Mathi 20
20
Khubelie nu Mhakechümiako
1“Teigei kedi-e lie niepumia puoe mia bu puo khubelie nu mhachütuoü khiserüna vo mia zha khrükecü mhie zo. 2Süsie puo khunhie mhakra#20:2 Gk Denari puo. puo pie uko zha chüketuo kepfhekholieketa sie uko ketsepie puo khubelie nu shüwa. 3Sidi puo bavüdo thepfüu meseki chazou la par ru puo mia kro puo lhithochü nu mhapuorei kechü jü di doupfü ketha ngulie, 4sitse puo sie uko ki, ‘Nieko rei a khubelie nu tsucie, a nieko zha chüshü kezhü de chüshütuo.’ Süla uko tsuta. 5Süsie puo khinhieluo mu keba se meseki pra di sükemhie chü la. 6Siro keba pengou mesetazhü tse puo la pra kekreimia kro puo süki rüge ketha ngulie, sitse puo sie süko ki, ‘Nieko kiüdi zhate mhachü mo rüge haki tha ga?’ 7Sitse uko sie puo ki, ‘Miapuorei hie zhakhrü kemo lalie.’ Siru puo sie uko ki, ‘Siüro, nieko rei khubelie nu tsucie,’ sishü. 8Siro thevatieta tse, khubelie niepuu sie puo lie kemeho-u ki, ‘No mhakechümiako kieshü di kenuothoko zha chü rierie di vo keriethoko ketso zha chüpie tsüwacie.’ 9Sitse bavüdo pengou mese kinu u zhakhrükelieko vor di mia puopuo denari puopuo ngu phrelie. 10Siro uko tsu rieketako uko zha lietuoü kevor ki uko zha chü pekrashütuo nhiecü le di vor; derei uko rei mia puo khunhie mhakrau puopuo ngukelie zo. 11Siro ukoe u zha ngukelie ki vor uko niepuu ki panyata, 12sidi sie, ‘Kenuo hako bavüdo puo zie mhachü mo ze, mu süko bu hie zhate teile perhiepfü kemezhie di mhachükecüko ze ketoute,’ sita. 13Derei puo sie süko mia puo ki, ‘A zeu, a n kedowa mo; no rei denari puotuoü avu kepfhekholie mo me? 14N zhau pielie di tuotalie; a pie n ketsü de pie kenuo hau rei tsüketuo a medo zo. 15A thuo a vie pie a medo chükecü puotou zo mo me? A mephruomevuokecü la a ngupie n mhikeluya me?’ 16Sükemhie kenuomia rietatuo, mu keriemia nuotatuo.” #20:16 Leshü kewe huo nu ro kiepie keba we kra derei kedakelie we tsa icüu sa.
Jisu Puo Se Dze Kepu Va Seu
17Siro Jisu Jerusalem nu khokezhü ki pethakelie kerekenieko ze krei tuo di puo chala nu uko ki, 18“Harie, úko Jerusalem nu khotuoüzhie, mu sünu mia Themia Nuou tepie zievokezhako mu thezhokepethako dzie nu shüwatuo. Siro uko puo pejo di puo pesiawatuo; 19siro puo khapie Judakemoko dzie nu shüwa di süko bu puo pie kethekre, puo vü tsiu puo gouwatuo; mu zha se nhie puo kesia nunu rheilasielietuo.”
Zebedi Nuonie Zuopfü Kecha
(Mark 10:35-45)
20Süki Zebedi nuonie zuopfü puo nuonie ze puo ki vor di puo mhodzünu khoutoutsu di puo ki puo mezhiemelota. 21Sitse puo sie süpfü ki, “No kedipuo mengu ga?” Süpfü sie puo ki, “No n kedi nu a nuo hanie mia puo bu n zatsa mu mia puo bu n vitsa balieketuo n die khashücie,” sita. 22Derei Jisu sie, “Nieko chaketuou si di cha tuo mote. Nnie a krietuoü keba hieu krielie vi me?”#20:22 Leshü kewe huo nu ro morei a baptaiz chütuoü kebau nu a ze baptaiz chülie vi me? Sitse unie puo ki, “Hienie chülie vi zo.” 23Siru puo sie, “Nnie a hieu krie zotuo ketho, derei mia puo bu a zatsa mu mia puo bu a vitsa baketuo we a khashülie kenjü, derei süu we a Puou thuo kese setuoketamia vie zo.”
24Siro mia kerko die süu sishü tse, ukoe siezedzürie hanie gei u nei mota. 25Derei Jisu uko kielie di uko ki, “Judakemoko we kezhako bu u kekhaya, mu uko kezhakoe uko mho diyakecü nieko si batuo. 26Nieko donu we silie lho, sirei nieko donu kehoupuorei zha kenyümia nieko lie chü morosuo, 27mu kehoupuorei nieko donu rie kenyümia bu nieko kituo chütuo. 28Themia Nuou rei mia bu puo theketuo üdi monyü mia theketuoü tsiu themia kekra rhalieketuo la puo phou khashütuoü kevor zo.”
Jisu Mhiciemia Kenie Chü Pevikeshü
(Mark 10:46-52; Luk 18:35-43)
29Süsie uko Jeriko nunu tuotazhü tse, mia krodi puoe puo siemedzita. 30Süki mhiciemia kenie cha khieki ba. Unie-e Jisu vozhü ükecü silie tse shiekhoui di sie, “Niepuu, David Nuou, hienie ngumezhieshücie.” 31Sitse themia kro-u unie bu kemekrie batanu di unie kechüta, derei unie shie kechü sa di, “Niepuu, David Nuou, hienie ngumezhieshü zocie,” sita. 32Süki Jisu tseseipfü thata di unie kieshü di sie, “A bu nnie gei kedipuo chüshü nyüya ga?” 33Sitse unie sie puo ki, “Niepuu, hienie mhi bu mha ngulieyi,” sita. 34Süla Jisu puo noumezhieta di unie mhi bieshü. Sitsemetha unie mha ngulieta, mu unie puo siemedzita.
Currently Selected:
Mathi 20: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
