Isaya 8
8
Isaya Nuou Pie Themiako la Zasi Puo Chükeshü
1Süsie Jihovae a ki, kethulhe kezha puo pielie di süu gei mia bu phrülie kerüü nu “Maher-shalal-hash-baz#8:1 Puoca vakelieu ta vi se, mia chüteu rükri se. vie” ikecü thushülie; 2mu a la pelelie kesü Uria zievo-u mu Jeberekia nuou Zakaria unie bu süu zhapu chüshülie. 3Mu a siedzekesipfü ki vo, ru puo nuonipfülie di thepfunuomia puo penuolie, sitse Jihovae a ki, Puo za pie Maher-shalal-hash-baz chülie, 4kekreilamonyü unuoe “Apuo,” morei “Azuo” ikecü kielie kemonu Asiria kediu bu Damaska kinyiko mu Samaria vie vapfü tuotatuo.
5Jihovae a ki pu la di: 6Kekreilamonyü themia hako Shiloa dzü kru mele mo kezhüu lie mvü di Rezin mu Remalia nuou mhodzü michie rüsürüsate; 7süla, Niepuue uko gei Kerü dzüu kuo phi mu kra phikecü Asiria mu puo kevi pete se vortuo; sidi dzücha pete tshuzietuo, di puo khieko mho sietuo; 8süue dzüdi tuoi Juda nu kru tsutuo, ketshukezie chü kho puo vo tsotuo; mu puoshü kelhakeshü n kijü zhau tshutuo, he-i Immanuel.
9Nieko themiako, kengu voliecie, di thedzükoutacie;
rünyüliecie, nie ketsekethou rüna pete;
nie chie phalie di thedzükoutacie;
nie chie phalie di thedzükoutacie!
10Keze mha rhükekiecie, derei süu kemethuo chütatuo;
die pushücie, derei süu thalie lho,
Ukepenuopfüe hie ze tuokecü la.#8:10 Ibri Immanu el.
11Jihovae puo dzie kuo phikecüu pie a gei shü di a bu themia hako cha nu tuo hienu di a ki hakemhie pushü: 12Themia hakoe pekhrerüshü üdi puyakecü pie pekhre rüchü üta hie, mu ukoe preiyakecüko prei, morei merieta hie. 13Derei krodiko Jihova, nie puo üse mesa ütuo; nie puo preiürhukecü chülie. 14Siro puoe kemesachü puo, mia petsoukecü tsie puo chütuo, kekreilamonyü Israel ki kenienie la thephi kemesü puo mu Jerusalempfüko la kebie puo tsiu ciephrie puo chütatuo. 15Tsiu uko mia kekra u phi mesütuo; uko tetsu di protatuo; mu uko malie di tezetatuo.
16Zhapuu phalie, mu a siedziko donu kepethadieu mohor vüwalie. 17Ae Jihova pfhe batuo, mu a puo khremerü batuo; Jakob ki nu puo zie kevie kebau. 18Harie, a mu Jihovae se a tsükeshü nuonuoko ha krodiko Jihova Zion kijüthou gei bayakecüu kinu kepar Israelko donu zasiko mu u ngoko kro puo zotuo. 19Mhanuü mia n ki, “Themoumia mu thuophimia mecu mu mebe kebako rüsacie,” ilie ro themiakoe u rhuoko rüsa zhü mo üme? Kerheimia la kesiako rüsa zhü me? 20Kepetha mu ketarhoketuo la? si. Derei hakemhie kepumia teiso kevor ngu lho tou zo. 21Ukoe kijüu pfüthe votuo, kemezhie se mu merü di; siro ukoe merülie ro, uko nou meyie di uko kediu mu uko rhuoko rüsetuo. Ukoe uko zie kereipie pesotsa vatuo, 22mu ukoe kijüu mehoshütuo, derei ukoe kemezhiekecü siro kezei, meyhumezhiekecü, thedzükezei rübei ngutuo; mu uko nepie zeibouicüu nu shüwatuo.
Currently Selected:
Isaya 8: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
