Isaya 4
4
1Sünhie thenumia thenie-e thepfumia puo merhashülie di,
“Hie hie thuo hie vie cütuo mu hie thuo hie pfhenei setuo;
hie bu n za sekelie zorei chücie,
hieko thethau setacie,” ituo.
Jerusalem Siedze Vithedze Chü Keba
2Sünhie Jihova co-u zivi mu vithedze chütuo, mu kijü siu pie Israelmia lhiekelieko mhokuo mu uko mho chütuo; 3kehoupuorei Zion nu mu Jerusalem nu lhiepiekebako üse mesa üdi kietuo, kehoupuorei puo phou la Jerusalem nu puo za thulieketau. 4Niepuue capi ruopfü mu thekecü ruopfü se Zionpfüko kerhu khrü kemesawa mu Jerusalem dapfüketuo thezieko chü kemesakewa nhie. 5Jihovae Zion kijüthou pete mho mu puo kehou kezhako mho khinhie gei kimhou mu mikhu, theva gei miü kezie puo chüshütuo; siro vithedze kechü pete mho keya puo batuo. 6Süusü khinhie gei kele keya puo chütuo, mu teirüteikhrie nunu rüzhükelie puo chütuo.
Currently Selected:
Isaya 4: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
