1 Tiimuuthaawus 3
3
Liji lina luthi ŋelenya gi kaniisa
1Dhuŋun dhiro titiganu, ada kwiji gweta gwimabupe ŋiro ŋa asguf, gwuminyu ŋiro ŋina ŋiŋir. 2Aram asguf gwati gwuthi lom no, ŋwuthi kwaio gwetipo dogo, athuŋw mutha aŋina yuŋun gi ŋidi ŋina ŋibupuŋwulo, athuŋw ireye je galo momaŋ, ŋwuthi ŋadigirenya ŋina ŋiŋir, duŋwuthi shahaada gwina gwiŋir, athuŋw uminyi lirina, gwiŋir gi dhuŋun dhadhalimiye; 3athuŋw iyo khamra no, athilipiyo liji lai no, athuŋw obadho galo dapai teyanuŋw galo gwina gwike no, ŋwubimutha dhugore, athuŋw uminyu kaijiyuŋw gi je no, athuŋw ŋidi amira ŋa liji liter no. 4Gwiro gweta gwina gwathi dima duna gwuŋun momaŋ, ŋwuthi keleŋa gina guthi nyuni gi dhuŋun dhuŋun ireye je gwai galo momaŋ peth. 5(Ada kwiji gweta gwati gwimaliŋa didima duna gwuŋun no, akwai gwethadhe kaniisa ga Kalo?) 6Athuŋw rui Masiiẖi gwina gwiyaŋ no, dathuŋw ido gi ẖukm gwa Ibliis ada gwimaruje gwidom gwuŋun gwipa. 7Aram ko gwuthi shahaada gwina gwiŋir gi liji lina lathije por; dathuŋw ido gi ẖukm a diba gwa Ibliis. 8A minoŋ aram shamaamsa athilireye je galo momaŋ, athiluthi diŋila ganu ram no, athiluminyu khamra goinyadho no, athilobadho galo dilapai teyanuŋw galo gwina gwike no. 9Albimutha dhuŋuna dhina dhigilibicinu dha imaan dugor dai dina dijuro. 10A ko liji ibila aram lidhejinu kwerkwereny; albaji alro shamaamsa, ada lati limuthi lom no. 11Aram ko la athilireye je galo momaŋ, athilabiŋu dhuŋuna dhina dhike dhan liji liter no, aluthi ŋadigirenya ŋina ŋiŋir, a liŋir gi dhuŋun peth. 12Abrico shamaamsa aluthi laio gwetipo gwetipo, aldima keleŋa gegen a dunu gwegen momaŋ. 13A lina limapai ŋiro ŋa shamaamsa gwiŋir degen dathilapai dhuŋuna dhina dhiŋir gi lidom legen, alire ganu gwuleny gi imaan gwina gwo gi al Masiiẖ Yasuuⓐ.
14Nyi gwulijaŋa dhuŋuna ibidha, a nyi gwibupo dinyeladha duguŋa gwaji gwitiny, 15abi ada nyi gwimadhuna gwortal, gwiŋir daŋa liŋa akwai aram ŋa gwela gi dunu gwa Kalo, gwina gwiro kaniisa ga Kalo gina gimidho, gina giro luri a dhugul dha dhuŋun dhina dhiro titiganu. 16A titiganu dhuŋun dhinaŋ dhina dhigilibicinu dha dhuminyi Kaloŋa; Kalo gina gaŋinu kaŋinu, gibujinu gati guthi lom gi Dhigirim no, ŋwaŋini gi malaayka, ŋwubabiŋini gi Liumam, ŋwuminyini kidhila, ŋwupini gi majdh.
Currently Selected:
1 Tiimuuthaawus 3: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
