2 Kuurinthuus 4
4
Dhuŋun dha dhabiŋaijo lijo dhugor dhai dhina dhiŋir a bur gwai nono
1Gi dhuŋun ibidha ŋinena uthana ŋiro ibiŋa, gwiro ŋinena uthanana inaŋw, athana mulo nono no; 2abi anaŋa limadoinya ŋida ŋina ŋigilibicinu ŋa dharo, athana idhidhi ŋwujimi ŋai, i athana ukinejo dhuŋuna ganu dha Kalo no; athanabi aŋiye dhuŋuna dhina dhiro titiganu ana dhedha lidom luri shahaada gi dugor da liji peth gi je ganu ja Kalo. 3Abi ada Dhuŋun dhega dhina Dhiŋir dhimagilibicini, a dhigilibicinu gi liji lina lerna. 4Lina lijina kalo ganu ga gidhila ibiga gina gimarimeye ŋadigirenya ganu ŋa liji lina lati luminyu no, dathil fure orajo galo gwa Dhuŋun dhina Dhiŋir dha majdh gwa al Masiiẖ, gwina gwiro s̱uura gwa Kalo no. 5Abi ŋinena anaŋa lati lathajabiŋaijo lidom lai luri no, abi Yasuuⓐ al Masiiẖ gwai gwina gwiro Kweleny; abi gi lidom luri anaŋa liro jine jalo gwan Yasuuⓐ. 6Ŋinena ro Kalo gina garnu, A fure ora galo gi kirim, ŋeda gwiro gwina gworadho galo gi dugor ganu duri, dorajo liŋuŋw galo gwa majdh gwa Kalo gi je ganu ja Yasuuⓐ al Masiiẖ.
Mule nono gwa Buulus a ŋoma ŋa Kalo
7Abi anaŋa luthi ŋida ibiŋa ŋina ŋauwadhinu gi nyidhe nyina nyiro ŋaijo, di iŋir gwuleny gwa ŋoma ibiŋa ro ŋa Kalo, athil rui ŋega no. 8Dhuŋun dhina dhibur dho dhurejije galo ŋwimera peth, abi anaŋa lati lubo galo no; anaŋa lo like dugore, athanabi mulo nono no; 9anaŋa lo lirininu, athanabi guthinunu no; anaŋa lo lipinu, athanabi rinyinu no; 10athilapai kaŋinu yega ŋwamun peth aiuŋw gwa Kweleny gwina gwan Yasuuⓐ, di midhe gwa Yasuuⓐ aŋini ko gi aŋinu yega. 11Ŋinena anaŋa lina limidho aldhedha aŋina yega aiuŋw ŋwamun peth gwan dhuŋun dha Yasuuⓐ, di midhe gwa Yasuuⓐ aŋini ko gi aŋinu yega ina yaio. 12A minoŋ ai gwathapai ŋiro daguri ganu, abi midhe gwo dagalo ganu. 13Ŋinena uthana dhigirima dha imaan gwetipo gwiro ŋinena ulinuŋwna, Nyi gwimuminyi, a minoŋ nyi gwabiŋu; anaŋa ko luminyu, a minoŋ anabiŋi; 14liŋidhul darnu gwina gwidireyo Kwelenya gwina gwan Yasuuⓐ gwuthi ŋoma gwijidireye alŋa ko Yasuuⓐ gwai, a gwijapai nyaŋa ŋalai. 15Ŋinena ŋidi peth ibiŋa ŋan nyaŋa, di niⓐma je a gwimoinyadhe gwoinyadhanu a shukr gwima ginyadhani gi majdh gwa Kalo.
Dhuŋun dha ŋwuredeny ŋwina ŋwo ŋinena dogo, abi majdh gwathije gwortal
16Gi dhuŋun ibidha athil mulo nono no; abi ada kwiji gwega gwa por gwimerna, abi gwa kiru gwaro gwiyaŋ lamun leta gi lamun liter. 17Ŋinena dhuŋun dhega dhina dhibur dhiro dhowraŋ dhina dho ŋinena dogo, dhathijupijo gwoinyadho gwoinyadhanu wazan gwa majdh gwina gwathije gwortal; 18abi anaŋa lati lidatiŋudhi ŋida ŋina ŋaŋinu no, albi datiŋa ŋida ŋina ŋati ŋaŋinu no; ŋinena ro ŋidi ŋina ŋaŋinu ŋa ŋinena kaija ibiga dogo; abi ŋina ŋati ŋaŋinu no ŋathije gwortal.
Currently Selected:
2 Kuurinthuus 4: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
