Imamat Uram 3
3
Imtamnyi biryi, “Lebkwansir,” tenen ati bisam domba oboka dama deiboka uk dan dinyi si Korban Keselamatan uram deyok
3:1-17
1Ura, Er Iya Erebdobnyi bisi Musa bisi ato ebmou, “Sunci, ‘Lebkwansir,’ tenen ati dama deiboka molobkwanumunyi ura, bisam lembu yim kum, ner kum, bol tungdena kum kubmaci bisam asi Ni Iya Erebdobnyi biti boyandoka dama deibkwanindarur. 2Ura, a dama deiboka molobmamunyi bisam lembu kisok deici asi sun taruk deibkwandarur. Ura, Kemah Suci ai bublan dam aryi a bisam asi obkwandarur. Ba, sun Niti dama deirin nang, Harun yala nang aryi, Niti dama deiboka uk dan keil dungna dub asi a bisam ining dikoka kinkanikwanung. 3Ura, ‘Er Iya Erebdobnyi biryi lebkwansir,’ tenen ati dama deibmamunyi bisam mita ab, deisu ai aliran bisam mita ab nirya ara Er Imtamnyi biti dama deibmunci, uk daboka molobde bankwandarur. 4Ani, a bisam sapi er kilirukna dina-dina ab, kilirukna alina ab, boukwe ab nirya ara Er Imtamnyi biti yuk wiboka dordeirinkwandarur. 5Ba, sun Harun deibdoba nang, sun imam nang aryi dama deirin keil lamna dub asi bisam domba oboka nong nirya uk dabmangnya deici asi, a bisam sapi kob ab, kiliruk ab alina ab dankwanung. Ba, Er Iya Erebdobnyi biryi a teleb siltong yubokabdiryi kanya deirinkwande,” ebmou.
6“Sun lemdeirisina ati deibkwamamunyi dama ara bisam domba yim kum, ner kum asi deibkwamamunyi ura, er nong bol tungdena kum kubmaci bisam asi dama deirinkwandarur. 7Sunci bisam domba asi dama deibkwamamunyi ura, Er Iya Erebdobnyi urasin dam asi bobindoka dama deirinkwandarur. 8Ura, a bisam domba kisok deici asi sun taruk deibkwandarur. Sun taruk deibmunyi ura, Kemah Suci ai dam aryi a bisam ya ngang sekwandarur. Ato kuboka sirya kubmunyi ura, sun imam nang aryi a bisam ining doboka dama deirin keil lamna dumbaryi kubkub nirya asi dikde aknankwanung. 9Ba, sun ninyi ab Er Iya Erebdobnyi ab antanirdana ati dama deibkwamamunyi ura, sun imam nang aryi bisam domba mita asi dama deiboka uk dankwanung. Ara, a bisam er amwetam borande mita nirya ab, kum tam borande mita nirya ab, mundu ai borande mita nirya ab asi touboka-touboka dankwanung. Ba, amwetam borande mita sekwamamunyi ura, amwe ai aryi kuboka kum ai sengyangankwandarur. 10Ani, a bisam sapi er kiliruk dina-dina ab, kiliruk alina ab, boukwe ab nirya asi dama deiboka uk dankwanung. 11Ara, sun imam nang aryi anda dinyi nirya dama deirin keil lamna bobindoka, Er Iya Erebdobnyi biti dama deiboka uk dankwanung.
12Ba, sunci bisam kambing asi dama deibkwamamunyi ura, Er Iya Erebdobnyi ai dam asi bobankwandarur. 13Sunci sirya bobimunyi ura, sun taruk a bisam kambing kisok deici deibokabmunci, ya ngang sengkwandarur. Ato sirya kubmunyi ura, sun imam nang aryi dama deirin keil lamna kubkub nirya asi a bisam ining dikoka aknabkwanung. 14Ura, ‘Er Iya Erebdobnyi biryi lebkwansir,’ tenen ati dama deibmamunyi bisam kambing kob ab, deisu alina kob ab nirya ara Er Imtamnyi biti dama deibmunyi ura, uk daboka molonkwandarur. 15Ani, a bisam sapi er kiliruk dina-dina ab, kiliruk alina ab, boukwe ab nirya ara Er Imtamnyi biti yuk wiboka dordeirinkwandarur. 16Ba, a dama nirya ara sun imam nang aryi dama deirin keil lamna dub deirirbingnyi ura, Er Iya Erebdobnyi biti dama deiboka uk dankwaming. Ara, bisam kambing kob nirya ara Ni Iya Erebdobnyi biti dama deibkwanindarur.
17Ara, sun Israel ninyi ab, sun Israel ninyi aryi yaldakde binkwandum ninyi nirya ab aryi iya ato kuboka kunubde binkwandum. Ani, sunci bisam ining ab mita ab ara mitikanun ababyi yina mem. Ani, tonda sun Israel ninyi aryi dantam-dantam kubde binkwandum nirya ara ato kuboka Er Imtamnyi bisi dama deiboka molobde binkwandum.” Ara, Musa biryi sun Israel ninyi nirya asi ato kubde binkwandarur ebmou.
Currently Selected:
Imamat Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
