Mathi 17
17
Jisu Rhi Kreiketa
(Mark 9:2-13; Luk 9:28-36)
1Zha sorou sie, Jisue Pitor mu Jakob siro puo siezeu Johan uko zelie di krei kijüthou kerükrie puo gei vota. 2Siro uko kengu kinu puo rhi kreita, sidi puo zie niaki kezie tuoi mu puo pfhenei krapouita. 3Siro harie Mosa mu Elija unie-e vor uko pengu di puo ze kerüchü ketha ngulie. 4Sitse Pitor sie Jisu ki, “Niepuu, úko keze haki bata ro vituolie; n medotuo üro, a haki nu pru#17:4 Moro pfheki. se chüshütuo, puo n la, puo Mosa la mu puo Elija la,” sita. 5Siro puo die pu thaluocü nu, kimhou ziekruoikecü puo shü mhai vor uko zepfülieta, tsiu kimhou geinu harie mhapfhe puo, “Hauha a Nuo a Khrietho-u zo, a puo ngu a neithoyakezhau, nieko puo die rünyüliecie,” isi vor. 6Siro pethakelieko hau sikeshü ki, michie phita di tsu zerepfü zhüta. 7Derei Jisu phir uko bie di sie, “Sielie mu michieta hie.” 8Sitse ukoe tosie meho ru Jisu rübei sie miapuorei ngu mota.
9Siro uko kijüthouu geinu la kerzhü tse, Jisu sie uko ki, “Themia Nuou kesia nunu rheilasielie kemochie nieko kengu hau dze pie mia puo ki rei pu hiecie.” 10Sitse pethakeliekoe puo ketso di, “Kiüdi thezhokepethako Elija bu vor rietuo ücü puya mu?” ita. 11Sitse puo la sie, “Elija vor di mha peteko chü pevi la zotuo ketho, 12derei a nieko ki pushütuo, Elija vorwate, mu uko puo silie mota, di uko puo gei u nei u nyü chüwate. Sütuoi Themia Nuou rei uko dzie nu kemezhiekecü seüdzütuo,” sita. 13Süze puo Johan mia dzülukepfüu dze uko ki pukecü pethakelieko rei lelie.
Jisu Terhuokesuo Ze Ketuo Nuo Yopuo Chü Pevikeshü
(Mark 9:14-29; Luk 9:37-43a)
14Süsie uko themia kro nu vorlie tse, mia puoe vor puo mhodzünu khoutou zolie, 15di sie, “Niepuu no a nuoyo ngumezhieshü zocie, kekreilamonyü puo terhuovüzie chü kemezhie phi tuote; mu puo tsiemelie te mi morei dzü nu le tataya. 16Siro ae puo ze noe pethakelieko ki vor, derei uko puo chü pevilie mote.” 17Sitse Jisu sie, “Harie, kepele kejü mu ziezhü kemo phouu, a bu kichiepuo nieko ze batieya mu? A bu nieko gei kichiepuo a kethe ba zotuo ga? Puo ze haki vorcie!” 18Sidi Jisue terhuokesuou kechüshü, sitse süu unuoyo geinu prata, mu nuo süyo sütei touki shürholieta. 19Süsie pethakelieko thuo krei puo ki vor di sie, “Kiüdi hieko terhuokesuou whuolie lhota ga?” 20Sitse puo sie, “Nieko kepele ketsa la zo. Kekreilamonyü a nieko ki pu toushütuo, mhanuü nieko kepele gakrieshü de yopuorei bakecü sie nieko kijüthou hau ki, ‘No haki nu rüdi lutsa votacie,’ isishü rei süu rüditatuo, mu nieko mhakehoupuorei chülie kelho jütatuo.” 21(Derei mha hako kecha mu kemevo geinu zo kemosie mha kekreipuo geinu rei chülie lho.)
Jisu Puo Se Dze Kepu
(Mark 9:30-32; Luk 9:43b-45)
22Süsie uko Galil nu vor kengulieta tse, Jisu sie uko ki, “Themia Nuou tepie mia dzie nu shüwatuoü bate, 23mu uko puo dukhriwatuo, derei puo zha se nhie rheilasielietuo.” Sitse uko nousuo phita.
Rüsuoki Khruo Khakeshü
24Siro uko Kapernaum nu vorlie tse, rüsuoki khruo khruoyakezhako#17:24 Gk Didrakma. Pitor ki vor ketso di sie, “Nieko kepethau rüsuoki khruo khashüya mo me?” 25Sitse puo sie, “U, khruoya,” sishü. Siro puo kinu vorlie tse, Jisu puo rüchü di sie, “Simon, n nou kele kimhie ga? Kijü hau nu kediko suomia kinu mha kepfüzha morei khezhanuo lieya ga? U thuo u nuonuoko kinu mo kekreimia kinu ga?” 26Siru Pitor sie, “Kekreimia kinu we.” Sitse Jisu puo ki, “Siüro puo nuonuoko we mha khashü morei vi. 27Derei úko themia hako nei kemo chüwa kelho la no dzükezha nu tsu di khuoshüwi se khuo shücie; sidi khuo shülie kerietho-u me ciegashü ro raka puo#17:27 Gk Stater! stater ro didrakma kenie ze ketou. ngulietuo; no süu se vo a la mu n la khashüwacie,” sita.
Currently Selected:
Mathi 17: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
