Nehemia Uram 11

Yerusalem atei kuramnyi nang ab, Yehuda mutuk yuk atei yuk atei kuramnyi nang ab sun si kerek sekmai uram deyok

11:1-36

1Ura, sun Israel nang ninyi bobde menengna nang ara Yerusalem atei kubkalibmaici, akatei dam asi iya kuramnyi. Bok, sun tamuryanmai nang ur nang sun ai ninyi asi nirya bokoka toubnibaryi deici nang ara sun atei yuk-yuk kubde binmai ura, tentok deici nang asi Yerusalem atei kubmai. A ukubkwamai ati wibmai ara keil ila deici sun si sekdongoboka im sukmai uca, er si sekmantam erebnanyi bisi Yerusalem atei Er Iya Erebdobnyi biryi wibmou atei kubdobmou. 2Tonda, sun Israel nang kankan aryi ton yuk nang ababyi sun kanya aryok, “Nunbabyi Yerusalem atei kubdobtibyi,” tenen Yerusalem atei yandoka kubdobmai. Ura, sun Israel nang yuk nang aryi a nang asi kisal dakmai.

3A si sekwamab nang si ara weik atei Yehuda mutuk sien nang asi Yerusalem atei yandoka iya kubdobmai nang si sekmab. Ba, sun Israel nang yuk nang kankan aryi ton nang ara Yerusalem atei kuramnyi bok, yuk nang ara Yehuda mutuk dam yuk atei-yuk atei kuramnyi. Tonda, ninyi dama deirin nang ab, Lewi yala nang yuk nang ababyi neiktoto bokoka kuramnyi. Ton nang ara Yerusalem atei kuramnyi, ba yuk nang ara Yehuda mutuk yuk atei-yuk atei kuramnyi. Tonda, Er Imtamnyi ai dam mambul wa irmiliramnyi nang ab, minob Salomo weik sienyi er wa irmiliramnyi nang sun deibdoba nang ababyi neiktoto bokoka kuramnyi. Ton nang ara Yerusalem atei kuramnyi ba, yuk nang ara sun atei tukwe dam atei doboka kuramnyi.

4Yerusalem atei dam ara Yehuda yala nang deibdoba ab Benyamin yala nang deibdoba ab asi kubmai. Yehuda deibdoba nang kankan aryi ninyi si Ataya bira Yerusalem atei kubdobmou. Ataya bira Yehuda mi Peres deibdobanyi kuramwe. Peres biryi Mahalaleel deiamwe. Mahalaleel biryi Sefaca deiamwe. Sefaca biryi Amarya deiamwe. Amarya biryi Zakharia deiamwe. Zakharia biryi Uzia deiamwe. Uzia biryi Ataya deiamwe. Ura, anyi Ataya bira Yerusalem atei iya kubdobmou. 5Tonda, Yehuda mi Peres deibdobanyi si Maaseya bira Yerusalem atei kubdobmou. Peres mi Syela bira Zakharia deiamwe. Zakharia bira Yoyarib deiamwe. Yoyarib biryi Adaya deiamwe. Adaya biryi Hazaya deiamwe. Hazaya biryi Kolhoze deiamwe. Kolhoze biryi Barukh deiamwe. Barukh biryi Maaseiah deiamwe. Ura, anyi Maaseya bira Yerusalem atei kubdobmou. 6Sun Peres yaldangna deibdandanya nang asi Yerusalem atei kubdobmai nang nirya nukoka ara ninyi yubwa ara 468 baryi nang aryi Yerusalem atei kubdobmai. A nang nirya ara ting eboka nebmai nang akwe kuramnyi.

7Ba, Benyamin deibdoba nang kankan aryi ninyi si Salu Yerusalem atei kubdobmou. Benyamin deibdobanyi si Yesaya biryi Itiel deiamwe. Itiel biryi Maaseya deiamwe. Maaseya biryi Kolaya deiamwe. Kolaya biryi Pedaya deiamwe. Pedaya biryi Yoed deiamwe. Yoed biryi Mesulam deiamwe. Mesulam biryi Salu deiamwe. Anyi Salu bira Yerusalem atei kubdobmou. 8Ba, Salu sun neik yala nang si ara Gabai ab, Salai ab Yerusalem atei kubdobmarei. A nang nirya ara Benyamin deibdoba nang nukoka ara ninyi 928 baryi nang Yerusalem atei kubdobmai. 9A nang sun kalingnamunyi si ara Zikhri mi Yoel biryi kalingdamwe. Ba, Yehuda mi si Hasenua bira weik atei Yerusalem kuramnyi nang dinatam nang taleamwe.

10Ba, ninyi dama deirin nang kankan aryi Yerusalem kubdobmai nang si ara Yoyarib mi si Yedaya ab, Yakhin ab kubdobmarei. 11Tonda, ninyi dama deirinanyi si Seraya biryi Yerusalem atei kubdobmou. Seraya bira Ahitub deibdobanyi kuramwe. Minob ura Ahitub bira Er Imtamnyi ai wa ina kalingnamunyi kuramwe. Ahitub biryi Merayot deiamwe. Merayot biryi Zadok deiamwe. Zadok biryi Mesulam deiamwe. Mesulam biryi Hilkia deiamwe. Hilkia biryi Seraya deiamwe. Anyi Seraya bira Yerusalem atei kubdobmou. 12Ba, a nang sun du weit yabwe ara Er Imtamnyi ai wa in nang kuramiryi, sunbabyi Yerusalem atei kubdobmai. A nang nirya nukoka ara ninyi yubwa 822 baryi nang ababyi Yerusalem atei kubdobmai. Ura, tonda ninyi dama deirinanyi si Adaya bibabyi Yerusalem atei kubdobmou. Anyi bira Malkia deibdobanyi kuramwe. Malkia biryi Pasyhur deiamwe. Pasyhur biryi Zakharia deiamwe. Zakharia biryi Amzi deiamwe. Amzi biryi Pelalya deiamwe. Pelalya biryi Yeroham deiamwe. Yeroham biryi Adaya deiamwe. Anyi Adaya bira Yerusalem atei kubdobmou. 13Ba, Adaya er du weit yabwe ababyi Yerusalem atei kubdobmai. A nang nirya ara ninyi ai yuk-yuk kisok nang kuramnyi. A nang nirya nukoka ara ninyi 242 baryi nang kubmai. Ura, tonda ninyi dama deirinanyi si Amasai bibabyi Yerusalem atei kubdobmou. Amasai bira Imer deibdobanyi kuramwe. Imer biryi Mesilemot deiamwe. Mesilemot biryi Ahzai deiamwe. Ahzai biryi Azareel deiamwe. Asareel biryi Amasai deiamwe. Anyi Amasai bira Yerusalem atei kubdobmou. 14Ba, Amasai er du weit yabwe nang ababyi Yerusalem atei kubdobmai. A nang nirya nukoka ara ninyi 128 baryi Yerusalem atei kubdobmai. A nang nirya ara ting eboka nebmai nang akwe kuramnyi. Ba, a nang sun kalingnamunyi si ara Gedolim mi si Zabdiel kuramwe.

15Ba, Lewi yala nang kankan aryi ton nang ara Yerusalem atei kubdobmai. Lewi yalanyi si Semaya bira Yerusalem atei kubdobmou. Anyi Semaya bira Buni deibdobanyi kuramwe. Buni bira Hasabya deiamwe. Hasabya bira Azrikam deiamwe. Azrikam bira Hasub deiamwe. Hasub biryi Semaya deiamwe. Anyi Semaya bira Yerusalem atei kubdobmou. 16Ura, tonda Lewi yala nang Sabetai ab, Yozabad ab ara Yerusalem atei kubdobmarei. A bitinyi nang ara sun Lewi yala nang sien nang kurandei. A nang sun wa ara Er Imtamnyi ai dam kuboka baitam wa iramnyi nang asi kalingnandei. 17Tonda, Lewi yalanyi si Matanya bibabyi Yerusalem atei kubdobmou. Anyi bira Asaf deibdobanyi kuramwe. Minob ura, Asaf bira sun Er Imtamnyi bisi moloboka Er si weik eboka mot semna nang kalingnamwe. Asaf biryi Zabdi deiamwe. Zabdi biryi Mikha deiamwe. Mikha biryi Matanya deiamwe. Ura, anyi Matanya bira Yerusalem atei kubdobmou. Ura, tonda Lewi yalanyi si Bakbukya bibabyi Yerusalem atei kubdobmou. Bakbukya bibabyi sienyi kuramwe bok, erda Matanya yan dam bunanyi kuramwe. Tonda, Lewi yalanyi si Abda bibabyi Yerusalem atei kubdobmou. Anyi Abda bira Yedutun deibdobanyi kuramwe. Yedutun biryi Galal deiamwe. Galal biryi Samua deiamwe. Samua biryi Abda deiamwe. Anyi Abda bibabyi Yerusalem atei kubdobmou. 18Ura, sun Lewi yala nang kankan aryi Yerusalem atei Er Imtamnyi bun sokon burur atei kubdobmai nang nirya nukoka ara ninyi yubwa 284 baryi nang kubdobmai.

19Ba, Er Imtamnyi ai bisik bublan dam kalingdamnyi nang ababyi Yerusalem atei kubdobmai. Ara, ninyi si Akub ab, Talmon ab, sun du weit yabwe bisik bublan dam kalingdamnyi nang ab nirya nukoka ara ninyi 127 baryi nang ara Yerusalem atei kubdobmai.

20Ba, sun Israel nang kankan aryi yuk nang ara Yehuda mutuk yuk atei-yuk atei kubdobmai. Tonda, sun ninyi dama deirin nang yuk nang ab, Lewi yala nang yuk nang ababyi Yehuda mutuk atei yuk-yuk kubdobmai. Ara, sun abwe yabwe minob kuramnyi tukwe ab atei ab taleboka kubdobmai. 21Ba, Er Imtamnyi ai dam mambul wa irmilin nang ara mutuk kon si Ofel kubdobmai. A deici nang sun bobde menengna nang si ara Ziha ab, Gispa ab kurandei.

22Ba, Yerusalem atei kuramnyi Lewi yala nang sun kalingdamunyi si ara Uzi biryi kalingdamwe. Uzi bira Asaf deibdobanyi kuramwe. Sun Asaf deibdoba nang ara Er Imtamnyi ai dam kuboka Er Imtamnyi si weik eboka mot semna nang kuramnyi. Asaf biryi Mikha deiamwe. Mikha biryi Matanya deiamwe. Matanya biryi Hasabya deiamwe. Hasabya biryi Bani deiamwe. Bani biryi Uzi deiamwe. Ura, Uzi biryi sun Yerusalem atei kuramnyi Lewi yala nang kalingnamwe. 23Sun Er Imtamnyi si weik eboka mot semna nang asi Persia mutuk weik sienyi biryi arungnamwe. Ati, weik sienyi biryi, “Sun uki-uki nirya wa ibkwandum ara ato-ato kuboka tuba-tuba kiknibkwandum,” eboka liliboka arungnamwe. 24Ba, Persia mutuk weik sienyi biryi, “Yahudinyi tentok aryi ni dam kuboka sun Yahudi nang asi kalingkwandur,” tenen Yehuda yalanyi si Petahya tikeibmou. A tikeibmounyi bira Yehuda mi Zerah deibdobanyi si Mesezabeel mi asi tikeibmou.

25Ba, Yehuda yala nang kuramnyi atei ara sun taleamnyi mutuk tukwe dam kuramnyi. Yehuda yala nang ton nang ara atei si Kiryat-Arba asi kuramnyi. Tonda, akatei dam mitik-mitik atei ton kuramnyi. Ba, ton nang ara atei si Dibon ab, akatei dam atei mitik-mitik atei ab kuramnyi. Ba, ton nang ara atei si Yekabzeel ab, akatei dam atei mitik-mitik atei ab kuramnyi. 26Ba, ton nang ara atei si Yesua kuramnyi. Ba, ton nang ara atei si Molada kuramnyi. Ba, ton nang ara atei si Bet-Pelet kuramnyi. 27Ba, ton nang ara atei si Hazar-Sual kuramnyi. Ba, ton nang ara atei si Bersyeba ab, mitik-mitik atei dam dodaramnyi atei ab kuramnyi. 28Ba, ton nang ara atei si Ziklag kuramnyi. Ba, ton nang ara atei si Mekhona kuramnyi. Ba, ton nang ara mitik-mitik doramnyi atei kuramnyi. 29Ba, ton nang ara atei si En-Rimon kuramnyi. Ba, ton nang ara atei si Zora kuramnyi. Ba, ton nang ara atei si Yarmut kuramnyi. 30Ba, ton nang ara atei si Zanoah kuramnyi. Ba, ton nang ara atei si Adulam kuramnyi. Tonda, mitik-mitik atei dam dordaramnyi atei ton kuramnyi. Ura, ton nang ara atei si Lakhis kuramnyi. Tonda, akatei dam kuboka gandum wa in tukwe ton ai doboka kuramnyi. Ton nang ara atei si Azeka ab, akatei dam kuboka mitik-mitik dordaramnyi atei ton kuramnyi. Ato kuboka sun Yehuda yala nang ara me youkwetam wiliba atei si Bersyeba aryi kuboka Yerusalem atei dam kuboka me dala si Hinom mutuk bakan ababyi nirya kurbinmai.

31Ba, sun Benyamin yala nang ara atei si Geba ab, Mikhmas ab, Aya ab, Betel ab, mitik-mitik doramnyi atei ab kubdobmai. 32Ba, ton nang ara Anatot atei ab, Nob atei ab, Ananya atei ab kuramnyi. 33Ba, ton nang ara Hazor atei ab, Rama atei ab, Gitaim atei ab kuramnyi. 34Ba, ton nang ara Hadid atei ab, Zeboim atei ab, Nebalat atei ab kuramnyi. 35Ba, ton nang ara Lod atei ab, Ono atei ab, me dala si Teleb Dinyi Yuk-yuk Kiknin Nang me dala ai doboka kubdoro yibinmai. 36Ba, Lewi yala nang deici mikbaryi nang sun atei ara Yehuda mutuk kuamwe bok, sunci anaboka Benyamin yala nang mutuk bindoka sun Benyamin yala nang ab tonkwa antaniboka kubdobmai.

Currently Selected:

Nehemia Uram 11: MTG

Highlight

Copy

Compare