Zakharia Uram 4

Zakharia biryi liki amubaryi dinyi eibmou kunumna ara uk buk ana deirina asi co zaitun bitinyi kiknibmou asi eibmou uram deyok

4:1-14

1Zakharia biryi kunumna liki amubaryi dinyi eibmouci, nukmou ara ato eboka nukmou, “Ura, tubto ni ab tonkwa uram sisikmanumunyi, Er Imtamnyi uram eryuryangananyi si Malaikat Tuhan ni dam tamuryanmar. Ni dam yanmar ura, erci nisi wi mabmangnyi nang asi kamuraming to kuboka kamubdeibmanir. 2Kamubdeibnir ura, nisi ato ebmanir, ‘Kanda unatoa eibmarim do?’ eboka asibdenir. Uca, niryi ato ebne, ‘Niryi dinman uca, uk ubna dinibdongoboka deirina susa asi tabaryi deibmang asi eibman. Ba, a uk ubna tabaryi sibarya dam yuk-yuk ara me dingdongona durubna deibdongobmang asi eibman. 3Ba, co zaitun bitinyi ara a uk ubna dina-dina tikmaring. Ton co ara siriktam kuboka ba, ton dinyi ara kwanimtam kuboka tikmaring asi asing eibman,’ ebman. 4Ato ebnaryok, niryi uram tubto dobdobne ura, ni ab tonkwa uram sisingmanim uram eryuryangananyi bisi ato ebman, ‘Nai a, a nirya kunubdeibmarim ara unatoa ati lak kibdeibmarim do?’ eboka asibdenman. 5Uca, ni ab tonkwa uram sisingmanim Malaikat biryi tamuboka nisi ato eboka asibdenmanir. ‘Kanda a kunubdeibmar dinyi nirya ara, “Ato ati kunubdeibmar,” kum tenebmarim darib?’ eboka sibdenmanir. Uca, niryi ato ebne, ‘Yo, Nai ni kum bikman,’ ebne. 6Ura, erci uram dobdaki nisi ato ebkarebmanir. Ara, Er Iya Erebdobnyi, imtam yin doun nang sienyi biryi Zerubabel biti uram ato ebdeibmar, ‘Zerubabel, kan wa ibkwandim nirya teleb kuboka ibkwandim ara, kan yin doun nang mikib aryi kuma. Ani, kan ninyi mikib aryi kuma. Eda, Ni Imtamnyi Kanya Roh mikib aryi teleb kuboka ibkwandim. 7Zerubabel, kan mambul dinyi dobkwandim ara ereboka burande mutuk kon ato kuboka mambul dobkwandim. Bok, Niryi kansi milibkinyi ura, a mambul dobkwandim dinyi ara bakan mutuk burande to kubdeibkwankin. Ba, Zerubabel kanci Imtamnyi ai don keil yuma nunung dein keil dortaleminyi ura, ninyi nirya aryi, “Yo, a keil ara keil teleb, ara Er Imtamnyi biryi kisal dangna keil teleb,” eboka uram enmangnyi bok, yum nunung dein keil dobtaleboka deibdongobkwandim,’ ebdeibmar,” ebmou.

8“Ura, Er Iya Erebdobnyi biryi nisi uram ara ato kuboka ebdeibmar, 9‘Zerubabel er taruk aryi Bait Allah ai yuma nunung dein keil deibdongobmar. Ani, er taruk kobdob aryok akai sirya dobdongobkwande. Ba, sunci asing eibmunyi ura, niti, “Zakharia bira diba ati, Er Iya Erebdobnyi, imtam yin doun nang sienyi biryi bokeibmounyi kurur,” teneboka bikwanurum. 10Er Imtamnyi biti dama deirin ai ara weik dorlulumna kum deyok aryi, akatei nang sun kanya tuluranci asi Zerubabel biryi daktelebdiryi, akai ola dobokninbaci asi eibingnyi ura, sun kanya kilkil kubkwande.

A uk ubna tabaryi ara Er Iya Erebdobnyi asing aryi im dangna mutuk tukwe dangna mutuk dirnilirur dinyi ati kiklibdeibmar asi eibmarim,’ eboka lak ebmanir. #Why. 5: 6 11Ura, niryi ersi ato eboka asibdenman, ‘A bitinyi co zaitun ara ton dinyi ara siriktam tikwe ba, ton dinyi ara kwanimtam tikwe ara unatoa ati kikliboka tikdei do?’ eboka asibdenman. 12Ato eboka asibdenman cok, niryi ersi tubto liki bitinyi dinyi asibdenman. Ara, ‘Me zaitun du yung dingdongona durumna dam tikdei co zaitun bitinyi ara unatoa ati kiklibdeibmarim do?’ eboka asibdenman. 13Uca, erci nisi ato eboka uram dekeibmanir, ‘A kunumna eibmarim dinyi nirya ara, “Ato ati lak kibdeibmar,” kum tenebmarim darib?’ eboka asibdenmanir. Ba, niryi ersi ato ebman, ‘Yo, nai ni kum bikman,’ ebman. 14Ura, erci ato ebmar, ‘A bitinyi co zaitun ara Er Imtamnyi biryi tikeiboka kisal dakwe nang asi Er im dangna tukwe dangna nang molonanyi dam tikmaring asi eibmarim,’ ebmanir,” eboka nukmou.

Currently Selected:

Zakharia Uram 4: MTG

Highlight

Copy

Compare