Isaya 9
9
Vitho Kedinuou Kepenuo mu Puo Kedi
1Derei meyhumezhie kebako gei we thedzükezei balie lho. Thiedzü puoe Zebulun mu Naftali kijü pie kezhasewa, derei puoe kenuotsa dzükezha cha, Jordan khie lutsa, seyieko nu Galil ha bie ketherhushütuo.
2Kezei nu ketuo themiakoe kezie kezha puo nguwate;
kijü zeibouikecü puo nu ketuoko gei kezieu zieshüte.
3Noe seyieu chü pekruoshü,
noe süu kenei bie pekrashü;
uko lieyie ki u neiyakecü mhiei n mhodzünu uko neizhie,
mia vakelieko keza di u nei keba tuoi.
4Uko pie vocieu,
mu uko bouka gei seiu uko kepese seiro-u,
noe bietshewaketa la Midian zha nhie tuoi di.
5Terhümiavimia se kede voketa phikou pete,
mu thezie nunu kezipie ketuo pfhenei pete seidei tuoi mi nu thewatuo.
6Nuo puo penuopie u tsüshüte,
thepfunuomia puo pie u tsüshüte,
kekuo puo bouka gei tuo;
mu puo za thopie Mharhükesi Ungo-u,
Kekuo Kepenuopfü, Kechachie Puou,
Vitho Kedinuou chütuo.
7Puo sorkari kruo sei zhü zotuo,
siro David kedibau gei mu puo kedirüvie nu vitho puo thela balie lho zocü la.
Puoe kethoca tsiu kemiatho se süu chüshü mu se balietuo;
thie yawinu vo kechachie ketso.
Krodiko Jihova shürheiu thuo hau chüshütuo.
Kerüzhakecü mu Mia Kepese Pejoketuo
8Niepuu Jakob petsoukecü die puo ketseshü ru süu Israel gei pfüta;
9mu themia pete süu situo,
Efraim mu Samaria nu kelhouko,
derei u nou kemiako mu kemiavi di ukoe sie;
10“Itako mete,
derei we ketsie kevi pie chü lalietuo;
khrabvüboko wiwate,
derei we süko sou nu sedarboko pelhou lalietuo,” iba.
11Süla Jihovae ngumvümia pesepie#9:11 Cn: Ibri Rezin ngumvüko. uko petsoushü,
mu ngumvüko nou chüshü,
12Aramko niathutsa siro Filistinko niakratsa,
mu uko mekuopie Israel mezulie.
Sishierei puo nouyie rüdita mo;
tsie rei puo dzie yhapie ba zo.
13Themiakoe rürei uko vükeshüu kitsa vor mo,
morei krodiko Jihova pfhü mo.
14Süla Jihovae Israel gei puotsü mu puomei,
Kukuo co mu puonyü khunhie vachü dawa,
15Phichüko mu therhumiako sü puotsüu,
tsiu ketijü kepetha siedzekesiko sü puomeiu;
16Chathamia thuo themia hako cha tha kekrü,
mu ukoe uko cha tha ze ketuoko keboushü.
17Süla Niepuue uko khriesako ngumezhie mota,
morei merünuoko mu samipfüko ngumezhie mota,
uko pete Ukepenuopfü prei mo mu kesuo kechümia phre,
mu uko tie pete kemelo die pu phrecü la.
Haicüko la puo nouyie rüdita mo,
mu puo dzie yhapie ba zo.
18Kelhiecümiae mi mhiei tuya,
huphienuo mu zohuko the pejüwaya;
süue ketsa kesouko thewaya,
sidi mikhu co tuoi rüve khota.
19Krodiko Jihova noupfhüue kijüu thewa,
mu themiakoe miu la seidei mhieta,
miapuorei kekreiu peshashü mo.
20Ukoe u zatsa nu mhacü vo,
derei pevülie mo,
mu uko vitsa nu mezulie,
derei u kelhuo chülie mo;
uko thuo u kicükinumia chü cü.
21Manasseh-e Efraim rhacülie, mu Efraim-e Manasseh rhacülie,
sidi unie keze Juda petsou,
Hai zorei puo nouyie rüdita mo,
mu puo dzie yhapie ba zo.
Currently Selected:
Isaya 9: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
