Nugana 38
38
‘UPWA 38.
1Ta tuta gote gete ‘i apwesa, Iuda tasinao ‘ediega ‘i mwa‘uta, ta goma Adulama ‘e bweu, ‘ana esana Irai, ‘ena ‘i tauia. 2Ta Iuda ‘e bweu goma Kanania ‘ana esana Sua natuna me wainena i ‘itena; ta i ‘au‘ewena, ta ‘ena ‘i rugu. 3Ta i ‘euwana, ta natuna me‘olotona i ‘enatunena; ta ‘i eesena Era. 4Ta i ‘euwana limana, ta natuna me‘olotona ‘i enatunena; ta ‘i eesena Onana. 5Ta wate natuna me‘olotona ‘i enatunena, ta ‘i eesena Sela: ta Kesiba ‘ena ‘i miami, ‘ena ‘i enatunena. 6Ta Iuda waine ‘e bweu i ‘au‘ewena Era ‘ina tomatua mwanena manuna, ta ‘ana esana Tamara. 7Ta Era, Iuda ‘ina tomatua, ‘i to‘umalina Ieoba matanaia; ta Ieoba ‘i ununa. 8Ta Iuda ‘i ona Onana ‘enaia, Tasio mwanena ‘ena ‘u da rugu, ta to ai me‘olotona tasina ‘ina bubuna ‘u da guinua ‘enaia, ta tasio ena natuna ‘u da gietooro. 9Ta Onana ‘i mwaratoni ‘aene natuna nigea ‘i da tauna natuna; ta gete ‘i apwesa, ni‘atu tasina mwanena ‘ena ‘i rugu, ga ‘i e tasiwena bare‘uia, nai tasina ‘ena natuna ‘i da ‘ebwaea. 10Ta iage ‘i guinuena ‘i to‘umali Ieoba matanaia: ta tauna wate ‘I ununa. 11Ga Iuda ‘i gwae lawana Tamana ‘enaia, Tamaio ‘ina anua ‘ena ‘u da mia kwabukwabura, ga Sela natugu me‘olotona ‘i da sinabwa; ‘i gwae ta ‘enega, Nai tauna wate ‘i da mwawasa, tasinao nadigega. Ta Tamara ‘i tauia ta tamana ‘ina anuaia ‘i miami. 12Ta ma‘etamo Sua natuna me wainena, Iuda mwanena, ‘i mwawasa; ta Iuda ni‘atu nuana ‘i bobo‘ana, ga ‘i tu‘e ‘ina to‘upwasipi ‘edia Timanai ‘enaia, tauna ta gosiana Irai goma Adulama. 13Ta Tamara ‘ena si simana, si gwae, U ‘ita, lawaio ‘i tu‘e Timanai ‘enaia sabi ‘upwa ‘ina sipi. 14Ta ‘ana ‘oama kwabura ‘i alolona, ta ‘ina lobodaboda ‘enega ‘i lobodebodena tauna, ta ‘i nugwena tauna, ta ‘awa‐‘eberugu Enaima ‘ena ‘i miatoa, tauna ‘eda Timanai deinaia; i ‘itena Sela ni‘atu ‘i sinabwa ta ‘enega, ta nigea ‘ena si tautauie be ‘i da ‘awamwanena. 15Ni‘atu Iuda i ‘itena, ga ‘i nuena ‘aene sogara; maninina i ‘aubodebodena ta ‘enega. 16Ta ‘edega ‘ena ‘i sana‘ila, ta ‘i gwae, Ia sideio, ‘u da tagwara be ‘emuia ia da rugu: nigea ‘i mwaramwaratoni ‘aene lawana ta ‘enega. Ta waine ‘i ona, To‘ase ‘u da ‘ebwaegu, be ‘enega ‘u da ruguma ‘eguia? 17Ta tai ‘i ona, Gota menonoiana iau ‘enega ia da etunena ‘emuia. Ta waine ‘i gwae, We‘iwe‘iiaia ‘e bweu ‘u da ‘ebwaegu, ga ‘u da etunena? 18Ta tai ‘i ona, To we‘iweiiaia ia da ‘ebwaemu? Ta waine ‘i ona, ‘Imu ‘ebetuepa‘i ta ‘imu nosanosa, ta ‘imu keweliwelili nimamuia ‘i miamiana. Ta ‘ena i ‘ebwaeaedi, ta ‘ena ‘i rugu, ta i ‘euwana ‘enega. 19Ta waine ‘i tooro, ta ‘i tauiawa, ta ‘ana lobodaboda ‘i alolona, ta ‘ana ‘oama kwabura i ‘otena. 20Ta Iuda gota menonoiana ‘i etunena gosiana goma Adulama nimanega, be we‘iiwe‘iiaia ‘i da ‘ewa waine nimanega: ta nigea ‘i lobena. 21Ga ‘ina esena taidi ‘i eonedi, ‘i gwae, Sogara mwa‘o, tauna ‘eda tupitupinaia Enaima ‘ena ‘i miami? Ta si ona, Nigea ‘e bweu sogara bada ‘i miami. 22Ta Iuda ‘ena i ‘ila ta ‘i gwae, Nigea ia lobaloba, ta wate esena nina taidi si gwae, Nigea ‘e bweu sogara bada ‘i miami. 23Ta Iuda ‘i ona, ‘Enaia waine ‘i da ‘ewa, nai ta omaiamaia: u ‘ita, gota menonoiana gete ia ‘etunena, ta nigea ‘u lobaloba. 24Ta nawarae ‘e toi si gumwara ga gete ‘i apwesa, Iuda ‘ena si simana si gwae, Lawaio Tamara ‘i esogara; ta wate, u ‘ita, i ‘euwana esogarega. Ia Iuda ‘i gwae, Wa da ‘au‘ewa apwesenama, ta ‘i da ‘arasi. 25Ni‘atu si ‘au‘ewa apwesenama, ga lawana ‘ena ‘i etunedi, ‘i gwae, Tai nina, tauna tonigwegwe getedi, tauna ‘enega ia ‘euwana: ta waine ‘i ona, U ‘ita, ia sideio, iaita ‘ina iage getedi, ‘ebetuepa‘i nina, nosanosa nidi, keweliwelili nina. 26Ta Iuda ‘i lotamo ‘edia, ta ‘i gwae, Waine ‘ina bubuna ‘i paruparuna wawasae ‘eguia; nigea ia ‘ebwaea‘ena natugu Sela ‘enaia ta ‘enega. Ta nigea wate ‘i mwaramwaratonina. 27Ta tuta ‘i edadama gete ‘i apwesa, wa ‘ita, goama didiruarua gamwana ‘enaia. 28Ta gete ‘i apwesa, ‘ena ‘i edadama, ga ‘e bweuna nimana ‘i e‘etoapwesena: ta waine to‐etubua nimana ‘i giiai ta marakwa bweabwearina ‘ena ‘i losipwena, ‘i gwae, Gete ‘i gimi apwesa. 29Ta gete ‘i apwesa, nimana ‘i lisi ‘ilena, ga, wa ‘ita, tasina ‘i apwesama: ta waine ‘i gwae, To‘ase manuna ‘u weara taumumo? Ta ‘enega si eesena Peresa. 30Ta muriega tasina ‘i apwesama, tauna marakwa bweabwearina nimanaia: ta si eesena Sera.
Currently Selected:
Nugana 38: DOBOT
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1919
