Nugana 39
39
‘UPWA 39.
1Ta Iosepa si ‘au‘ewa mwa‘utena Aigupito ‘enaia; ta Potipara, Parao ‘ina to‐‘ita‘i‘isi ‘e bweu, to‐losaia ‘adi to‐nugana, goma Aigupito, me Isimaela taudi si au‘ewa mwa‘utena ‘enaia, nimadiega ‘i lagwena. 2Ta Ieoba Iosepa ma‘ieana, ta ‘i e tai sinabwa; ta ‘ina ‘inapwana goma Aigupito ‘ina anuaia ‘i miami. 3Ta ‘ina ‘inapwana i ‘itena Ieoba ma‘ieana, ta Ieoba iage iauiauna ‘i guinua ‘i giebobo‘anena nimanaia. 4Ta Iosepa oboboma ‘i lobena matanaia, ta ‘ena ‘i guinua: ta ‘i aseiena be ‘ina anua ‘i da ‘ita‘i‘isi, ta ‘ina iage iauiauna nimanaia ‘i sa‘udi. 5Ta gete ‘i apwesa tuta ‘enega ‘i aseiena be ‘ina anua, ta ‘ina iage iauiauna i ‘ita‘i‘isidi, ga Ieoba goma Aigupito ‘ina anua ‘i ona‐obobomena Iosepa manuna; ta Ieoba ‘ina oboboma ‘ina iage iauiauna ‘edia ‘i miami, anuaia ta baguraia. 6Ta ‘ina iage iauiauna ‘i pilisinedi Iosepa nimanaia; ta iage ma‘ieana nigea ‘e bweu ‘i mwaratonina, masura i ‘e‘ai daitamo. Ta Iosepa ‘ana ‘ita bobo‘ana, gomabwaina. 7Ta iage getedi si gumwara ga gete ‘i apwesa, ‘inapwana mwanena Iosepa ‘i duneduneie: ta waine ‘i gwae, ‘U da ‘eno ma‘ieagu. 8Ta geanuana, ta ‘ina ‘inapwana mwanena ‘ena ‘i ona, U ‘ita, ‘igu ‘inapwana iage ma‘ieagu anuaia nigea ‘i mwaratoni, ta ‘ina iage iauiauna nimaguia ‘i sa‘udi; 9nigea ‘e bweu anua gete ‘ena ‘i da sinabwa sinegu; ta nigea ‘e bweu iage ‘eguia ‘i egagare, ‘oio namo, ‘oio mwanena ta ‘enega: ga mwa‘adega to‘umalina sinabwana gete ia da guinua, ta Eaubada ‘ena ia da bubuna to‘umalina? 10Ta gete ‘i apwesa, asiata iauna waine ‘i onaona Iosepa ‘ena, ga nigea ‘i da nonona, be ‘i da ‘eno ‘enaia, nai ‘i da miami ma‘ieana. 11Ta tuta gote ‘enega gete ‘i apwesa, anua ‘ena ‘i tauia sabi guinua; ta nigea ‘e bweu anua ‘ina tai ‘ena ‘i miami. 12Ta waine ‘i giiaina ‘ana ‘oamaia, ‘i ona, ‘U da ‘eno ma‘ieagu: ta ‘ana ‘oama ‘i pilisinena nimanaia, ta ‘i dena, ta ‘i apwesa. 13Ta gete ‘i apwesa, ni‘atu waine i ‘itena ‘ana ‘oama ‘i pilisinena nimanaia, ta ‘i dena ga ‘i apwesa, 14ga ‘ina anua taidi ‘edia ‘i bwau, ta ‘i ona ‘edia, ‘i gwae, Wa ‘ita, goma Eberu ‘e bweu ‘i me‘ena ‘edaia be ‘i da sinarida; ‘eguia ‘i ruguma sabi ‘eno ma‘ieagu, ta ‘enagu sinabwana ‘enega ia bwau: 15ta gete ‘i apwesa, ni‘atu ‘i nonona ‘enagu sinabwanega ia bwaubwau, ga ‘ana ‘oama ‘i pilisinena deiguia, ta ‘i dena, ta ‘i apwesa. 16Ta ‘ana ‘oama ‘i sa‘una deinaia, ga ‘ina ‘inapwana ‘i mai anuaia. 17Ta ‘ena ‘i ona na‘ieana ona getedi, ‘i gwae, Toguinua goma Eberu, tauna ‘u me‘ena ‘edaia, ‘eguia ‘i ruguma sabi sinarigu: 18ta gete ‘i apwesa, ‘enagu sinabwanega ia bwau, ga ‘ana ‘oama ‘i pilisinena deiguia, ta ‘i dena apwesa. 19Ta gete ‘i apwesa, ni‘atu ‘ina ‘inapwana mwanena ‘ina ona nidi ‘i nonodi, taudi ‘ena ‘i eonena, ‘i gwaegwae, Gete bubuna nina ‘imu toguinua ‘eguia ‘i guinua; ga ‘ina gamwasoara i ‘ara‘arata. 20Ta Iosepa ‘ina ‘inapwana i ‘au‘ewena, ta anua‐‘ebeiona ‘ena ‘i sa‘una, esena nina king ‘ina ioniionidi ‘ena si ionidi: ta nada anua ‘ebeiona ‘ena ‘i miami. 21Ta Ieoba Iosepa ma‘ieana, ta i ‘atenu‘ole‘oleiena, ta anua ‘ebeiona ‘ana to‘ita‘i‘ita matanaia ‘ana nuanuana ‘i sa‘una. 22Ta anua ‘ebeiona ‘ana to‘ita‘i‘ita Iosepa nimanaia ioniionidi iauiaudi anua‐‘ebeiona ‘ena si miami ‘ena i ‘ebwaea‘edi: ta to‘ase nai si guinua ‘enaia, tauna ‘ina to guinua. 23Anua ‘ebeiona ‘ana to‘ita‘i‘ita nigea ‘e bweu iage nimana ‘agaraunaia ‘i da ‘ita‘i‘isina, Ieoba ma‘ieana ta ‘enega; ta iage ‘i guinua, Ieoba ‘i giebobo‘anena.
Currently Selected:
Nugana 39: DOBOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1919
