مڪاشفو 18
18
بابل جي بربادي
1ان کان پوءِ مون هڪڙو ٻيو ملائڪ آسمان مان لهندي ڏٺو، جنهن کي وڏو اختيار مليل هو. هن جي جلوي جي ڪري ڌرتي روشن ٿي ويئي. 2#يس 13:21، 21:9، ير 50:39، 51:8، مڪا 14:8 هن وڏي آواز سان چيو تہ ”ڪري پيو، #18:2 وڏو شهر بابلٿي سگھي ٿو تہ اهو رومي شهنشاهت ڏانهن اشارو آهي.وڏو شهر بابل ڪري پيو. اهو بدروحن جو گھر بڻجي ويو. هائو، اهو هر ناپاڪ روح جو اڏو، بلڪ هر ڪنهن ناپاڪ ۽ گندي پکيءَ جو آکيرو ٿي پيو. 3#يس 23:17، ير 51:7 انهيءَ جو سبب هي آهي تہ هن جي زناڪاريءَ جي مئي سڀني قومن پيتي آهي، جنهن جي ڪري خدا جو غضب نازل ٿي رهيو آهي. هائو، ڌرتيءَ جي بادشاهن انهيءَ سان زناڪاري ڪئي آهي ۽ دنيا جا سوداگر انهيءَ جي عيش عشرت جي گھڻائيءَ جي ڪري دولتمند ٿي پيا آهن.“
4 #
يس 48:20، ير 50:8، 51:6،45 پوءِ مون آسمان ۾ هڪڙو ٻيو آواز ٻڌو جنهن چيو تہ
”اي منهنجي قوم وارؤ! بابل مان نڪري اچو،
تہ جيئن انهيءَ جي گناهن ۾ شريڪ نہ ٿيو.
متان هن جي آفتن مان ڪا اوهان تي اچي نہ پوي،
5 #
پيد 18:20-21، ير 51:9 ڇاڪاڻ تہ انهيءَ جا گناهہ عرش عظيم تائين اچي پهتا آهن،
۽ خدا کي هن جون بدڪاريون ياد آهن.
6 #
زب 137:8، ير 50:29 اي بدلو وٺڻ وارؤ! جهڙو سلوڪ بابل ٻين سان ڪيو،
تهڙو اوهين بہ هن سان ڪريو.
جيڪا بڇڙائي هن ڪئي آهي،
تنهن جو کيس ٻيڻو بدلو ڏيو.
هائو، جيڪو پيالو هن ٻين لاءِ تيار ڪيو آهي،
تنهن پيالي کي ٻيڻو گھاٽو ڪري کيس ڏيو.
7 #
يس 47:7-9
جيتري قدر انهيءَ پاڻ کي شاندار ڪيو
۽ عيش عشرت ڪيائين،
اوتري قدر اوهين کيس ايذاءَ ڏيو ۽ سوڳ ۾ وجھو،
ڇاڪاڻ تہ بابل جي وسندي پنهنجيءَ دل ۾ چوي ٿي تہ
’آءٌ راڻيءَ جي حيثيت ۾ تخت تي ويٺي آهيان.
آءٌ رنزال نہ آهيان،
۽ ڪڏهن بہ سوڳ نہ ڪنديس.‘
8انهيءَ ڪري مٿس هڪڙي ئي ڏينهن ۾ هي آفتون اينديون،
يعني موت، سوڳ ۽ ڏڪار.
اها وسندي باهہ ۾ ساڙي ناس ڪئي ويندي،
ڇاڪاڻ تہ هن جي عدالت ڪرڻ وارو،
خداوند خدا نهايت قادر آهي.“
9 #
حز 26:16-17
ڌرتيءَ جي جن بادشاهن ساڻس زناڪاري پئي ڪئي ۽ عيش عشرت ڪندا ٿي رهيا، سي جڏهن هن جي سڙڻ جو دونهون ڏسندا تہ هن لاءِ روئندا ۽ پٽيندا. 10اهي سندس ايذاءَ ڏسي ڊپ وچان پري بيهي چوندا تہ ”افسوس، صد افسوس! اي وڏا ۽ مضبوط شهر بابل! تو کي هڪڙي ئي ڪلاڪ ۾ سزا ڏني ويئي آهي.“
11 #
حز 27:31،36 دنيا جا سوداگر بہ هن لاءِ روئندا ۽ پٽيندا، ڇاڪاڻ تہ ڪوبہ ماڻهو اهڙو نہ رهيو هوندو جيڪو سندن هي مال خريد ڪري، جهڙوڪ: 12#حز 27:12،13،22 سون، چاندي، هيرا جواهرات، موتي، سنهي وٽيل سڻيءَ جو ڪپڙو، ريشمي توڙي واڱڻائي ۽ لال ڳاڙهو ڪپڙو، سڀ سرهيون ڪاٺيون، عاج توڙي تمام قيمتي ڪاٺ مان ۽ پتل، لوهہ ۽ سنگمرمر مان ٺهيل هر قسم جون شيون، 13دالچيني، ننڍا ڦوٽا، اگربتي، عطر، لوبان، مئي، زيتون جو تيل، ميدو، ڪڻڪ، ڍور ڍڳا، رڍون ٻڪريون، گھوڙا، گاڏيون، غلام ۽ وڪري لاءِ پڪڙيل انسان. 14اهي سوداگر بابل شهر کي چوندا تہ ”تنهنجا دل پسند ميوا تو وٽان هليا ويا ۽ سموريون لذيذ ۽ عيش عشرت واريون شيون جيڪي تو وٽ هيون، سي بہ تو وٽان گم ٿي ويون ۽ وري ڪڏهن بہ هٿ ڪين اينديون.“
15 #
حز 27:31،36 انهن شين جا سوداگر جيڪي کيس اهي شيون وڪڻڻ جي ڪري دولتمند ٿي ويا هئا، سي هن جا عذاب ڏسي ڊپ وچان پري بيهي روئندي پٽيندي 16چوندا تہ ”افسوس، صد افسوس! اها وڏي وسندي جيڪا سنهي وٽيل سڻيءَ جو ڪپڙو، واڱڻائي ۽ لال ڳاڙهي پوشاڪ پهريندي هئي ۽ سون، هيرا جواهرات ۽ موتين سان سينگاريل هوندي هئي، 17#يس 23:14، حز 27:26-30 تنهن جي هڪڙي ئي ڪلاڪ ۾ سڄي دولت برباد ٿي ويئي.“
سامونڊي جهازن جا ڪپتان، مسافر ۽ ملاح ۽ ٻيا جيڪي سمنڊ تي گذران ٿا ڪن، سي سڀيئي پري بيهي رهندا. 18#حز 27:32 اهي هن شهر جي سڙڻ جو دونهون ڏسي رڙيون ڪندي چوندا تہ ”ڇا ڪڏهن ڪو هن جهڙو وڏو شهر هو؟“ 19#حز 27:30-34 اهي پنهنجي مٿي ۾ خاڪ وجھي روئندي پٽيندي رڙيون ڪندي چوندا تہ ”افسوس، صد افسوس! اهو وڏو شهر جنهن جي دولت جي ڪري سمنڊ جا سڀيئي جهازن وارا دولتمند ٿي پيا، سو هڪڙي ئي ڪلاڪ ۾ برباد ٿي ويو.“
20 #
شر 32:43، ير 51:48 مون هي بہ ٻڌو تہ
”اي آسمان! انهيءَ شهر تي خوشيون ڪر،
اي مسيح ۾ چونڊي پاڪ ڪيلؤ!
اي عيسيٰ بابت خوشخبري ۽ خدا جو پيغام ٻڌائيندڙؤ!
اوهين انهيءَ شهر تي خوشيون ڪريو،
ڇاڪاڻ تہ خدا عدالت ڪري
هن کان اوهان جو بدلو وٺي ٿو.“
21 #
ير 51:63-64، حز 26:21 پوءِ هڪڙي طاقتور ملائڪ جنڊ جيڏو هڪڙو وڏو پٿر کڻي سمنڊ ۾ اڇلائي چيو تہ ”وڏو شهر بابل بہ اهڙيءَ طرح زور سان ڪيرايو ويندو ۽ وري ان جو ڪو پتو ئي ڪونہ پوندو. 22#حز 26:13، يس 24:8 #ير 7:34، 25:10 اي وڏا شهر بابل! ستارَ، بانسري، توتاري توڙي ڳائڻ جو آواز وري تو ۾ ڪڏهن بہ ڪونہ ٻڌبو. ڪوبہ ڪاريگر، ڪهڙي بہ ڌنڌي وارو، وري تو ۾ ڪونہ لڀندو ۽ نہ وري ڪڏهن تو ۾ ڪنهن چڪيءَ جو آواز ٻڌڻ ۾ ايندو. 23ڏيئي جو سوجھرو بہ وري تو ۾ ڪڏهن ڪونہ ٿيندو ۽ نہ وري ڪڏهن تو ۾ ڪنهن شاديءَ جو آواز ٻڌڻ ۾ ايندو. انهيءَ ڪري جو تنهنجا سوداگر ڌرتيءَ جا مالڪ بڻجي ويٺا آهن ۽ سڀ قومون تنهنجي جادوگريءَ سان ڀٽڪي ويون آهن. 24#ير 51:49 خدا جو پيغام ڏيندڙن توڙي مسيح ۾ چونڊي پاڪ ڪيلن، مطلب تہ جن کي بہ زمين تي ڪُٺو ويو آهي، تن سڀني جو رت تو ۾ ٿو ملي.“
Currently Selected:
مڪاشفو 18: SB
Highlight
Copy
Compare
Share
Want to have your highlights saved across all your devices? Sign up or sign in
Muslim Sindhi Bible © The Pakistan Bible Society, 2022
مقدس ڪلام توريت، زبور ۽ نبين جون ٻيو لکتون ۽ انجيل شريف
Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Muslim Sindhi,
Copyright © 2022 The Pakistan Bible Society.
Used by permission. All rights reserved.
