Yosua Uram 12

Sun Israel nang aryi mar boboka muna kibdongobmai mutuk sien nang si deyok

12:1-24

1Ura, ara sun Israel ninyi aryi me Yordan kouboka otam yaletam kuramnyi mutuk nang asi mar bobmaici, muna kibdongoboka a mutuk nirya arabdobmai. Ara, me Yordan youkwa Arnon duman tam aryi kuboka me Yordan utam mutuk kon si Hermon yaletam nirya arabdobmai. 2Ara, sienyi si Sihon bira Hesybon atei kuramuryi, Amori mutuk sienyi kiboka taleamwe. Erci anda taleamwe atei-atei ara me youkwetam Arnon kubkub atei Aroer ab Gilead mutuk aryi kuboka Amon mutuk wiliba me si Yabok duman a nirya taleamwe asi arabdobmai. 3Tonda, Araba-Yordan eitam aryi sekeiboka, Kinerot kwan dam yaletam akiryi kouboka, Araba kwan dam yaletam mutuk taleamwe. Araba kwan ara Sik Me kwan dingiamwe. Ara, Kinerot me kwan akiryi kouboka me youkwetam Bet-Yesimot atei ton, Pisga mutuk kon deyok dam kuboka ara sienyi si Sihon biryi taleamwe asi arabdobmai. 4Ba, Basan mutuk sienyi si Og bira Refaim atei nang asi Israel nang aryi ninyi nirya da oramnyi ani, er tentok takloaminyi kuramwe. Anyi bira Basan mutuk sienyi kiboka taleamwe. Ani, Asytarot atei ab, Edrei atei ab ababyi erci taleamwe. 5Ani, sienyi Og bira Basan mutuk sienyi kiamuryi, Basan mutuk a nirya taleamwe. A taleamwe mutuk ara Hermon mutuk kon kuramnyi atei ninyi ab Salkha atei ninyi ab, Gesur mutuk wiliba dam doramnyi atei ninyi ab, Maakha atei ninyi ab, Gilead mutuk dinatam ninyi ab, sienyi Sihon taleamwe mutuk Hesybon mutuk wiliba dam doramnyi atei ninyi ab asi taleamwe. 6Ato kuboka Er Iya Erebdobnyi wa irmilinanyi si Musa ab, sun Israel mutuk yin doun nang ab aryi a mutuk ninyi asi oboka muna kibdongobmai. Muna kibdongobmaici, Er Imtamnyi wa inanyi Musa biryi a mutuk ara sun Ruben yala ninyi ab, Gad yala ninyi ab, Manasye yala ninyi ab ati meici kukoka dinatam nang ati ninyi oboka arabdeibmou ba, sun mutuk kibdobmai.

7Ara, Yosua ab, sun Israel yin doun nang ab aryi me Yordan kouboka kitingbantam sienyi kiboka taleamnyi sien nang sun ninyi 31 baryi asi mar boboka muna kibdongoamnyi. Muna kibdongoboka mutuk arabdobyi ura, Yosua biryi sun Israel ninyi ati bokeiamwe ba, sun mutuk kibdamnyi. Anda arabdamnyi mutuk ara Yordan kouboka otam mutuk bok kitingbantam Baal-Gad Libanon kon aryi kuboka Gundul kon dikum babyi Seir tam babyi nirya arabdamnyi. 8A bokeibmou mutuk ara mutuk konkon ab, Araba-Yordan duman ab, mutuk as yaletam ab, yini mutuk ab ani, Negeb nang mutuk nirya ab asi arabdeiboka bokeibmou. Yordan mutuk kitingbantam ara Het yala nang ab, Amori yala nang ab, Kanaan yala nang ab, Feris yala nang ab, Hewi yala nang ab, Yebus yala nang ab kuramnyi mutuk asi Yosua biryi sun Israel nang ati bokeibmou.

9Ba, sun anda oboka muna kibdongoamnyi 31 baryi sien nang taleamnyi atei-atei si ara ato: Yerikho sienyi ab, Ai mutuk Betel dinatam mutuk sienyi ab, 10Yerusalem mutuk sienyi ab, Hebron mutuk sienyi ab, 11Yarmut mutuk sienyi ab, Lakhis mutuk sienyi ab, 12Eglon mutuk sienyi ab, Gezer mutuk sienyi ab, 13Debir mutuk sienyi ab, Geder mutuk sienyi ab, 14Horma mutuk sienyi ab, Arad mutuk sienyi ab, 15Libna mutuk sienyi ab, Adulam mutuk sienyi ab, 16Makeda mutuk sienyi ab, Betel mutuk sienyi ab, 17Tapuah mutuk sienyi ab, Hefer mutuk sienyi ab 18Afek mutuk sienyi ab, Lasaron mutuk sienyi ab, 19Madon mutuk sienyi ab, Hazor mutuk sienyi ab, 20Simron-Meron mutuk sienyi ab, Akhsaf mutuk sienyi ab, 21Taanakh mutuk sienyi ab, Megido mutuk sienyi ab, 22Kedesh mutuk sienyi ab, Karmel kon dam Yokneam mutuk sienyi ab, 23Dor mutuk dam Dor kon atei sienyi ab, Galilea mutuk dam Goyim atei sienyi ab 24Tirza mutuk sienyi ab asi oboka muna kibdongobmai.

Currently Selected:

Yosua Uram 12: MTG

Highlight

Copy

Compare