2Tawarikh Uram 27
27
Yotam Yehuda mutuk sienyi kibmou deyok
27:1-9
(2Raj. 15:32-38)
1Ura, Yotam kubde yangaramwe ani, kwalina 25 dinyi wengbinmou ura, sienyi kibmou. Ba, sienyi kiboka, Yerusalem atei taleamwe ara kwalina 16 baryi kwaliamwe. Ba, Yotam er kwin bira Zadok nebnyi si Yerusa biryi deiamwe. 2Ura, Yotam bira er nai Uzia kuramwe to, Er Iya Erebdobnyi biryi teleb tenerande dinyi akwe kunubde baramwe. Eda, er nai Uzia biryi Imtamnyi ai wengbinmou to ara ukuna kum kuramwe. Uca, er taleamwe ninyi ara malyi dinyi ilinto kunuramnyi. 3Ba, a sienyi Yotam biryi Imtamnyi ai utam kuboka wengban bisik bublan imtam ereboka dobtabakmou. Ani, Yerusalem atei lika Ofel tam kuboka dobtabakmou. 4Ani, Yehuda yala nang mutuk konkon dam weik atei-weik atei dobmou. Ura, bai mutuk doramnyi atei nirya lika doboka, ninyi mar iyangana ati kalingna im dub dukoka dobnin yibinmou. 5Ura, Yotam ab, er yin doun nang ab aryi Amon mutuk ninyi asi mar bobmaici, muna oboka erebdobmai. Ura, a kwalina aryok Amon mutuk ninyi asi, “Tukwe dengna dekdarur,” eboka arukmou. Ba, Amon mutuk ninyi aryi, perak ikin 3.400 kilogram baryi ab, roti kiknina si gandum ikin 1.000.000 kilogram baryi ab, roti kiknina si jelai ababyi ikin 1.000.000 kilogram baryi kuboka dekmai. Ukuboka kwalina winiryi nirya ukuboka dekmai. 6Yotam bira Er Iya Erebdobnyi tanglona kum uca, busul kuboka Imtamnyi dam kuramwe deyok aryi, mikib kuboka sasiamwe. 7Ba, Yotam sienyi kiboka taleamwe talak aryi, yuk-yuk dinyi da ilinto ukuramwe. A ukuramwe dinyi nirya liliboka sengna ara Israel nang ab, Yehuda yala nang ab sienyi kimnamnyi deyok kerek sengna umbura kerek sekyi. 8Yotam er sienyi kiamwe ara kwalina 25 baryi kwalibmou bok asi, sienyi kiamwe. Ani, sienyi kiboka taleamwe kwalina yubwa ara kwalina 16 baryi sienyi kiboka Yerusalem atei taleamwe. 9Ani, Yotam dibmou ba, er abwe yabwe dongoramnyi tukwe dam akwe, Daud sienyi kiboka kuramwe atei dam tukwe dongobmai. Ura, er mi si Ahas biryi er nai olong unuboka sienyi kibmou.
Currently Selected:
2Tawarikh Uram 27: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
