Isaya 2
2
Thiesie Vorketuo Ukepenuopfü Kiu
(Mik 4:1-3)
1Amoz nuou Isaya Juda mu Jerusalem dze ngukecü die.
2Teisozha kenuotsa Jihova kiu kijüthouu pie kijüthou kerükrietho chütatuo,
sidi kijükhruko mho sietatuo;
mu seyie pete kru puo vatuo.
3Themia kekra vor di sie,
“Vorlie, úko Jihova kijüthou gei kho khe,
Jakob Kepenuopfü kiu nu;
puo bu puo zhoko pie u pethashü mu u bu puo chako nu tuolieketuo la,” situo.
Kekreilamonyü Zion nunu kepethakecü partuo,
mu Jihova dieu Jerusalem nunu partuo.
4Puoe seyieko donu capi chütuo,
mu themia kekra nyie pepituo;
siro ukoe uko zhiechako ketsapie kejü chüwatuo,
mu rüngouko ketsapie charuo chüwatuo;
seyie puoe zhiecha pie seyie kekrei petsou sa motatuo,
morei ukoe terhü do chü salie lho.
Kemiako Kebako Ketsoketuo
5He-i Jakob kiu,
vorlie, uko Jihova kezieu nu tuo vo khe!
6Niekoe nie themia chako khawate,
he-i Jakob kiu,
ukoe niathutsa nu kevor thuophimia mu Filistinko kemhie themoumia bu uko ketshu chü,
mu chazoumia ze kedziesete.
7Süko kijü suna mu rakachü thuo tshu,
mu süko kinyi puo thela jü,
süko kijü sü kier thuo tshu,
mu süko kierbageiko puo thela jü.
8Süko kijü sü terhuorhiko thuo tshu,
süko nuketsu u dzie pie chükelie,
u dziekinuo thuo chükelieko rüsuoya.
9Süla themia bie kerünuo,
mu themia pete rei bie pekewate,
süko kejo va hie!
10Tsiekrieu nu lelie,
mu nyophe nu rüshülie,
Jihova noupfhüu nunu,
mu puo kedi zapuzayie kechüu nunu.
11Themia rükriekra ketuo mhiko bie kerünuowatuo,
mu kerüzha ketuo kehoupuorei bie pekewatuo.
Mu sünhie Jihova
rübei thuo rükrielietuo.
12Kemiako mu zhaketuo peteko,
u pie pekho mu rükrie ketuo peteko petsouketuo la,
krodiko Jihova teisozha puo ba;
13Lebanon nu sedarbo pete,
zha mu rükrie kebako;
mu Bashan phriebo pete petsouketuo la,
14Kijüthou kerükrie pete,
mu kijükhru kezha pete petsouketuo la;
15dahou kerükrie pete,
mu kuda houpie keba pete petsouketuo la;
16Tarshish nu rou pete,
mu mhatho kezivi pete petsouketuo la teisozha puo.
17Sidi rükriekra ketuomia bie kerünuowatuo,
mu kerüzha ketuo kehoupuorei teshü kerünuowatuo,
mu sünhie Jihova rübei pie kerükrieshütuo.
18Sidi terhuorhiko jü phretatuo.
19Jihova kepreiu nu mu puo kedi zapuzayie nunu rüshülieketuo la,
tsiepfüko nu mu kijü khehoko nu leliecie;
puoe kijüu kechüshütuoü kesie ki.
20Sünhie themiakoe rakachü
mu suna mharhiko,
rüsuotuoü u thuo u la chükelieko,
kelhoupie soco mu haho tsüwa di.
21Jihova kepreiu nu mu puo kedi kezhau nunu,
ratsa nu tase tsiepfüko mu tsiekhie kerkoko pfhütuo,
puoe kijüu kechüshütuoü kesie ki.
22U nyhüki nu rübei u kehaketuo themiau kinu rüreitacie,
uko sü kedipuo mu?
Currently Selected:
Isaya 2: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
