Timothi Kenieu 2
2
Jisu Khrista Chüpahi Kevimia
1Süla a nuo, Khrista Jisu geinu kepar ngukemezhie nunu metei thalie, 2mu no zhapumia kekra mhodzünu a die sikelieko, no süko pie pelelie kesümia mu mia kekreimia rei pethashülie kevimia pele lashülie. 3Khrista Jisu chüpahi kevimia puo mhiei keze kemezhielie. 4Themia kehoupuorei chüpahi chü ketuo ki mha kekrei chü u kenyha saya mo; puo bu chüpahi chütuo üdi puo za rukelie kezhau nei chülieketuo la. 5Sizomonyü rüzhümia puorei rüzhüzho medzi mo di kevi zhakhra ngulieya mo. 6Puo rhiechü mhachüyakezha liecieu puo lieyieu nu puo si ngu rie zhü. 7A n ki pukeshüko leshücie, Niepuu n bu süko caülako silieketuo chüshütuo.
8Jisu Khrista, kesia nunu rheisieketa, David yieu rükrashücie, süusü a dieliekeviu zo, 9süu la kejo kechümia tuoi mia bu a khese kemezhie hi tuokecü zo. Derei Ukepenuopfü dieu we phawa mo zo. 10Süla kedalieketako la a mhakehoupuo nu rei shügeshühiepfü tuoya, sidi uko bu rei Khrista Jisu geinu kevor kelakelieu ngulie di kechachie zayie chülieketuo la. 11Pukeshü hau ketho tou zo:
We puo ze sia ro,
we puo ze di rhei reilietuo;
12we shügeshühielie ro,
we rei puo ze kedi chütuo;
we puo melieta ro,
puo rei u meliewatuo;
13we dietho mo zorei,
puo we dietho sei zotuo,
kekreilamonyü puo thuo puo melielie kenjü.
Chülie Kesü Liethomia
14Hau pie uko ki pu lashücie, mu Ukepenuopfü mhodzünu uko bu keprüli hienu tarhoshücie, sikecüe mevikelieu monyü kerünyüko chü pesuowaya. 15Ukepenuopfü bu no ü puo medomia ülieketuo la puo mhodzünu n rachülie, puo mhatho-u la mengata mo zocü liethomia puo chülie, puotou nunu ketho dieu kezashülie. 16Siro mesa kemo diethuodieruoko therhielie, kekreilamonyü süu themia cha thapie ketho le mo miemietaya, 17mu uko die-e kechü puo tuoi thuo miemietatuo. Süko donu Huminia mu Fileta rei sate, 18unie ketho-u vajowa di rheilasieketuo üse tseita üdi pu tuote. Sidi unie huomia kepele thurhuowatazhie. 19Derei Ukepenuopfü puo bodekeshüu we metei ba zo, mu süu gei: “Niepuu puo thuo puo vieko si ba,” mu “Kehoupuorei Niepuu za kiekeliemia mha kesuo kechü therhietacie,” icü thupie zhü.
20Siro ki kezha nu zorei mhabou kekreicü baya; suna mu rakachü pie kechü rübei mo, derei sei mu rünyo pie chüya; huo se therhu mhatho chü tsiu huo we si zo mo. 21Kehoupuorei a pukeshüko#2:21 Gk Mha hako. nu u thuo u chü kemesakeliemia, sümia chüpie therhukepfü, chü kemesakelie, ki niepuu bu se mhachülie kesü, mhatho kevi kheko la kese mhabouko chülietuo. 22Ta themia lhounyü ki menguko therhie zolie, sidi u nou mesa di Niepuu za kieyakezhako ze di kemiatho, kepele, kekhrie mu kezekevi whuo volie. 23Derei mhale kemo diepu mu kemethuo nu keprülikecüko ze mhapuorei chü hie, süko kegei prushüyakecü no rei si ba ze ru. 24Niepuu liethomia#2:24 Gk Diemia. keprüli suo, derei kehoupuo gei rei tseiüvi, mia petha si mu shügeshühielie, 25thenou kemene se di puo petsouyakezhamia tarholie. Ukepenuopfü puotei kevi puo khapie süko tsü di uko bu rei thenou kedi lalie di ketho-u silieketuo chülie kevi la, 26sidi süko u nou mezhü#2:26 Moro puo thuo, puo (süu Ukepenuopfü thuo) medo chü. lalie di terhuokesuou ratho nunu ta lalietuo.
Currently Selected:
Timothi Kenieu 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More