Nehemia Uram 7

Sun Yahudi nang aryi, “Nun ordana nang aryi Yerusalem atei wekoka daksinibingnyei,” tenen diboka kalikmai uram deyok

7:1-3

1Yerusalem atei lika sirya dakdongobmoubwe ura, atei wengban bisik bublan ara ni Nehemia ab, ni wa irmilin nang ab aryi nirya dobdongobmoubwe. Ura, nunci atei wengban bisik bublan dam iya kalingkwamnyi nang wiboka tikeibmoubwe. Tonda, a talak ababyi nunci Er Imtamnyi ai mot semna nang ab, Lewi yala nang Er Imtamnyi ai dam keta wa inkwamnyi nang ab wiboka tikeibmoubwe. 2Ba, niryi, “Yerusalem atei kalingna deyok nang tikeibkwan,” tenen ni weit Hanani ab, yuknyi si Hananya ab tikeibmase. Anyi Hananya bira atei wengyangan bisik bublan dam kalingna ai erebdob ai deyoknyi kuramwe, erda teleb kanya boramunyi kuramwe ba, yuk nang aryi ersi kanya deiriramnyi. Tonda, anyi bira ilil kanya boboka Er Imtamnyi uram diboka kekeramunyi kuramwe. 3Ura, ni Nehemia biryi a kalingna deyok nang bitinyi asi ato ebmase, “Yerusalem atei wengyangan bisik kalikde binkwanduma nirya ara belukuna bukoka bublan ola kungna mem! Eda, ukublobmamunyi ani, kiting anaboka mutuk nirya deibdiryi tin bubci ura, bublan kukwandarur. Ba, sintam atei wengyangan bisik bublan tirikdongonkwanduma ara ato kubkwandarur: Atei wengyangan bisik bublan kalingna nang ara tuba kalikmangnyi bok, bublan tirikoka darabdongobkwandarur. Bublan tiringdongon co lase tirikna iknimanya demdongorabingnyi ura, ton nang ara atei dam tuba-tuba kalikwandarur,” ato eboka arukmase. Tonda, niryi Hanani ab, Hananya ab asi ato eboka arukmase, “Sunci Yerusalem atei nang ton nang asi wibdumunyi ba, a nang ara Yerusalem atei lika sun atei dam wengyangan bisik bublan dam yuk-yuk kalikwanung. Ba, ton nang ara atei lika yuk tam-yuk tam kalingkwanung,” eboka arukmase.

Sun Yahudi nang asi boboka Babel mutuk dam tanglorbinamnyi nang asi aminda tamuryanmai nang sun si kerek sengna uram deyok

7:4-73

4Ura, Yerusalem atei tamuboka doramoubwe ara atei dobmanto tukwe ara temda weik asi doramoubwe bok, ninyi a kuramoubwe nang ara mitikanun kuramoubwe. Ba, ai ababyi weik dona kum kuramnyi. 5Ura, Er Imtamnyi biryi ni kanya dam asi, “Ato-ato kubdum,” eboka eterebmanou ba, niryi sun Yahudi nang sien nang ab, atei kalingna nang ab, Yahudi nang yuk nang ab bulubdeibmase. Ara, “Ninyi si yuk-yuk sekoka yala si yuk-yuk sekwayeb,” tenen niryi sun Babel mutuk aryi anaboka tamuryanmai nang nirya bulubdeibmase. Ura, minob yuma kobdob Babel mutuk aryi anaboka Yerusalem atei tamuryanamnyi nang sun si kerek sekoka deiamnya ingkirikoka dobmase.

A kerek sengna minob kerek sekamnyi dinyi umbura dam kuamwe nang sun si yuk-yuk ara ato eboka kerek sekamnyi: 6A kerek sengna umbura sekwamab nang sun si ara Babel mutuk aryi anaboka tamuryanamnyi nang kerek sekwamab. A nang sun abwe yabwe ara weik atei si Yehuda mutuk kuramnyi asi, Babel mutuk weik sienyi si Nebukadnezar biryi yandoka sunsi Babel mutuk boboka tanglorbinamwe. Ba, a nang sun deibdoba nang asi anaboka Yehuda mutuk tamuryandoka sun abwe yabwe minob kuramnyi atei yuk-yuk yandobmai. Ura, ton nang ara Yerusalem atei tamuryanmai ba, yuk nang ara Yehuda mutuk atei yuk-yuk tamuryanmai. 7Ura, sun Israel nang asi, “Yehuda mutuk tamurbinkwayeb,” eboka bomenengyanmai nang sun si ara Zerubabel ab, Yesua ab, Nehemia ab, Azarya ab, Raamya ab, Nahamani ab, Mordekhai ab, Bilsan ab, Misperet ab, Bigwai ab, Nehum ab, Baana ab kuramnyi.

Ba, Israel nang tamuryanmai nang sun si ara: 8Ninyi si Paros biryi deibdoba nang ara 2.172 baryi nang tamuryanmai. 9Ba, ninyi si Sefaca biryi deibdoba nang ara 372 baryi nang tamuryanmai. 10Ba, ninyi si Arakh biryi deibdoba nang ara 652 baryi nang tamuryanmai. 11Ba, ninyi si Pahat-Moab biryi deibdoba nang ara 2.818 baryi nang tamuryanmai. A nang ara Pahat-Moab er mabwe Yesua ab, Yoab ab sun deibdoba nang kuramnyi. 12Ba, ninyi si Elam biryi deibdoba nang ara 1.254 baryi nang tamuryanmai. 13Ba, ninyi si Zatu biryi deibdoba nang ara 845 baryi nang tamuryanmai. 14Ba, ninyi si Zakai biryi deibdoba nang ara 760 baryi nang tamuryanmai. 15Ba, ninyi si Binui biryi deibdoba nang ara 648 baryi nang tamuryanmai. 16Ba, ninyi si Bebai biryi deibdoba nang ara 628 baryi nang tamuryanmai. 17Ba, ninyi si Azgad biryi deibdoba nang ara 2.322 baryi nang tamuryanmai. 18Ba, ninyi si Adonikam biryi deibdoba nang ara 667 baryi nang tamuryanmai. 19Ba, ninyi si Bigwai biryi deibdoba nang ara 2.067 baryi nang tamuryanmai. 20Ba, ninyi si Adin biryi deibdoba nang ara 655 baryi nang tamuryanmai. 21Ba, ninyi si Ater ebok Hizkia kimdaminyi biryi deibdoba nang ara 98 baryi nang tamuryanmai. 22Ba, ninyi si Hasum biryi deibdoba nang ara 328 baryi nang tamuryanmai. 23Ba, ninyi si Bezai biryi deibdoba nang ara 324 baryi nang tamuryanmai. 24Ba, ninyi si Harif biryi deibdoba nang ara 112 baryi nang tamuryanmai. 25Ba, ninyi si Gibeon biryi deibdoba nang ara 95 baryi nang tamuryanmai. 26Ba, sun abwe yabwe kuramnyi atei si Betlehem ab atei si Netofa nang ab tamuryanmai nang ara ninyi 188 baryi nang tamuryanmai. 27Ba, sun abwe yabwe kuramnyi atei si Anatot tamuryanmai nang ara ninyi 128 baryi nang tamuryanmai. 28Ba, sun abwe yabwe kuramnyi atei si Bet-Azmawet tamuryanmai nang ara ninyi 42 baryi nang tamuryanmai. 29Ba, sun abwe yabwe kuramnyi atei si Kiryat-Yearim tamuryanmai nang ab atei si Kefira tamuryanmai nang ab atei si Beerot tamuryanmai nang ab ara ninyi 743 baryi nang tamuryanmai. 30Ba, sun abwe yabwe kuramnyi atei si Rama tamuryanmai nang ab atei si Gaba tamuryanmai nang ab ara ninyi 621 baryi nang tamuryanmai. 31Ba, sun abwe yabwe kuramnyi atei si Mikhmas tamuryanmai nang ara ninyi 122 baryi nang tamuryanmai. 32Ba, sun abwe yabwe kuramnyi atei si Betel tamuryanmai nang ab atei si Ai tamuryanmai nang ab ara ninyi 123 baryi nang tamuryanmai. 33Ba, sun abwe yabwe kuramnyi atei si Nebo tamuryanmai nang ara ninyi 52 baryi nang tamuryanmai. 34Ba, yuknyi si Elam biryi deibdoba nang ara 1.254 baryi nang tamuryanmai. 35Ba, ninyi si Harim biryi deibdoba nang ara 320 baryi nang tamuryanmai. 36Ba, sun abwe yabwe kuramnyi atei si Yerikho tamuryanmai nang ara ninyi 345 baryi nang tamuryanmai. 37Ba, sun abwe yabwe kuramnyi atei si Lod tamuryanmai nang ab, atei si Hadid tamuryanmai nang ab atei si Ono tamuryanmai nang ab ara ninyi 721 baryi nang tamuryanmai. 38Ba, ninyi si Senaa biryi deibdoba nang ara 3.930 baryi nang tamuryanmai.

39Ba, a ninyi si kerek sekwamab ara, Er Imtamnyi biti ninyi dama deirin nang si sekwamab. Ara, ninyi si Yedaya deibdobanyi Yesua yaldangna nang ara ninyi 973 baryi nang tamuryanmai. 40Ba, ninyi si Imer biryi deibdoba nang ara 1.052 baryi nang tamuryanmai. 41Ba, ninyi si Pasyhur biryi deibdoba nang ara 1.247 baryi nang tamuryanmai. 42Ba, ninyi si Harim biryi deibdoba nang ara 1.017 baryi nang tamuryanmai.

43Ba, a ninyi si kerek sekwamab ara Lewi yala nang imam nang sun wa irmilin nang si sekwamab. Ara nang ara Lewi yalanyi Hodewa mabwe si Yesua ab, Kadmiel ab aryi deibdoba nang ara 74 baryi nang tamuryanmai.

44Ba, a ninyi si kerek sekwamab ara, Er Imtamnyi ai umbura mot semna nang si sekwamab. A nang ara ninyi si Asaf biryi deibdoba nang ara ninyi 148 baryi nang tamuryanmai.

45Ba, a ninyi si kerek sekwamab ara Er Imtamnyi ai bisik bublan dam kalingna nang si sekwamab. Ara, ninyi si Salum deibdoba nang ab, ninyi si Ater deibdoba nang ab, ninyi si Talmon deibdoba nang ab, ninyi si Akub deibdoba nang ab, ninyi si Hatita deibdoba nang ab, ninyi si Sobai deibdoba nang ab tamuryanmai. A nang deibdoba nirya antaniboka ara ninyi 138 baryi nang tamuryanmai.

46Ba, a ninyi si kerek sekwamab ara Israel yala nang kuma asi kuramiryok, Er Imtamnyi ai dam keta mambul wa irmiliramnyi nang si sekwamab. Ara, ninyi si Ziha biryi deibdoba nang ab, ninyi si Hasufa biryi deibdoba nang ab, ninyi si Tabaot biryi deibdoba nang ab aryi Yerusalem atei tamuryanmai; 47Ninyi si Keros deibdoba nang ab, ninyi si Sia deibdoba nang ab, ninyi si Padon deibdoba nang ab tamuryanmai. 48Ninyi si Lebana deibdoba nang ab, ninyi si Hagaba deibdoba nang ab, ninyi si Salmai deibdoba nang ab tamuryanmai. 49Ninyi si Hanan deibdoba nang ab, ninyi si Gidel deibdoba nang ab, ninyi si Gahar deibdoba nang ab tamuryanmai. 50Ninyi si Reaya deibdoba nang ab ninyi si Rezin deibdoba nang ab, ninyi si Nekoda deibdoba nang ab tamuryanmai. 51Ninyi si Gazam biryi deibdoba nang ab ninyi si Uza deibdoba nang ab, ninyi si Paseah deibdoba nang ab tamuryanmai. 52Ninyi si Besai biryi deibdoba nang ab ninyi si Meunim deibdoba nang ab ninyi si Nefusim deibdoba nang ab tamuryanmai. 53Ninyi si Bakbuk biryi deibdoba nang ab, ninyi si Hakufa deibdoba nang ab ninyi si Harhur deibdoba nang ab tamuryanmai. 54Ninyi si Bazlit biryi deibdoba nang ab, ninyi si Mehida deibdoba nang ab, ninyi si Harsa deibdoba nang ab tamuryanmai. 55Ninyi si Barkos deibdoba nang ab, ninyi si Sisera deibdoba nang ab, ninyi si Temah deibdoba nang ab tamuryanmai. 56Ninyi si Neziah deibdoba nang ab, ninyi si Hatifa deibdoba nang ab kuboka tamuryanmai.

57Ba, a kerek sekwamab nang si ara minob weik sienyi Salomo bisi wa irmiliramnyi nang deibdoba si sekwamab. Ara, ninyi si Sotai ab, Soferet ab, Perida ab sun deibdoba asi Yerusalem atei tamuryanmai. 58Ba, ninyi si Yaala deibdoba nang ab, ninyi si Darkon deibdoba nang ab, ninyi si Gidel deibdoba nang ab tamuryanmai. 59Ninyi si Sefaca deibdoba nang ab, ninyi si Hatil deibdoba nang ab, ninyi si Pokheret-Hazebaim deibdoba nang ab, ninyi si Amon deibdoba nang ab tamuryanmai. 60Sun Israel yala nang kuma kuramiryok, Er Imtamnyi ai dam keta mambul wa irmiliramnyi nang aryi deibdoba nang tamuryanmai. Tonda, weik sienyi Salomo bisi wa irmiliramnyi nang aryi deibdoba nang ababyi tamuryanmai. A tamuryanmai nang nirya ara ninyi 392 baryi nang tamuryanmai.

61Ba, a kerek sekwamab nang si ara Babel mutuk atei si Tel-Melah aryi kuboka tamuryanmai. Tonda, atei si Tel-Harsa ab, atei si Kerub ab, atei si Adon ab, atei si Imer ab aryi kuboka tamuryanmai nang si kerek sekwamab. Bok, akatei nang deirina deyok ara lak kum bingdamnyi deyok aryi sun Israel nang yoka ara kankana kuramwe. 62Ara, ninyi si Delaya deibdoba nang ab, ninyi si Tobia deibdoba nang ab, ninyi si Nekoda deibdoba nang ab ara ninyi 642 baryi nang yanmai. 63Ba, Er Imtamnyi biti ninyi dama deirin nang tamuryanmai nang kankan ara ninyi si Habaya deibdoba nang ab, ninyi si Hakos deibdoba nang ab, ninyi si Barzilai biryi deibdoba nang ab tamuryanmai. Barzilai bira minob ura yuk si doamnyi bok, erci Gilead ateinyi si Barzilai er nebnyi dobmou ba, yuk nang aryi erbabyi, “Barzilai,” eboka namnamnyi. 64A nang deibdoba nang aryi, “Nunbabyi Harun biryi deibdoba nang kunub ati, Er Imtamnyi bisi dama deirin nang ur kibkwayeb,” teneramiryi, sunci Harun yala deyok kerek sengna diblilibdenmai bok, sun deiamnyi deyok ara lak kum kuramwe. A deyok aryi sun Israel nang yoka aryi sunsi, “Sunda Harun yala kum nang ato kurandum ati, Er Imtamnyi dama deirina mem,” eramnyi. 65Ba, sun deyok ara Yehuda mutuk sienyi biryi uram sirya sekwetebmou ara ato ebmou, “A nang Er Imtamnyi biti dama deirin nang imam nang ara, ‘Er Imtamnyi bisi dama deibkwayeb,’ tenen bisam domba kum, bisam sapi kum sekdoba dinatam ara Er Imtamnyi bisi dama deiriramingiryi, ton sekdoba ara ur yinung. Bok, ‘Sunda Harun yala nang diboka kurandum do kum do?’ tenen kankana kusurur ati, sunci Er Imtamnyi dama sekdoba dobde yina mem. Ani, Er Imtamnyi kan ninyi kan kuboka ninyi dama deirinanyi biryi yandoka yin yamin deirin dinyi si Urim ab Tumim ab doubtaleboka Er Imtamnyi bisi asibdeci uca, Er Imtamnyi biryi lulungna biriman aryi, ‘Dib, a nang ara Harun yala nang diboka kunung,’ ebci ura, sunci a bisam sekdoba asi ur dobde yina teleb. Ba, Er Imtamnyi biryi, ‘Kum,’ ebci ura, sunci a bisam sekdoba asi aminda ababyi dobde yina mem,” ebmou.

66-67Israel nang yoka tamuboka Yehuda mutuk yanmai nang nirya antaniboka ara ninyi 42.360 baryi nang tamuryanmai. Ba, tabangyanmai nang ara mambul wa in nang ab, mambul wa in nerabwe ab ara 7.337 baryi nang tabangyanmai. Ba, sun mot semna nang ab, mot semna nerabwe ab ara ninyi 245 baryi tonkwa tamuryanmai. 68Ba, sun ninyi bon bisam kuda ara 736 baryi bisam boyanmai. Ba, bisam bagal ara 245 baryi bisam boyanmai. 69Ba, bisam si unta ara 435 baryi bisam boyanmai. Tonda, bisam si keledai ara 6.720 baryi bisam boyanmai.

70Babel mutuk aryi tamuboka Yerusalem atei sirya yanmai ura, a tamuboka yanmai nang yala yuk-yuk sun sien nang ninyi mikbaryi nang ara, “Er Imtamnyi ai tamuboka dobkwayeb ati dengna weik dinyi karebkwayeb,” tenen sun dam kubmou dinyi bulubdeiboka karebmai. Ba, weik atei sien nang sunbabyi dengna weik dinyi keil si emas ara 1.000 baryi karebmai. Tonda, me kwebde dingna si loyang ara 50 baryi karebmai. Tonda, Er Imtamnyi bisi dama deirin nang ongonkwamnyi aling ara 530 baryi karebmai. 71Ba, sun Israel yala yuk-yuk sien nang kankan ninyi mikbaryi nang ara dengna weik keil du si emas ara 20.000 baryi karebmai. Tonda, dengna weik keil du si perak ara 2.200 baryi karebmai. Ara, “Er Imtamnyi ai tamuboka dobkwaming ati dengna weik dinyi karebkwayeb,” tenen sunci a dinyi nirya deiboka karebmai. 72Ba, ton yuk nang aryi sun taruk dam kubmou dinyi bulubdeibmai ara: keil emas ara 2.000 baryi bulubdeibmai. Ba, perak ara 2.000 baryi bulubdeibmai ba, Er Imtamnyi bisi dama deirin wa in nang ongobkwamnyi aling ara 67 baryi bulubdeibmai.

73Ura, Er Imtamnyi biti ninyi dama deirin nang ab, Lewi yala nang ab, Er Imtamnyi ai bisik bublan dam kalingna nang ab, Er Imtamnyi ai mot semna nang ab, Er Imtamnyi ai dam keta mambul wa in nang ab, yuk Israel nang ab tonkwa antaniboka kubdobmaici, sun atei yuk-yuk kubdobmai.

Currently Selected:

Nehemia Uram 7: MTG

Highlight

Copy

Compare