2 युहान्ना 1
1
1का युहान्ना मन्डलिको आगुवा इदोइ पात्तारा परमेस्वरको छाल्का बेबालहेङ कालाउ वाको जामालाइहेङ लेखेदोङखा। जाइहेङ का जातिङको प्रेम पाखा कालाउ का खिनिङ माको, कालाउ सत्येहेङ नाल्का झाराङ दोङ प्रेम पाखे। 2का नेलाइहेङ मायारु पाङका, हाइपालिपानु सत्ये सिक्स्या केलाइको ह्रदयता हिखे कालाउ जेलाउ बुङ केलाइ दोफा ह्याङ।
3आबा परमेस्वर कालाउ वाको चान येसु ख्रिस्टको आनुग्रह, क्रिपा कालाउ सान्ति केलाइ झाराङ दोफा ह्याको, जाइ सत्येहेङ केम्खे कालाउ ता-ताइमिता प्रेम पाखे।
सत्ये कालाउ प्रेम
4का हेन्जा खुसि जेङघा जेलाउ का हिङघा कि नेलाइको आधिमि जामाललाइ आग्या आन्सार सत्येता हितेङ हि, जेदोङ केलाइको आबा परमेस्वर केलाइहेङ दोअ्का हिघाहि। 5एला ओइ बेबाल, का नासेहेङ आनुरोध पाखा कि केलाइ एमिसो-भेनेङहेङ प्रेम पालि गोइखे। इदोइ हिदोइ बुङ नावा आग्या माको कालाउ ओदोङ आग्या दोङ जेदोङ केलाइ ख्रिस्टहेङ पिताइका सोमोइसोङ गिनाखे। 6सत्ये प्रेम दोअ्का केलाइ परमेस्वरको आग्या केम्लि दोङ हि, नेलाइ दोङ ख्रिस्टहेङ पिताइका सोमोइसोङ नेलाइ हिङका हिसुना, कि परमेस्वर आग्या पिका हि कि नेलाइ एमिसो-भेनेङहेङ जेलाउ बुङ प्रेम पालि गोइखे।
7का या दोअ्खा हाइपालिपानु, धाताइका सिक्स्या पाहा बोमिहेङ धोका पिका हेन्जाङ द्याङगेलाइ इदोइ सुमिङता लोका हि। इम्बालाइ येसु ख्रिस्टहेङ इदोइ सुमिङता द्याङको रुपता लोका हि दोअ्तेङ सुइकार मापाखे। जेसापा हिदोइ बुङ द्याङ एसा दोअ्खे, उङको द्याङ ख्रिस्ट बिरोधि दोङ हि, जाइ जेलाउ बुङ द्याङगेलाइहेङ धोका पिखे। 8ओदोङ भाअ्सिङ चङख हिसु, कि इसिका द्याङगेलाइ नेलाइहेङ धोका माप्याको, कालाउकि परमेस्वरको सेवा पाका नाङको कोसिस व्यर्थ माजेनाको। कालाउ परमेस्वर नाङको पाका सेवाको भाअ्सिङ नासेहेङ पुराङ इनाम प्याङ।
9जेसापा हिदोइ बुङ द्याङ ख्रिस्टको सिक्स्याहेङ लागातार आनुसरन मापाखे, कालाउ इङको सिमासो बाहार हानिका द्याङ परमेस्वर दोफा वाको सामान्दा माहिखे, कालाउ ख्रिस्टको सिक्स्याहेङ लागातार केम्का द्याङको सामान्दा न्हेमि दोङ आबा परमेस्वर कालाउ वाको चान येसु ख्रिस्ट दोफा हिखे। 10जेसापा उङको द्याङ इङको सिक्स्याहेङ माधिरपाखे पानु उङकोहेङ नाङको साअ्ता स्वागत मापा। कालाउ वासेहेङ मासेउपा बुङ। 11हाइपालिपानु वासेहेङ सेउपाका ते वाको दुस्ट कामगेलाइता सहभागि जेङखे।
12का नासेहेङ दोअ्लि गोइका हेन्जाङ काथा हि, कालाउ का या काथाहेङ इदोइ पात्ताराता लेखेलि माभोखा कालाउ केलाइको आनान्द पुरा जेनाको दोअ्तेङ का नेलाइकोताङ लोतेङ सोझाङ दोफा-दोफाङ काथा पालि आस पाखा।
13परमेस्वर पाहासो साल्न्हाका नाङको बेजान ओनेको जामाललाइ बुङ नासेहेङ सेउपाखा पिगिल्खे।
Currently Selected:
2 युहान्ना 1: DHINT
Highlight
Copy
Compare
Share
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
