Ezra Uram 2

Babel mutuk aryi anaboka atei Yerusalem dam tamurbinmai nang sun si yuk-yuk sekmai kerek sengna

2:1-70

1A kerek sengna umbura ara Yerusalem atei tamurbinmai nang asi nirya nukoka kerek sekeibkwabmab. Ara, minob talak aryi Babel mutuk weik sienyi si Nebukadnezar biryi sun Yahudi nang asi boboka Babel mutuk tanglorbinamwe ba, kuramnyi ani, weik sienyi Koresh biryi, “Ur tamurbindarur,” ebmou ba, Yahudi nang ton nang ara Babel mutuk tuba kuramnyi bok, yuk nang ara Yerusalem atei dam tamurbinmai. Sun Yehuda mutuk tamurbinmai nang ara sun abwe yabwe minob kuramnyi atei yuk-yuk binmai. Ura, ton deici nang ara Yerusalem atei bindobmai ura, yuk nang ara Yehuda mutuk kuboka yuk atei-yuk atei bindobmai. 2Sun Yehuda mutuk binmai nang bomenengna nang si ara Zerubabel ab, Yesua ab, Nehemia ab, Seraya ab, Reelaya ab, Mordekhai ab, Bilsan ab, Mispar ab, Bigwai ab, Rehum ab, Baana ab aryi bomenekmai ura, Yehuda mutuk dan tamurbinmai.

Ba, Israel nang tamuboka sun atei yandobmai nang sun si ara ato. 3Ninyi si Paros biryi deibdoba nang ara 2.172 baryi nang tamuryanmai. 4Ba, ninyi si Sefaca biryi deibdoba nang ara 372 baryi nang tamuryanmai. 5Ba, ninyi si Arah biryi deibdoba nang ara 775 baryi nang tamuryanmai. 6Ba, ninyi si Pahat-Moab biryi deibdoba nang ara 2.812 nang tamuryanmai. A nang ara Pahat-Moab er mabwe Yesua ab, Yoab ab sun deibdoba nang asi tamuryanmai. 7Ba, ninyi si Elam biryi deibdoba nang ara 1.254 baryi nang tamuryanmai. 8Ba, ninyi si Zatu biryi deibdoba nang ara 945 baryi nang tamuryanmai. 9Ba, ninyi si Zakai biryi deibdoba nang ara 760 baryi nang tamuryanmai. 10Ba, ninyi si Bani biryi deibdoba nang ara 642 baryi nang tamuryanmai. 11Ba, ninyi si Bebai biryi deibdoba nang ara 623 baryi nang tamuryanmai. 12Ba, ninyi si Azgad biryi deibdoba nang ara 1.222 baryi nang tamuryanmai. 13Ba, ninyi si Adonikam biryi deibdoba nang ara 666 baryi nang tamuryanmai. 14Ba, ninyi si Bigwai biryi deibdoba nang ara 2.056 baryi nang tamuryanmai. 15Ba, ninyi si Adin biryi deibdoba nang ara 454 baryi nang tamuryanmai. 16Ba, ninyi si Ater ebok Hizkia ebok kimnaminyi biryi deibdoba nang ara 98 baryi nang tamuryanmai. 17Ba, ninyi si Bezai biryi deibdoba nang ara 323 baryi nang tamuryanmai. 18Ba, ninyi si Yora biryi deibdoba nang ara 112 baryi nang tamuryanmai. 19Ba, ninyi si Hasum biryi deibdoba nang ara 223 baryi nang tamuryanmai. 20Ba, ninyi si Gibar biryi deibdoba nang ara 95 baryi nang tamuryanmai. 21Ba, sun abwe yabwe kuramnyi atei si Betlehem dam tamuryanmai nang ara ninyi 123 baryi nang tamuryanmai. 22Ba, sun abwe yabwe kuramnyi atei si Netofa tamuryanmai nang ara ninyi 56 baryi nang tamuryanmai. 23Ba, sun abwe yabwe kuramnyi atei si Anatot tamuryanmai nang ara ninyi 128 baryi nang tamuryanmai. 24Ba, sun abwe yabwe kuramnyi atei si Asmawet tamuryanmai nang ara ninyi 42 baryi nang tamuryanmai. 25Ba, sun abwe yabwe kuramnyi atei si Kiryat-Arim ab, atei si Kefira ab, atei si Beerot ab tamuryanmai nang ara ninyi 743 baryi nang tamuryanmai. 26Ba, sun abwe yabwe kuramnyi atei si Rama ab, atei si Gaba ab tamuryanmai nang ara ninyi 621 baryi nang tamuryanmai. 27Ba, sun abwe yabwe kuramnyi atei si Mikhmas tamuryanmai nang ara ninyi 122 baryi nang tamuryanmai. 28Ba, sun abwe yabwe kuramnyi atei si Betel ab, atei si Ai ab tamuryanmai nang ara ninyi 223 nang tamuryanmai. 29Ba, sun abwe yabwe kuramnyi atei si Nebo tamuryanmai nang ara ninyi 52 baryi nang tamuryanmai. 30Ba, ninyi si Magbis biryi deibdoba nang ara 156 baryi nang tamuryanmai. 31Ba, yuknyi si Elam biryi deibdoba nang ara 1.254 baryi nang tamuryanmai. 32Ba, ninyi si Harim biryi deibdoba nang ara 320 baryi nang tamuryanmai. 33Ba, sun abwe yabwe kuramnyi atei si Lod ab, atei si Hadid ab, atei si Ono ab tamuryanmai nang ara ninyi 725 baryi nang tamuryanmai. 34Ba, sun abwe yabwe atei si Yerikho tamuryanmai nang ara ninyi 345 baryi nang tamuryanmai. 35Ba, ninyi si Senaa biryi deibdoba nang ara 3.630 baryi nang tamuryanmai.

36Ba, a ninyi si kerek sekwamab ara Er Imtamnyi biti ninyi dama deirin nang imam nang si sekwamab. Ara, ninyi si Yedaya deibdobanyi Yesua yaldangna nang ara ninyi 973 baryi nang tamuryanmai. 37Ba, ninyi si Imer deibdoba nang ara 1.052 baryi nang tamuryanmai.

38Ba, ninyi si Pasyhur biryi deibdoba nang ara 1.247 baryi nang tamuryanmai. 39Ba, ninyi si Harim biryi deibdoba nang ara 1.017 baryi nang tamuryanmai.

40Ba, a ninyi si kerek sekwamab ara Lewi yala nang Er Imtamnyi dama deirin nang wa irmilin nang, ara ninyi 74 baryi nang tamuryanmai. A nang ara Lewi yalanyi si Hodawya er mabwe si Yesua ab, Kadmiel ab sun deibdoba nang asi tamuryanmai.

41Ba, a ninyi si kerek sekwamab ara Er Imtamnyi ai umbura mot semna nang si sekwamab. A nang ara ninyi si Asaf deibdoba nang ninyi 128 baryi nang tamuryanmai.

42Ba, a ninyi si kerek sekwamab ara Er Imtamnyi ai bisik bublan dam kalingna nang si sekwamab. Ara, ninyi si Salum deibdoba nang ab, ninyi si Ater deibdoba nang ab, ninyi si Talmon deibdoba nang ab, ninyi si Akub deibdoba nang ab, ninyi si Hatita deibdoba nang ab, ninyi si Sobai deibdoba nang ab tamuryanmai. A nang nirya antaniboka ara ninyi 139 baryi nang tamuryanmai.

43Ba, a ninyi si kerek sekwamab ara Israel yala nang kuma asi, Er Imtamnyi ai dam keta mambul wa irmiliramnyi nang si sekwamab. Ara, ninyi si Ziha biryi deibdoba nang ab, ninyi si Hasufa biryi deibdoba nang ab, ninyi si Tabaot biryi deibdoba nang ab asi Yerusalem atei tamuryanmai. 44Ninyi si Keros deibdoba nang ab, ninyi si Siaha deibdoba nang ab, ninyi si Padon deibdoba nang ab tamuryanmai. 45Ninyi si Lebana deibdoba nang ab, ninyi si Hagaba deibdoba nang ab, ninyi si Akub deibdoba nang ab tamuryanmai. 46Ninyi si Hagab deibdoba nang ab, ninyi si Samlai deibdoba nang ab, ninyi si Hanan deibdoba nang ab tamuryanmai. 47Ninyi si Gidel deibdoba nang ab, ninyi si Gahar deibdoba nang ab, ninyi si Reaya deibdoba nang ab tamuryanmai. 48Ninyi si Rezin deibdoba nang ab, ninyi si Nekoda deibdoba nang ab, ninyi si Gazam deibdoba nang ab tamuryanmai. 49Ninyi si Uza deibdoba nang ab, ninyi si Paseah deibdoba nang ab, ninyi si Besai deibdoba nang ab tamuryanmai. 50Ninyi si Asna deibdoba nang ab, ninyi si Meunim deibdoba nang ab, ninyi si Nefusim deibdoba nang ab tamuryanmai. 51Ninyi si Bakbuk deibdoba nang ab, ninyi si Hakufa deibdoba nang ab ninyi si Harhur deibdoba nang ab tamuryanmai. 52Ninyi si Bazlut deibdoba nang ab, ninyi si Mehida deibdoba nang ab, ninyi si Harsa deibdoba nang ab tamuryanmai. 53Ninyi si Barkos deibdoba nang ab, ninyi si Sisera deibdoba nang ab, ninyi si Temah deibdoba nang ab tamuryanmai. 54Ninyi si Neziah deibdoba nang ab, ninyi si Hatifa deibdoba nang ab, kuboka tamuryanmai.

55Ba, a kerek sekwamab nang si ara minob weik sienyi Salomo bisi wa irmiliramnyi nang deibdoba asi tamuryanmai nang si sekwamab. Ara, ninyi si Sotai ab, Soferet ab, Peruda ab aryi weik sienyi Salomo bisi wa irmiliramnyi. A nang deibdoba asi Yerusalem atei tamuryanmai. 56Ninyi si Yaala deibdoba nang ab, ninyi si Darkon deibdoba nang ab, ninyi si Gidel deibdoba nang ab tamuryanmai. 57Ninyi si Sefaca deibdoba nang ab, ninyi si Hatil deibdoba nang ab, ninyi si Pokheret-Hazebaim deibdoba nang ab, ninyi si Ami deibdoba nang ab tamuryanmai. 58Ati, sun Israel yala nang kuma asi, Er Imtamnyi ai dam keta mambul wa irmiliramnyi nang aryi deibdoba nang tamuryanmai. Tonda, weik sienyi Salomo bisi wa irmiliramnyi nang aryi deibdoba nang ababyi tamuryanmai. A tamuryanmai nang nirya ara ninyi 392 baryi nang tamuryanmai. 59Ba, a kerek sekwamab nang ara Babel mutuk atei si Tel-Melah aryi kuboka tamuryanmai. Tonda, atei si Tel-Harsa ab, atei si Kerub ab, atei si Adan ab, atei si Imer ab aryi kuboka tamuryanmai. Akatei nang deirina deyok ara lak kum bingdamnyi deyok aryi sun Israel nang yoka ara kankana kuramwe. 60A nang sun si ara ninyi si Delaya deibdoba nang ab, ninyi si Tobia deibdoba nang ab, ninyi si Nekoda deibdoba nang ab ara ninyi 652 baryi nang yanmai. 61Ba, Er Imtamnyi biti ninyi dama deirin nang tamuryanmai nang kankan ara ninyi si Habaya deibdoba nang ab, ninyi si Hakos deibdoba nang ab, ninyi si Barzilai biryi deibdoba nang ab tamuryanmai. Barzilai bira minob ura yuk si doamnyi bok, erci Gilead ateinyi si Barzilai er nebnyi dobmou ba, yuk nang aryi erbabyi si ara Barzilai eboka namdamnyi. 62A nang deibdoba nang aryi, “Nunbabyi Harun biryi deibdoba nang kunub ati, Er Imtamnyi bisi dama deirin nang ur kibkwayeb,” teneramiryi, sunci Harun yala nang deyok kerek sengna diblilibdenmai bok, kum, sun deiamnyi deyok ara lak kum bikdanmai. A deyok aryi sun Israel nang yoka aryi sunsi, “Sunda Harun yala nang kuma ati, sunda Er Imtamnyi dama deirina mem,” eramnyi. 63Ba, sun deyok ati Yehuda mutuk sienyi biryi uram sirya sekwetebmou. Ara, ato ebmou, “Sun imam nang aryi yiraming yina ara sun yina mem. Ani, Er Imtamnyi kan ninyi kan kuboka ninyi dama deirinanyi biryi yandoka yin yamin deirin ato dinyi si Urim ab Tumim ab doubtaleboka Er Imtamnyi bisi asibdenkwandur. Erci asibdeci uca, Er Imtamnyi biryi lulungna biriman aryi, ‘Dib, a nang ara diba Harun yala nang kunung,’ ebci ura, sunci imam yina asi ur dobde yina teleb. Ba, Er Imtamnyi biryi, ‘Kum,’ ebci ura, sunci Er Imtamnyi biti dama deirin yina ara talyi yina mem,” ebmou.

64Sun Yehuda mutuk tamuryanmai nang ara Israel nang yoka nang nirya antaniboka ara ninyi 42.360 baryi nang tamuryanmai. 65Tonda, tabangyanmai nang ara mambul wa in nang ab, mambul wa in nerabwe ab ara 7.337 baryi nang tabangyanmai. Tonda, sun mot semna nang ab, mot semna nerabwe ab ara ninyi 200 baryi nang tonkwa tamuryanmai. 66Ba, sun ninyi bon bisam kuda ara 736 baryi bisam boyanmai. Ba, ninyi bon bisam si bagal ara 245 baryi bisam boyanmai. 67Ba, bisam si unta ara 435 baryi bisam boyanmai. Tonda, bisam si keledai ara 6.720 baryi bisam boyanmai.

68Ura, Babel mutuk aryi tamuboka Yerusalem atei sirya yanmai ura, a tamuboka yanmai nang yala yuk-yuk sun sisin nang aryi Er Imtamnyi ai yandoka sun dama kanya teleb kuboka karen dinyi karerbinmai. Ara, sunci Er Iya Erebdobnyi ai minob dakamnyi ai asi dobkwamnyi ati karerbinmai. 69A karerbinmai dinyi ara sun taruk dam kubmou kikib Er Imtamnyi ai umbura wa inkwamnyi ati buluboka karerbinmai. Ara, dengna weik keil si emas aryi kikniamnyi dinyi ara 61.000 baryi karebmai. Ba, keil si perak aryi kikniamnyi dinyi ara 5.000 baryi karebmai. Ba, Er Imtamnyi biti ninyi dama deirin nang imam nang ongon aling ara 100 baryi karebmai.

70Ura, Er Imtamnyi biti ninyi dama deirin nang imam nang ab, Er Imtamnyi ai wa irmilin nang Lewi yala nang yuk nang ab, ton Israel nang ur talyi nang ab, mot semna nang ab, Er Imtamnyi ai bisik bublan dam kalingna nang ab, Er Imtamnyi ai keta wa in nang ab, yuk Israel nang nirya ababyi sun atei yuk-yuk yandobmaici, kuroramnyi.

Currently Selected:

Ezra Uram 2: MTG

Highlight

Copy

Compare