi lamun letipo no gigilo a ninaŋin; 4maji minyi aŋidhani ŋwal ŋwuŋa, nyuminyi gwuleny daŋaŋa, di dhugor dhiny oinyadhe iŋiruŋw ganu; 5a nyaŋidhani imaan gwina gwiŋir gwina gwathije gi dhugor ganu dhuŋa, gwina gwijo gi kwurna gwuŋa ro kwerkwereny, gwina gwan Lawiis, a nana gwuŋa gwina gwan Afniiki; a nyi gwuminyu darnu gwoma gwathije duguŋa ko.
Gwabiŋaijo Tiimuuthaawusuŋw duŋwuthi uminyuŋw gwuleny a bur nono
6Gi dhuŋun ibidha a nyi gwaŋa aŋidhaniye badhaije gwai dhedhaŋw tur gwa Kalo gwina gwo duguŋa, gwiro ŋinena getaŋana doi alaŋ diny. 7Ŋinena athiji Kalo dhedhi dhigirima dhadhi dhenya no; jibidhedha dhigirima dha ŋoma, a dhadhuminyi, a dhadhi ola. 8Athaŋa uthi dhara dapai shahaada gwa Kweleny gwega i gwiny, nyi gwina gwigukinu gwan ŋeda no, ŋabije dimutha dhugore gi dhuŋun dhina dhibur gwan Dhuŋun dhina Dhiŋir gi dhuŋun dha ŋoma ŋa Kalo; 9gina gimijigilaŋiye, a gimijurniye urnie gwai gwina gwiŋir didirel, a gwati gwiro gi dhuŋun dha ŋiro ŋega no, abi gi dhuŋun dha bupe gwuŋun a niⓐma, gwina gwimijidhedha gi al Masiiẖ Yasuuⓐ kwereny nanaŋ gidhila gati gigitinu no, 10abi gwimaŋini ŋinena aŋini gwai gwa Mukhallis̱ gwega gwina gwan Yasuuⓐ al Masiiẖ, gwina gwimirniye aiuŋw, a gwina gwima ora midhuŋw galo a midhe gwina gwathije gwortal Dhuŋun dhai dhina Dhiŋir. 11Gi dhuŋun ibidha gwiminyi ruje gweta gwina gwathabiŋaijo lijo dhuŋuna dha Kalo, a gweta gwina gwukejinu, a gweta gwina gwathalimiye Liumam. 12A gi dhuŋun ibidha nyi gwathimutha dhugore gi ŋidi ibiŋa ko; abi nyi gwati gwuthi dhara no; ŋinena liŋidhiny darnu ei gwiro gwina gwuminyiny, a nyuminyi darnu gwuthi ŋoma diny muthejo ŋida peth ŋina ŋiminyil dhedha gi lamun ibile. 13Muthi s̱uura gwa dhuŋun dhina dhiro titiganu, dhina dhidiŋinaŋa diginy, gi imaan a uminyi gwina gwo gi Yasuuⓐ al Masiiẖ. 14Dimii dhuŋuna ibidhe dhina dhimaŋaldhedha dhina dhiŋir Dhigirim dhai dhina Dhiŋir dhina dhijijina ganu. 15Au gwiliŋidhi darnu peth lina lathije gi Asiiya liminyi gathani; leta degen liro Fiijallus a Harmuujaanis. 16Kweleny dhedhi inaŋw gi dunu gwa Uniisiifuurus; ŋinena athinyi gathaje uwe ŋwamun ŋwoinyadho, athuŋw uthi dhara di gukini gwiny no, 17abi, dina juŋw gi Ruumiya, gwibupiny dhugor dhai peth, nyibuje. 18Gwa Kweleny dhedha dibuje inaŋw dugun gi lamun ibile; a ŋidi peth ŋina ŋapuŋwulo gi Afasus, ŋiliŋidhaŋalo momaŋ.
Currently Selected:
2 Tiimuuthaawus 1: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
