1 Tiimuuthaawus 2
2
Dhuŋun dhiŋir dhadhi gwuje gi dhuŋun dhadhorthadha Kaloŋa gi kaniisa
1A nyi gwibupo kwerkwereny gi ŋidi peth dhuŋun dhadhothaije Kaloŋa galo, a dhadhabiŋaijo Kaloŋa, a dhadhabiŋaijo Kaloŋa gwan liji liter, a dhadhaici shukran duŋwuje gi liji peth; 2gwan maluuk, a liji peth lina luthi ŋelenya; danamidhe audhaijiye gwai galo midhe gwai gwaicaijiyo galo gi dhuŋun peth dha Kalo dhina dhiŋir, ana ireye je galo momaŋ. 3Ibidha dhiŋir a dhuminyinu gi je ganu ja Kalo gina giro Mukhallis̱ gwega; 4gina gibupo darnu liji peth lagilaŋini, a diledha diliŋa dhuŋuna dhina dhiro titiganu. 5Ŋinena ro Kalo getipo, a ŋwuro gwetipo gwina gwo keligeny ganu di Kalo a liji, gwiro kwiji gwina gwan al Masiiẖ Yasuuⓐ; 6gwina gwidhedhi gwidom gwuŋun digilaŋiye lijo peth dapai shahaada gi ŋwamun ŋwuŋun ŋwina ŋwiro ter. 7Dhina dhiminyidhai Kalo ruje gweta gwina gwathabiŋaijo lijo dhuŋuna dhuŋun, a gweta gwina gwukejinu, (nyi gwabiŋu dhuŋuna dhina dhiro titiganu gi al Masiiẖ, a nyi gwati gwabiŋu ŋidhuŋinaŋa no;) a gweta gwina gwathalimiye Liumam gi imaan a dhuŋun dhina dhiro titiganu.
8A minoŋ nyi gwibupo loma dil abiŋaijo Kaloŋa kalo peth, alalije doi alaŋ dina diŋir didirel, athil kii dugore, athil anato no. 9A minoŋ di la gena ciraŋa jina jibudho degen, athiluthi lom no, aluthi ŋadigirenya ŋina ŋiŋir; athathil midhi uru yegen no, i athil geno dahab, i lulu, i ciraŋ jina juthi gwarush gwoinyadho no. 10(Albigena ŋida ŋina ŋiŋir gi la lina luminyu dhuŋuna dha Kalo) ŋiro ŋai ŋina ŋiŋir. 11Abrico kwaio dalimiye jigwoiny, ŋwuthejo dhuŋuna peth kuni. 12Abi nyi gwati gwuminyu kwaio dalimiye, i athuŋw uthi ŋelenya di kwoma no, ŋwubi jalo jigwoiny. 13Ŋinena gitinu Adam kwereny, a Hauwa gidon. 14A Adam gwati gwukinejinu ganu no, abi kwa gwiro gwina gwukinejinu ganu, ŋwapai ŋida ŋina ŋike ŋwujimi ŋai. 15Abi ŋeda gwaji gwagilaŋini liŋini gwai gwa keleŋa, ada ŋediŋa limaje gi imaan a uminyi a iŋir didirel ŋadigireny ŋai ŋina ŋiŋir.
Currently Selected:
1 Tiimuuthaawus 2: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
