Timothi Kenieu 3
3
Teisozha Thelako
1Siro teisozha thelatsa u dzükezei chü zokecü tei vorketuo rükralie. 2Sükisü themia u thuo u zhazhü kepfhü, raka kemehou, kemelha, kemiako, mia thepesuo, u krü die ze kemvü, mia thezie kemo, mesa kemo, 3noushünouzhie kejü, mia kejo vakemvü, mia tha mia mele, u kekhalieya kemo, u zho kesuo, mha kevi rütsekecü, 4kelhiekecü, mia die rünyü kemo, komethuo; tsiu Ukepenuopfü khriekecüu ki rei u thuo u nei u nyü chü nyükuokecü siertuo, 5süko chazoutsa Ukepenuopfü khrükeprei meviva, derei kekuo ketho-u melieya. Sükemhieko therhietalie. 6Süko huomia goumelie mia kinu vo di mhale kemo u kephoumako la u keraketuo thenuko, u mengu neiüko bu u meshü ze tuoketako selietatuo, 7süko mia bu u petha sei tuoya, derei mhakipuorei ketho-u silieketuo nu tuoya mo. 8Thiedzü Jani mu Jambri unie Mosa petsou sieketa tuoi, themia hako rei u nou mha kesuo tuo, kepeleu meviva, siro ketho-u petsou sa. 9Derei süko ta pecie ba zo volie lho, kekreilamonyü themia sünie tuoi, themia pete uko kesuo ngu parta zotuocü la.
Paul Timothi Tarhokeshü
10Sirei no zo we a kepetha die, a zho, a kelhou nu mharü, a kepele, a shükhreshühiekecü, a mia kekhrie, a metei thakelie, 11a kepechü ngukelieko, Antiok, Ikonia mu Lustra nu a gei pfürkecü mezhieko ngushüte. Kiderei kemezhieshü shi! Sirei süko pete nu Niepuu thuo a kelashü. 12Ketho zo, themia kehoupuorei Khrista Jisu ze puo chü di lhou nyüyakezhau mia bu puo pechüpenyü zotuo. 13Derei kerüzhümiako tsiu mia seyakezhako u thuo u seya, mu kekreimia rei seya, süko suo miemietatuo. 14Derei no zowe ketho-u pie n pethashüwaketa tuoi peletsapfü tha zolie, no zo we suomia kinu mha süko silie shiü si ba zocü la, 15mu no zowe n nhicu nunu kemesa kethodieko silie di süu thuo n pethapie n bu kepele nu Khrista Jisu geinu kepar kelakelieu ngulie kevi chülie. 16Kethodieko pete Ukepenuopfü kinu haphra par zo mu süu mia kepetha la, mia tahitarhoketuo la, mia chü kemezhüketuo la, tsiu mia ketshüpie kethotsa shülieketuo la zo, 17sidi Ukepenuopfü themia chüketa kehoupuorei chü pevipie mhatho kevi kheko chülieya.
Currently Selected:
Timothi Kenieu 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More