1 Tasaaluuniika 1
1
Salaam a shukr
1Buulus, a Silwaanus, a Tiimuuthaawus, gi kaniisa ga Tasaaluuniika gi Kalo, gina giro Babo a Kweleny gwina gwan Yasuuⓐ al Masiiẖ. Niⓐma dagalo, a audhaijiye galo, di Kalo gina giro Babo gwega, a Kweleny gwina gwan Yasuuⓐ al Masiiẖ.
2Anaŋa lathaici Kaloŋa shukran ŋwamun peth gwan nyaŋa peth, athajil aŋidhani gi abiŋaije Kaloŋa gwuri; 3athana dhunudhi lamun letipo daŋidhani ŋiro ŋa imaan gwalo, a ŋiro ŋina ŋupinu ŋa uminyi gwalo, a mutha dugore gwa dhunijo gwalo gi Kweleny gwega gwina gwan Yasuuⓐ al Masiiẖ, gi je ganu ja Kalo a Babo gwega no; 4anaŋa liliŋidhi, limega lai lina luminyinu di Kalo, uthini gwai ganu gwalo. 5Ŋinena Dhuŋun dhega dhina Dhiŋir dhati dhidhi dagalo dhuŋun dhai dogo no, abi ŋoma ŋai ko, a gi Dhigirim dhina Dhiŋir, a gi dhuŋun dhina dhiliŋinu momaŋ; gwiro ŋinena liŋidhanya darnu anaŋa liro loma lirau dagalo ganu gwan nyaŋa. 6A nyaŋa limaro lina lathijigwuje, a Kweleny, nyaŋa limuminyi dhuŋuna dhuŋun dhai dhina dhibur gwuleny, iŋir gwai dhugore gwa Dhigirim dhina Dhiŋir. 7Di nyaŋa limaro s̱uwar degen peth lina lathuminyi gi Makiduuniya a Akhaaya. 8Ŋinena dhuŋun dha Kweleny dhimadiŋinini dagalo, dhati gi Makiduuniya a Akhaaya dogo no, abi gi kalo peth ko imaan gwalo gwimabai galo Kalo gai; a ŋinena anaŋa lati labuje lamun lina liŋir lina ladhanal abiŋi dhuŋuna dheda no. 9Ŋinena athi ŋediŋa abiŋaijo lijo dhuŋuna darnu anaŋa ludhi akwai dagalo ganu, a akwai nyaŋa limauradha di Kalo gi dhuŋun dhina dhuthanya dha ŋwoboŋ, danya upijo Kaloŋa ŋiro gina gimidho a gina giro titiganu; 10nyadhunijo Ŋare ŋuŋun gi Sama, ŋina ŋidireyuŋw dai, Yasuuⓐ, gwina gwijubire gi kadhugore gwina gwaji gwila.
Currently Selected:
1 Tasaaluuniika 1: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
