Hosea Uram 13
13
Sun Efraim yala nang asi Er Imtamnyi yu dinyi aryi bobdeibkwamwe uram deyok
13:1–14:1
1Minob ura, Efraim yala nang aryi uram eramnyi dinyi ara ninyi nirya sirim taleramwe.
Sun Israel nang kankan aryi a yala nang si asi ererdeiriramnyi.
Bok, ukuryok ara sun dam nang aryi sun molon kwemdeina si Baal asi moloboka malyi kiminingdanung aryi sun si ara dibwe.
2Ani, ukubabyi tuba malyi kun dinyi kurmurunung.
Ani, sunci sun molon dinyi dengna weik keil si perak aryi kikniboka molonung.
Ani, sun keleamingnyi to kuboka kwemdeina yuk-yuk kikniboka molonungci malyi kunung.
A kikniboka molonung dinyi nirya ara a dinyi kiknin nang aryi kikninung asi molonung.
Ura, sunci ato enung, “A dinyi ati, sun dama uk daryandarur,” eboka arung-arung enung.
Ba, ninyi aryi kekeboka bisam lembu mabwe kiknibde miningnung dinyi asi u kunkununung.
3A deyok aryi sunda berentam duwa tiya iabci ani, kum danarorande ato kubkwaming.
Ani, sunda mo doum-douma aryi co bok deici dubmaci ani, belekuna kiting deirdongoci ura, kum danarorande to kubkwaming.
Ani, sunda gandum du yalyi lokdoba asi kumwe aryi kala longmanyi ai aryi boboka yuk mutuk deirlorbarande to kubkwaming.
Ani, tulum ai aruma bisik ananmaci ababyi kumwe aryi urkarongnande ba, kum danarorande to kubkwaming.
4Bok, Nira Iya Erebdobnyi kunun.
Nira sun Molonanyi bira Mesir mutuk aryi deyok kouboka sun Nai kibsisiryi iya sun Nai kunun.
Sunda yuk molon dinyi ara ton kum bingdarur, eda Ni tentok a kunum bingnindarur.
Ani, sun lemdeirisinanyi bira sun yuk nang da ton kum kunung, eda Ni tentok a kunum kunun.
5Yina mutuk dam yangarandau ura, Ni tentok aryi sunsi bikansise.
Ani, utotoa kum ai keil yok dem buklobwe mutuk dam aryi Niryi sunsi bikansise.
6Asi sunci yina ilinto mutuk dam wengyanmandau ura, sunci yina yinmamunyi ba, bousurur.
Ba, yina sirya boubsici ura, sun kanya ara dub ererdarorandumci, Nira luba kimnindarur.
7Ati, Nira bai kam si singa aryi er lena talerongnande to kubkwansin.
Ani, yu ilinto kam si macan aryi bisik iririkna dam lena kalikoka dibde burande to kubkwansin.
8Niryi sun dam yankwan ara ilila weinya si beruang aryi er mi wanikmariryi, ingkiringnande to kubkwan.
Niryi sunsi talebdongoboka taramtam taklobokwan.
A mutuk dam aryi Niryi sunsi bai kam singa aryi er lena obde yirande to kubkwan.
Ani, bai bisam kam aryi sun lena obdeiboka tub kwilik-kwilik ebde yiraming to kubkwansin.
9We Israel nang a, Niryi sunsi oboka kum daneinmasinyi ura,
unanyi biryi sunsi lemdeiriryankwansing do?
Sun lebdeibmasin to nang ton kum kunung.
10We sun, “Nun talebkwansir weik sienyi ton nun atei si sin nang ton karebsurum,” erandum nang a.
Sun talebsou weik sienyi bira dantonyi kurur aryi sunsi lebdeibkwamasute do?
Ani, sun atei si sin nang ara danto nang aryi sunsi mangkau kun dinyi karebkwamasiting do?
11Niryi sunsi talebsounyi karebsise bok, ara Ni yu asa aryi karebsise.
Ani, Ni tulum aryi dobdobse.
12Efraim nang sun malyi dinyi ara liboka deibkwan.
Ani, sun malyi kun dinyi ara kiboka deibkwan.
13Sun Israel sun kam kuron uki ara a berengdur.
Bok, sunci etekdob kanya ton kum boronung deyok aryi a berengdur uki asi diboka kurona kum kunung.
Ara, sunda ukuryok deibkwamangnyi mi aryi etekdob kanya kum borande to kunung.
A mi ara, er deirin uki tum kubmaci bok, er kwin mundu umbura aryi ola anaboka yibarona kum kurande.
Sunda ato nang kunung.
14Niryi akatei nang asi din nang wengbaraming mutuk ai aryi kum lobdeibtinyi.
Ani, Niryi sunsi uk dam u ato yinmote ai aryi kum lebdeibtinyi.
We, uk dam u ato yirande ai a, kanci aboua youn karerandim dinyi ara dantam deibumwe do?
Ninyi din nang wengbaraming mutuk a, kanci ninyi orminingnandim dinyi ara dantam kurur do?#13:14 A yakna kubwe to ara 1Korintus 15:55 neiktoto kuma. A yakna ara moloninto kubmou, bok ukuryok ebdeibsou uram dam ara durukmou.
Akatei nang asi boukwe kimna ara ukura Ni sirya asing kubnou.
Ati, akatei asi obminikdum.
15Akatei nang diboka nebkwaming ara sungsunga aryi luluk ebde arande to kubkwaming.
Asi Er Iya Erebdobnyi kumwe ara yaletam kumwe tin weik kumwe yina mutuk tam aryi yandoka ubdonokwande.
Ba, a kumwe aryi me u anaranci ai nirya cebdeibkwande.
Ani, me u dam bok nirya malyi kibdeibkwande.
Sun bona nirya araboka dobdobkwande.
Ani, bona talena teleb ara nirya dobdobkwande.
Currently Selected:
Hosea Uram 13: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
