Mathi 19
19
Kekhokevakecü Dze Kepetha
(Mark 10:1-12)
1Siro Jisu mha hako pu tseiwa tse, Galil nunu tuo Jordan rü khie Judia kijü nu vota. 2Siro mia krodidi puo siemedzi vota mu puo süko chü pevishü.
3Süki Farisiko huomia vor puo kedo di sie, “Mia puoe mha huo la puo kimia khawalie vi me?” 4Sitse puo sie, “Sietsenu unie chükeshüu ‘Puo thepfumia mu thenumia chüshü,’ ükecü dze phrü mo zo me? 5Sidi sie, ‘Haha la themiau puo puo mu puo zuo khawa di puo kimia ze puo chütatuo, tsiu unie keze chü puo chütatuo.’ 6Süla unie kenie monyü chü puota zo. Süla Ukepenuopfüe chü kesakeshüu themia bu chükhowa hiecie.” 7Sitse uko sie puo ki, “Siro kiüdi Mosae hie bu hie kimianuo khakewa leshü thushü di puo khawalie kevi hie ki diekhashü ga?” 8Sitse puo uko ki, “Mosa nie bu nie kimianuo vawalie kevi khakeshü kekreilamonyü nie nou kere la zo, derei sietsenu zowe sishü mo. 9Süla a nieko ki pushütuo, kehoupuorei pieüpiera la zo kemosie puo kimia khawa di kekrei lie la ro puo pieü chüta zo.”
10Sitse puoe pethakelieko sie puo ki, “Mia puoe puo nupfünuo gei siliro, kiya kemo we vikuote.” 11Derei puo uko ki, “Die hau themia pete ze zolie kenjü, derei kekuo kha u tsükeshümia la rübei zo. 12Kekreilamonyü mia huomia u zuo va nu ketuo nunu iunukmia chü, siro huomia kekreimia bu u chüpie iunukmia chüwa, mu huomia teigei kedi la u thuo u pepi di iunukmia chü. Themia kehoupuorei die süu zelie keviu bu zeliecie,” sita.
Jisue Japie Nhicunuoko Ketsü
(Mark 10:13-16; Luk 18:15-17)
13Süsie miae puo bu puo dzie chapie uko gei shü mu kechachüshünu di nhicunuoko ze puo ki vor. Sirei pethakelieko süko kerhieta, 14derei Jisu sie, “Nhicunuoko bu a ki vorlie, uko kha hiecie, kekreilamonyü teigei kedi haicüko vie zokecü la.” 15Sidi puo puo dzie yhapie uko gei shüshü di sünunu tuo lata.
Kenyimia Puo Mha Ketsokecü
(Mark 10:17-31; Luk 18:18-30)
16Siro mia puo Jisu ki vor di sie, “Kepethau, a kechachie kerhei ngulieketuo la mha kevi kikecüpuo chü morosuo ga?” 17Sitse Jisu sie puo ki, “No kiüdi a ki mha keviu dze ketsoya ga? Keviu sü mia puo rübei zo. No kerhei nu le nyü liro, diekhakeshüko zeliecie.” 18Sitse süu puo ki, “Kiko ga?” Jisue sie, “No mia dukhri lho, No pieü chü lho; No rügu lho; No ketijü zhapu chü lho. 19N puo n zuo rhulie, tsiu n siezanuomia khriepie n thuo n kekhrie mhietuo.” 20Sitse khriesau sie puo ki, “A mha süko ze phre tuote;#19:20 Leshü kewe huo nu ro a khriesa nunu. a mha kikecüpuo tso mo baluo ga?” 21Jisu sie puo ki, “No vi tseilie nyü ro, vo di n vie ketuoko zelie di khapie mhakejüko tsüwalie, siliro teigei n kinyi nyilietuo, sidi vor a siemedzilie.” 22Derei khriesau die süu sishü tse puo nousuo siei di tuota; kekreilamonyü puo mhanyi phikecü la.
23Sitse Jisu sie puoe pethakelieko ki, “A nieko ki pu toushütuo, kenyimia puo bu teigei kedi nu leketuoe chülie re phi zotuo. 24A nieko ki pu sashütuo, kenyimia puo bu Ukepenuopfü kedi nu leketuou ki rei ut puo bu thepremei nu kepra we rüükuotuo.” 25Sitse pethakelieko die hau sikeshü ki u ngo phi di sie, “Di siro supuonie kelalie vi ta?” ita. 26Derei Jisu uko meho terü di sie, “Themia zo we süu chükelie jü, derei Ukepenuopfü la we mha pete chülie vi.”
27Sitse Pitor puo die kela di sie, “Harie, hieko we mha pete khawa di n siemedzi tuote, süla hie kedipuo ngulie ta?” 28Sitse Jisu sie uko ki, “A nieko ki pu toushütuo, nieko a siemedzi tuoketako, mhachü kesa lakecüu va Themia Nuou puo kediba zapuzayie kechüu gei bakelie ki nieko rei kediba kerekenie gei ba di Israel seyie kerekenieko nyie kecütuo. 29Themia kehoupuorei a za la u ki morei u siezedzürie morei u üpfünuo morei u puonuo morei u zuonuo morei u nuonuo morei u lieko khawaketau, süde thekrie kezie#19:29 Leshü kewe huo nu kekreicü kekra.ngulietuo, tsiu kechachie kerhei sa welietuo. 30Derei rieketuoko kekra nuotatuo mu nuoketuoko kekra rietatuo.
Currently Selected:
Mathi 19: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
