Yosua Uram 13

Sun Israel nang aminda aryi ninyi oboka arabdobkwamnyi mutuk deyok

13:1-7

1Ura, sienyi Yosua sirya wisi danmou talak aryi Er Iya Erebdobnyi biryi ersi ato ebmou. “Kanci arabkwamoumwe atei-atei ninyi ara kum oboka arabdim cok, kan dibkwamarim sirya dam kubkir. 2Anda oboka ararona kum kubdum mutuk ab ninyi ab ara Filistin nang mutuk nirya ab, Gesur nang mutuk nirya asi kum arabdobdum. 3Ani, Mesir mutuk me youkwetam me si Sikhor duman aryi kuboka Ekron mutuk eitam mutuk ababyi nirya kum arabdobdum. A bitinyi mutuk nirya ara Kanaan ninyi mutuk akwe. Ba, Filistin mutuk sien nang amubaryi kunung ara Gaza atei sienyi ab, Asdod atei sienyi ab, Askelon atei sienyi ab, Gat atei sienyi ab, Ekron atei sienyi ab asi kum oboka arabdobdau. Ani, Awi yala nang me youkwetam kunung mutuk ababyi kum arabdobdau. 4Ani, tonda Kanaan nang mutuk nirya ab, Meara atei Sidon nang mutuk aryi kuboka Afek atei dam Amori nang kunung mutuk ababyi mar boboka mutuk ararona kum kubdau. 5Ani, Gebal nang mutuk ab, Libanon mutuk kon nirya asi yaletam ab, Baal-Gad atei Hermon kon deyok dam aryi kuboka Hamat baraming bisik dam kunung mutuk ababyi kum arabdobdum. 6Ani, mutuk konkon amwetam anda kunung atei nirya ab, Libanon mutuk kon kan Misrefot-Maim mutuk kan noutam mutuk si Sidon mutuk ababyi kum arabdobdum. Anda atei ninyi ara sun Israel nang ab anda atei ninyi ab ordamunyi tum aryi Ni Imtamnyi biryi minob uca, ‘Anda atei ninyi asi oboka yakdonokwan,’ eanse to kuboka yakdonokwan. Ba, a mutuk ara sun Israel yala nang nirya aryi araboka bokdobmunci sun mutuk kiboka kubdobkwandum. 7A mutuk kubdobkwaming nang ara toubnibaryi yala nang ati eterebminyi ba, kubdobkwaming. Ani, tonda Manasye yala nang asi meici kukoka dinatam nang asi a mutuk kubdobkwaming ati ebman.” Er Imtamnyi biryi sienyi Yosua bisi ato ebdeibmou.

Me Yordan kouboka yaletam mutuk bokeibmai deyok

13:8-14

8Manasye yala meici kukoka dinatam nang ab, Ruben yala nang ab, Gad Yala nang ab ara Er Iya Erebdobnyi wa irmilinanyi Musa biryi ebdeiamwe to kuboka Yordan kouboka yaletam mutuk sirya bokeibmai. 9A bokeibmai mutuk me si Arnon kubkub doramnyi atei si Aroer ab, a me binamwe mutuk lu noutam doramnyi atei ab ani, erebdob mutuk konkon si Medeba aryi kuboka mutuk Dibon nirya arabdobmai. 10Ani, Amori mutuk sienyi si Sihon bira Hesybon kuramuryi, taleamwe weik atei nirya arabdoro binmai ani, Amon mutuk wiliba sirya bindoka arabdobmai. 11Ani, Gilead mutuk nirya ab, Gesur mutuk ab, Maakha mutuk ab, Hermon mutuk nirya ab, Basan mutuk nirya akiryi kuboka Salkha mutuk arabdobmai. 12Sienyi Og bira Asytarot atei ab, Edrei atei ab kuramuryi, Basan mutuk sienyi kiboka taleamwe. Erda Refaim yalanyi bok takdongoamunyi kuramwe. Sun Refaim yala ninyi ara Musa biryi mar boamuryi, oboka kum danabdeiamuryi, muna kibdongoamwe. 13Bok, Musa ab, sun Israel nang ab aryi Gesur ninyi ab, Maakha ninyi ab ara kum yakdonokmai. Ba, ukubabyi tuba Israel nang kankan kunung. 14Ba, sun Lewi yala ninyi ara Er Iya Erebdobnyi biryi Musa deici aryi ebdeiamwe to kuboka mutuk ton kum dobmai. Eda, sun mutuk kimdoninto ara Er Iya Erebdobnyi biti dama deiriryankwaming dinyi aryi yiboka kubde binkwaming.

Sun Ruben yala ninyi ati mutuk tukwe nukarebmou deyok

13:15-23

15Er Iya Erebdobnyi biryi Musa bisi minob uca, “Ruben yala nang ara a mutuk kubkwandum,” eamwe to kuboka a mutuk ebmou ba, sun mutuk kibdobmai. 16A eamwe mutuk ara Aroer atei dam aryi kuboka, Arnon duman me kin noutumang dikum asi doramnyi atei sun mutuk kibdobmai. Ani, mutuk konkon si Medeba mutuk dam nirya atei doboka kuramnyi. 17Hesybon atei ab, mutuk kon bok lu tokeibwe asi dobde kunung atei-atei si ara Dibon ab, Bamot-Baal ab, Bet-Baal-Meon ab, 18Yahas ab, Kedemot ab, Mefaat ab, 19Kiryataim ab, Sibma ab, a mutuk kon bukamwa bakan asi bukwe mutuk kon si Zeret-Hasahar kon dam ab, 20Bet-Peor ab, Pisga mutuk taram doramnyi atei ab, Bet-Yesimot ab, 21ani, erebdob mutuk weik atei ab, sienyi Sihon biryi Amori mutuk sienyi kiamuryi, Hesybon atei ababyi nirya asi sun Ruben yala ninyi ati nukoka karebmou ba, sun dinyi kibdobmai. Minob ura, Musa biryi Amori mutuk ninyi ab Midian mutuk ninyi ab nirya asi obkiriamwe. Ba, sun Amori mutuk sienyi er amwetam sien nang kiamiryi taleamnyi nang sun si ara Ewi ab, Rekem ab, Zur ab, Hur ab, Reba ab asi Musa biryi minob obkiriamwe. 22Ani, tonda Beor mi Bileam asing kerketnyi bibabyi sun Israel nang aryi ninyi on ya aryi oamnyi. 23Akiryi sun Ruben deibdoba yala ninyi yuk-yuk mutuk ara me Yordan duman wiliboka kitingbantam weik atei mitik atei nirya sunti eamwe ba, sun mutuk kibdamiryi kuramnyi.

Sun Gad yala ninyi ati mutuk tukwe nukarebmou deyok

13:24-28

24Ani, Musa biryi sun Gad deibdoba yala ninyi yuk-yuk asi a mutuk tukwe ara, “Sunti karebsin,” eboka nukamwe. 25A kareamwe mutuk si ara Yaezer atei ab, Gilead mutuk doramnyi atei nirya ab, Amon nang mutuk dinatam aryi kuboka Aroer atei dam yaletam Raba atei sekeiboka nukeiamwe. 26A nukeiamwe mutuk ara Amori nang mutuk weik sienyi Sihon minob taleamwe mutuk ab, er Sihon kuramwe weik atei Hesybon aryi kuboka, Ramat-Mizpa ab, Betonim ab, Mahanaim aryi kuboka Debir mutuk nukamwe. 27Ani, Yordan me duman kuboka karebmou atei ara Bet-Haram ab, Bet-Nimra ab, Sukot ab, Zafon ab, Yordan duman ab akiryi kuboka yaletam deiamwe me kwan si Kinerot dam mutuk ab ara sun Gad yala nang ati nukamwe. 28A mutuk weik atei babyi mitik atei babyi nirya ara sun Gad yala ninyi ati nukamwe ba, sun mutuk kibdamiryi kuroramnyi.

Musa biryi sun Manasye yala ninyi dinatam nang ati mutuk nukmou deyok

13:29-33

29Ba, sun Manasye yala meici kukoka dinatam nang ara Musa biryi eamwe to kuboka mutuk ebmai ba, a mutuk kiboka kuroramnyi. 30Sunti ebmai mutuk si ara Mahanaim atei aryi kuboka Basan weik sienyi Og mutuk nirya ab, Hawot-Yair mutuk nirya ab, weik atei 60 baryi doamiryi kuramnyi. A 60 baryi atei nirya ara minob uca, Manasye mi si Yair biryi sienyi kiboka taleamwe atei kuramnyi. 31Ba, Gilead mutuk ab, Basan mutuk sienyi Og biryi minob kuramwe atei Asytarot atei ab, Edrei atei ab ara sun Manasye mi Makhir deibdoba ati eamwe ba, sun mutuk kiboka kuroramnyi.

32Ato kuboka Musa biryi sun Moab mutuk lu anda kuramnyi atei ninyi nirya asi muna kibdongoboka sun Manasye yala meica kukoka dinatam nang ati bokeiamwe. A bokeiamwe mutuk ara Yerikho atei yaletam kuboka ani, me Yordan kouboka otam kuramwe. 33Uca, sun Lewi yala ninyi ara Musa biryi mutuk ton kum nukareamwe. Eda, “Sun mutuk kimdoninto ara Er Iya Erebdobnyi Israel ninyi molonungnyi biti dama deiriryankwaming dinyi aryi yiboka kubde binkwaming,” tenen Musa biryi sunsi mutuk ton eterena kum kuamwe.

Currently Selected:

Yosua Uram 13: MTG

Highlight

Copy

Compare