Popular Bible Verses from Zakharia Uram 4

Share

Ura, erci uram dobdaki nisi ato ebkarebmanir. Ara, Er Iya Erebdobnyi, imtam yin doun nang sienyi biryi Zerubabel biti uram ato ebdeibmar, ‘Zerubabel, kan wa ibkwandim nirya teleb kuboka ibkwandim ara, kan yin doun nang mikib aryi kuma. Ani, kan ninyi mikib aryi kuma. Eda, Ni Imtamnyi Kanya Roh mikib aryi teleb kuboka ibkwandim.

Er Imtamnyi biti dama deirin ai ara weik dorlulumna kum deyok aryi, akatei nang sun kanya tuluranci asi Zerubabel biryi daktelebdiryi, akai ola dobokninbaci asi eibingnyi ura, sun kanya kilkil kubkwande. A uk ubna tabaryi ara Er Iya Erebdobnyi asing aryi im dangna mutuk tukwe dangna mutuk dirnilirur dinyi ati kiklibdeibmar asi eibmarim,’ eboka lak ebmanir.

‘Zerubabel er taruk aryi Bait Allah ai yuma nunung dein keil deibdongobmar. Ani, er taruk kobdob aryok akai sirya dobdongobkwande. Ba, sunci asing eibmunyi ura, niti, “Zakharia bira diba ati, Er Iya Erebdobnyi, imtam yin doun nang sienyi biryi bokeibmounyi kurur,” teneboka bikwanurum.