Timothi Kenieu 4
4
1A Ukepenuopfü, tsiu Khrista Jisu, kerhei mu kesiako ketsoketuou, puo vortuo ükezhü mu puo kedi chüketuou la, n ki die hau pu beishü ho: 2Dieu pie petha ba zolie; puotei vi rei mo rei, shükhreshühie mu n teitsochü mia petha di mia rüchüpie mia bu lielie, kerhieshülie, mia chü kethepfushülie. 3Kekreilamonyü puotei puo vorzhie, kepele die puotoukecü lie mvütaketuo, derei u nyie kemeso la ukoe u thuo u krukecü kepethamia pfhü kengulietuo. 4Sidi ketho-u rünyükelieu monyü rüreise ketho kemo dzetsa votatuo. 5Derei no zowe n melou meciephrüi balie, kemezhiekecüko nu rei shügeshühielie, dieliekevi kepetha lietho chü balie, no lietho chütuoü kebau chü tsei zolie.
6A zowe ruosuo kechü vie puo tuoi a zie rei kengeshüwatuoü bate, tsiu a tuotaketuo tei rei tso bate. 7A keperhiekecü nu keperhie pevi seshüte, a ta vo tsowate, a kepeleu se ba tsoliete. 8Tsie yawinu kemiatho tsüreu a la khapie zhüwate, süu kemiatho capiu, Niepuu thuo teisozha sünhie pie a tsütuo, mu pie a rübei zomonyü puo kevor mengu keba pete tsü phretuo.
Paul Puo Thuo Puo la Kepu Die
9No a ki vor mhaiketuo le beicie, 10kekreilamonyü Demae tsiedo kijü hau va khrieta di a khawa di Thesalonika nu vote; Kresen-e Galatia nu vote, Tita Dalmatia nu vote. 11Luk rübei a ze keba zote. No Mark rei zelie di vorcie, a lietho nu puo kekhruohilie zotuocü la. 12A Tukika ketsepie Efesa nu shüwate. 13No vorkecü ki, Troa nu a boulie khapie Karpo dzie nu kebau se vorliecie, a leshüdako rei, ba hurei chüzhü geinu kethuko se vorliecie. 14Rükreiyakezhau Alexander a gei mha kesuo se chüshü, puo chüwaketako la Niepuu thuo puo zhadavüshütuo. 15No rei puo gei n kireilie, puo u kepetha dieu petsou phiyacü la.
16A thuo sie a zha pu kerieu va miapuorei a yapie mo, sicüumonyü mia pete a khawa. Süu la uko pejota mo üthienyü. 17Derei Niepuu thuo a ze tha di kekuo khapie a tsü, sidi a bu dieu pu tseipie Judakemoko pete bu rei rünyülie. Sidi losha me nunu rei a kelashü. 18Niepuu thuo a pie teigei kedi nu shülieketuo la a petsoukezha mha kesuo pete nunu a kelashütuo. Puo bu telhekechachie zayieu chüliecie! Amen.
Kelukeshü Thelako
19Priskila mu Akila tsiu Onesifora kikruu kelushü ho. 20Erasta bu Korint nu bate; Trofima mhachüketa la a puo bu Mileta nu bate. 21No teisei mhodzü a ki vorketuo le beicie. Eubulo n kelushü ho, sütuoi Puden, Lino mu Klaudia, tsiu kepelemia u kezeko#4:21 Gk Siezedzürie pete. pete n kelushü ho. 22Niepuu bu n ruopfü ze tuolie. Ngukemezhie bu n ze tuoliecie.#4:22 Grik nu N mo di nieko isi. Leshü kewe huo nu Amen icü sa.
Currently Selected:
Timothi Kenieu 4: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More