Popular Bible Verses from 2 थेस्लोनिकि 2

Share

हासु बुङ नेलाइहेङ प्रभु येसु लोका बिसोइता माझुकिपाको। हाइपालिपानु जेलाउ थेकापा प्रभु येसु माल्वाङ एन्सालाउ इसिका सोमोइ ल्वाङ जेलाउ हेन्जाङ द्‍याङगेलाइ परमेस्वरको बिरोधता हानावा। कालाउ इङको दुस्ट द्‍याङ तिनाङ जाइहेङ परमेस्वर नरकता मानासापा धाउ इङको दिना माल्वाङ।

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

वा दोङ परमेस्वरको बिरोध पाखे, कालाउ द्‍याङगेलाइ पुजिका गोताङ आनेमानेगेलाइको बिरोध पाखे, कालाउ इङको खान्तेङ ताइमिहेङ बारका सम्झिखे, इता थेकापा कि ताइमिहेङ परमेस्वर दोङ हिघा दोअ्तेङ झाराङहेङ दोअ्खे, कालाउ इङको दुस्ट द्‍याङ परमेस्वरको मुन्दिरता हिखे।

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि। केलाइ या बुङ प्रार्थाना पाङ, कि इम्बालाइ नेलाइको हृदयहेङ सान्तावाना प्याको, कालाउ गोताङ रेम्का काम कालाउ बचनता नेलाइहेङ बल्लियाका बानाइयाको।

ओदोङ भाअ्सिङ इम्बालाइहेङ धाताइका काथा धुइका दुस्ट द्‍याङ खाङधुरि पाको दोअ्तेङ परमेस्वर दोङ इम्बालाइहेङ झुकिपाका बार्का सरबुङहेङ पिगिल्लाङ।

इङको दुस्ट द्‍याङ साइतानको सरबुङ दोफा ल्वाङ, कालाउ वा गोताङ खाल्को धाताइका चिन्हा, चामात्कार कालाउ भारभुसाइका कामगेलाइ पावा, कालाउ इदोइ गोताङ कामगेलाइ परमेस्वर पातेङ हि दोअ्तेङ द्‍याङगेलाइ सोचियावा। कालाउ बिनासको दामाता तेअ्कालाइहेङ आनाइ बानाइलि वा गोताङ खाल्को दुस्ट कालाउ मारेम्का कामगेलाइ प्रयोग पावा, हाइपालिपानु इम्बालाइ सत्येहेङ खाङधुरि पालि इन्कार पाखे जेदोङहोइ इम्बालाइहेङ बान्चि पावा।

हाइपालिपानु इङको दुस्ट द्‍याङको सरबुङ सुमिङता सिकापा काम पातेङ हि, कालाउ इन्ता एमि हि जाइ इङको दुस्ट द्‍याङको सरबुङहेङ रोकितेङ ताअ्का हि। कालाउ जेलाउ थेकापा इङको दुस्ट द्‍याङहेङ दामासो मालाअ्पावा एन्सालाउ थेकापा वा रोकितेङ ह्यावा।