Ester Uram 10
10
Mordekhai bisi weik sienyi biryi erebdob wa karebmou uram deyok
10:1-3
1Ura, weik sienyi Ahasyweros biryi taleamwe mutuk ara temda weik mutuk asi taleamwe. Ara, me kwan kubkub dam kuramnyi atei nang ab, tukwe kib kuramnyi atei nang ab asi erci, “Ni weik sienyi bisi tukwe dengna karebnindarur,” eboka arukamwe ba, dekde baramnyi. 2Ba, weik sienyi er mikib kuramwe dinyi nirya ab, erci Mordekhai bisi tikeiboka erebdob wa karebmou dinyi ab ara kerek sengna umbura sekdongobmai. A kerek sekdongobmai dinyi ara Persia mutuk ab, Media mutuk ab talen weik sien nang sun kubde baramnyi to liliboka sengdongon kerek sengna umbura dam sekdongobmai. 3Weik sienyi Ahasyweros biryi Mordekhai bisi er dam kobdob bunanyi kibdeibmou. Ba, er yala nang Yahudi nang aryi Mordekhai bisi kiboka kisal dangnamnyi. Ara, Mordekhai biryi er atei nang ab, er yala nang ab asi, “Teleb akwe kubting,” tenen bisik ingkirikoka uram sisingkiringnamwe deyok aryi sunci Mordekhai bisi kisal dangnamnyi.
Currently Selected:
Ester Uram 10: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
