2 Kuurinthuus 3
3
Dhuŋun dha liji lina limurle dugore galo degen gi ŋidi ŋina ŋike lina lidiŋinu dhuŋuna dhina dhabiŋu Buulus
1Abi anaŋa laje manaŋ daŋiye shahaada gwa lidom lega gwina gwiŋir a? I anaŋa, laro ŋinena liji liter, lina labupe jawaabaat jina juthi dhuŋuna dhegen dhina dhiŋir dagalo, i anaŋa libupo jawaabaat dagalo jina juthi dhuŋuna dhalo dhina dhiŋir a? 2Nyaŋa liro jawaab juri jina julinu gi dugor ganu duri, jiliŋinu a jabiŋinu gi liji ganu peth. 3Nyaŋa limaŋini momaŋ darnu nyaŋa liro jawaab ja al Masiiẖ jupinu ŋiro daguri, jati julinu ẖibr gwai no, abi Dhigirim dhai dha Kalo gina gimidho; jati julinu gi nyol nyina nyiro jimiriny no, abi gi nyol nyina nyiro jimiriny jina jiro dugor da liji. 4Abi anaŋa luthi uminyuŋw gi al Masiiẖ di Kalo. 5Gwati dega darnu alŋa luthi ŋoma dibudhe gi lidom lega dilireye je galo ŋidi ŋeda darnu ŋidhi gi lidom lega no; abi ŋoma ŋadhibudhe ŋega ŋidhi di Kalo; 6gina gimijabrico alro jadham jina jibudho ja dhuŋun dhina dhidiminu dhina dhiyaŋ; dhati dhiro dha dhuŋun dhina dhulinu no, abi gi Dhigirim; ŋinena adhi dhuŋun dhina dhulinu rinya, abi Dhigirim dhamidheye.
Majdh gwa Dhuŋun dhina Dhiŋir gwiŋiranu gi majdh gwa naamuus
7Abi ada dhuŋun dhimaje dha ŋiro ŋadhai, dhina dhulinu gi nyol, dhimagitini gi majdh, dathi keleŋa ga Israayiil uthi ŋoma duŋw aŋini momaŋ gi je ganu ja Muusa gi dhuŋun dha majdh gwa je juŋun gwina gwaji gwerna, 8abi akwai gwoinyadhanu athibi dhuŋun dha ŋiro ŋa Dhigirim buthanu gi majdh no. 9Abi ada dhuŋun dha ŋiro ŋa dhukimini ŋimuthi majdh, abi gwoinyadhanu gwuleny gi dhuŋun dha ŋiro ŋa dhuŋun dhina dhiŋir ŋoinyadhani gi majdh. 10Ŋinena ro gwina gwimajidhinu gwati gwuthi majdhinuŋw gi dhuŋun ibidha no, gi dhuŋun dha majdh gwina gwiŋiranu. 11Ŋinena ada gwina gwerna gwimamajidhini, abi gwoinyadhanu gwuleny gwina gwathije gwortal gi majdh. 12Abi ada alŋa limuthi dhunijuŋw gwiro minoŋ, alŋa luthi ŋoma dilabiŋi galo ditir ŋwamun ŋwoinyadho, 13a gwati gwaro ŋinena Muusa, gwina gwathigeta kiraŋa gi je juŋun, dathi keleŋa ga Israayiil daŋudhi ernuŋw gwa ŋidi ŋina ŋerna no. 14Abi ŋadigireny ŋegen ŋirima ganu; di a ŋinena a minoŋ ko ibiga goma gathije a gati gimubirini no di maji ma dhuŋun dhina dhidiminu dhina dhurun abiŋini; a kiraŋ ibiga gerna gi al Masiiẖ. 15Abi di a ŋinena liji loma lathabiŋaijo dhuŋuna dha Muusa abi kiraŋ goma go gi dugor degen. 16Abi maji ma kwiji gweta auradha di Kweleny, a kiraŋ ubirini. 17Abi Kweleny gwiro Dhigirim, a kalo gina gathin Dhigirim je dha Kweleny, a mine gududhini galo gwathinje. 18Abi anaŋa peth lathaŋa majdh gwa Kweleny je jai jina juro ganu gwiro ŋinena athin daŋudhini gi miraaya ganu, anaŋa lima upeyini ganu gi s̱uura ibigwa di majdh gi majdh; gwiro ŋinena dhedhijina Kweleny gwina gwiro Dhigirim.
Currently Selected:
2 Kuurinthuus 3: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
