2 थेस्लोनिकि 2
2
दुस्ट द्याङ
1खान्धुराइ ओनेगेलाइ, केलाइको प्रभु येसु ख्रिस्ट आरोङ ल्वाङ कालाउ वासेहेङ भेतिलि केलाइ ए दोफाङ जोम्तेङ हिका बिसोइता केलाइ नेलाइहेङ हाइ दोङ दोअ्लि हि। 2प्रभुको दिना लोलि दोका हि दोअ्तेङ नेलाइको मन माआउलियाको माकुनु नेलाइ माअ्थिसु, हासु बुङ इदोइ आगमबानि धुइतेङ द्वावा माकुनु सन्देस, माकुनु हिदोइ बुङ पात्तारा केलाइसो लोका दोअ्तेङ नेलाइ मासोचेसु। 3हासु बुङ नेलाइहेङ प्रभु येसु लोका बिसोइता माझुकिपाको। हाइपालिपानु जेलाउ थेकापा प्रभु येसु माल्वाङ एन्सालाउ इसिका सोमोइ ल्वाङ जेलाउ हेन्जाङ द्याङगेलाइ परमेस्वरको बिरोधता हानावा। कालाउ इङको दुस्ट द्याङ#2:3 दुस्ट द्याङ येसु ख्रिस्टको सतुरु। तिनाङ जाइहेङ परमेस्वर नरकता मानासापा धाउ इङको दिना माल्वाङ। 4वा दोङ परमेस्वरको बिरोध पाखे, कालाउ द्याङगेलाइ पुजिका गोताङ आनेमानेगेलाइको बिरोध पाखे, कालाउ इङको खान्तेङ ताइमिहेङ बारका सम्झिखे, इता थेकापा कि ताइमिहेङ परमेस्वर दोङ हिघा दोअ्तेङ झाराङहेङ दोअ्खे, कालाउ इङको दुस्ट द्याङ परमेस्वरको मुन्दिरता हिखे।
5का नेलाइ दोफा हिलाउ का हेन्जाङखे इदोइ काथागेलाइ नेलाइहेङ दोअ्का हिघाखा, एला इङको काथागेलाइ मानिल्सु। 6इङको दुस्ट द्याङ एला थेकापा देखाल जेङका मान्थु, हाइपालिपानु इङकोहेङ हाइ दोङ काथाहोइ खोराइतेङ ताअ्का हि। इदोइ नेलाइ गिसुखेना, जेलाउ परमेस्वरको नियुक्त पाका सोमोइ लोखे, कालाउ इङको दुस्ट द्याङ देखाल जेनावा। 7हाइपालिपानु इङको दुस्ट द्याङको सरबुङ सुमिङता सिकापा काम पातेङ हि, कालाउ इन्ता एमि हि जाइ इङको दुस्ट द्याङको सरबुङहेङ रोकितेङ ताअ्का हि। कालाउ जेलाउ थेकापा इङको दुस्ट द्याङहेङ दामासो मालाअ्पावा एन्सालाउ थेकापा वा रोकितेङ ह्यावा। 8कालाउ न्हुसो इङको दुस्ट द्याङ देखाल जेनावा। कालाउ आरोङ न्हुसो जेलाउ प्रभु येसु ल्वाङ, वा इङको दुस्ट द्याङहेङ ताइको नुइसो ओल्लेका आदेसहोइ कालाउ वाको लोलि तोम्का महिमाहोइ इङकोहेङ सेअ्तावा। 9इङको दुस्ट द्याङ साइतानको सरबुङ दोफा ल्वाङ, कालाउ वा गोताङ खाल्को धाताइका चिन्हा, चामात्कार कालाउ भारभुसाइका कामगेलाइ पावा, कालाउ इदोइ गोताङ कामगेलाइ परमेस्वर पातेङ हि दोअ्तेङ द्याङगेलाइ सोचियावा। 10कालाउ बिनासको दामाता तेअ्कालाइहेङ आनाइ बानाइलि वा गोताङ खाल्को दुस्ट कालाउ मारेम्का कामगेलाइ प्रयोग पावा, हाइपालिपानु इम्बालाइ सत्येहेङ खाङधुरि पालि इन्कार पाखे जेदोङहोइ इम्बालाइहेङ बान्चि पावा। 11ओदोङ भाअ्सिङ इम्बालाइहेङ धाताइका काथा धुइका दुस्ट द्याङ खाङधुरि पाको दोअ्तेङ परमेस्वर दोङ इम्बालाइहेङ झुकिपाका बार्का सरबुङहेङ पिगिल्लाङ। 12कालाउ परमेस्वर गोताङ द्याङगेलाइको न्याय पाङ, जाइ येसु ख्रिस्टको सत्ये सन्देसहेङ खाङधुरि मापाखे, कालाउ जाइ दुस्ट दामाहेङ प्रेम पाखे।
स्थिर हिलि
13प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि। 14केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु। 15ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।
16केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि। 17केलाइ या बुङ प्रार्थाना पाङ, कि इम्बालाइ नेलाइको हृदयहेङ सान्तावाना प्याको, कालाउ गोताङ रेम्का काम कालाउ बचनता नेलाइहेङ बल्लियाका बानाइयाको।
Currently Selected:
2 थेस्लोनिकि 2: DHINT
Highlight
Copy
Compare
Share
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
