Isaya 3
3
1Kekreilamonyü Kediu, Krodiko Jihova,
Jerusalem mu Juda ki nu puo mvü dze kemetei se ketha,
mu puo kekhrüko pete setazhie,
kecücabo pete,
mu dzübo pete.
2Terhümiaviu mu chüpahiu,
capiu mu siedzekesiu,
thuophiu mu phichüu,
3mia hiepengoumhokezha
mu therhu themia,
mharhükesi mu meduokesi siro theguo dze kesi chüsetazhie.
4Sidi a thepfunuomiako bu u kedinuomia chütuo,
mu nuoranuomiako bu uko mho dituo.
5Mia bu uko pesetuo,
mu mia puoe kekreimia puo bu puo pesetuo;
mu u zanuou bu u pesetuo;
khriesamia phichümia gei kemharhütuo,
mu miado-u therhumiau gei kotuo.
6Mia puoe puo kinumia,
puo thinuomia puo zorei telie di sie,
“No n pfhenei nyi;
n bu úko krüta chütuo,
mu mha pekakewa
hako pete pie n khroshütuo,” situo.
7Derei sünhie kekreiue shie di sie,
“A mia chü keshürhokezhau chülie kenjü,
a a kitiekinu niekhrüda mu pfhemenei rei jü;
nieko bu a pie themiako krüta chülie lho,” situo.
8Jerusalem-e kate mu Juda tetsuketa la,
kekreilamonyü uko diepu mu uko mhathoko Jihova petsou di uko ze keba puo zayieu perhuwate.
9U zie kenguu thuo u kejo thashüya;
sükoe Sodom mhiei u kephouma rükhruoya.
Sükoe süu kevieya mo,
süko we kesuokerhu!
Kekreilamonyü u thuo u gei kesuo se vor.
10Kemezhüko we kedipfü rei ruokuo shi,
ukoe u mhathoko siu cü zotie eru.
11Kerüzhüu gei kesuokerhu! Kidepuo uko ruosuo shi,
uko dzie pie chükeshüu uko gei chü la zotuo.
12A themiako, nhicumia bu uko pese,
mu thenumiako bu uko mho di.
He-i a themiako, nie krütakoe nie cha tha kekrüya,
mu nie chako bie kebouwaya.
13Jihovae puo nyieu putuoü thate,
puoe themiako capi chütuoü thate.
14Jihovae puo themia phichüko mu kedinuoko zelie di dienyakecütuoü lete:
Khubelieu cükelieko sü nieko ze;
kejüko vie ketakelieko nieko kinu ba.
15Nieko a themiako getshiekeshü mu kejümia zieko gekeshü kedipuo ca la ga?
idi Jihova krodiko Kepenuopfüe puya.
16Jihovae sie:
Zion nuopfüko kerüzhacü la,
u vo petopie tuoya,
uko mhi lala di mha meho,
u chatuo mia rünyü kemo chatuo,
uko phi thetsei kekreikrei tuoya;
17Jihovae Zion nuopfüko tsüle gei
kechüpfü puo pie pechüshütuo,
mu Jihovae uko kemengako hieshütuo.
18Sünhie Jihovae uko rütsonyako; uko phikhako, u tsügei keshüko, mu khrükia mhiko; 19keliekecüko, kethuoko, vozipfheko, 20u tsügei rütsoko, u thuoko, vatshiko, mhare kevi bouko, mu theguobouko, 21zasi dziekhako, nyhükhako, 22thenyi pfheko, pfhe kerütshupfüko, u kewhe pfheneiko mu likhuoko; 23pfhenei keviko, linen pfheneiko, tsüzeko, mu u ziekeya pfheko setatuo.
24Puore kevi sou nu menakecü batuo;
chiepha sou nu kero;
u tsütha kevi sou nu tsüpie batuo;
mu puoma kere pfhedzie sou nu gakhropfhe chiecha;
zivi sou nu thenga batuo.
25Thepfumiako zhiecha geinu tetsutuo,
mu nie terhümiaviko rüyachü nunu tetsutuo.
26Mu süpfü kharuko nu thekrü chü mu kratuo,
puo menyümenouwa di,
puo bu tsu kijü batatuo.
Currently Selected:
Isaya 3: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
